موضوع مميز |[=×=«النظر هـ|[الطبعة _02 _الثـآنية ]|ــو الحـياة » =×=]|ضعوا كل استفساراتكم حول االعين ،النظارات ،العدسات،الزجاج,,,هنا

سطايفية بكل فخر · 2016-09-27, 20:43

اقتباس:

المشاركة الأصلية كتبت بواسطة mehamade

ال

سلاااام عليكم
واتمنى تكونو بخير ان شاء الله
بخصوص القرنية جديدة مساعدتني وشايف بلي كاين فرق في الرؤية مع العين الثانية ولكن مش لدرجة كبيرة ممكن ما زال

وبخصوص الالم صحيح تضرني شوية وخاصة اتجاه الضوء ...اما قطرة

ماكسيدرول ما بدلهاش قالي ما تزيدش تديرها ..وقالي على التقنية اللي دار لك بها العملية د..كمةن مش مليحة وانا ما نديرهاش

...نسيت راكي قلتي لي بلي نسقسي لك عليها اذا تفكرتيني

...والدوا اعطاني في بلاصة دوا تاع كمون لاكريميد وانيكروم اعطاني في بلاصتهم هلامة للعين ليبوزيك ...و عطاني فلكون قطرة تاع عين ..اما حرطاني رحت لها وحدها .في حيدرة بصح لونتي ما نديرش للعين لي درت لها عملية حتى نسقسي طبيب. كمون ما ندرش على شيالي ...!!!!؟؟؟
وبارك الله فيك واعانك على الخير

اهلا مجددا اخي
الحمد لله لي راك بخير
والله فرحتني بهذا الخبر
واستحفظ عليها باش تبقا تشوف بيها
+
ياخي الدكتور كمون مليح وقولو براك متشكك في قدوراتو
وياريت تخدمو خدمتكم وتبركاو متكريكيتيو في اطباء تونس راهم هربو عليكم بمليار سنة
طورو رواحكم واسبقوهم اسيدي
+
بخصوص اخي لاكريماد هو عبارة عن دموع اصطنايعية تعاد القرنية باش تكون فيها الدموع ومتنشفش وتولي تتافاكتو وتتازم ونظن مدلك ليبوزيك في بلصاتها
اما اينيكروم ومكسيدرول هذو تاع الحساسية تاع العين وهو مدهملك لانو الحساسية مش مليحة للقرنية المزروعة
وعوضهالك بفليكون
يعني راهو عطاك ليكيفالونس تاع دوا تونس
+
بخصوص الاطباء ياخي انا نوثق في زوج فيما يخص مرض القرنية المخروطية
الاول كلينيك ابن الهيثم جاية في الابيار
هاربين بزاف كيما التوانسة
ومطورين بزاف
نصيحتي روح لثما واطلب الطبيب مكي او يحياوي
ما شاء الله
وانا سقيتك على حرطاني لانو كاين معاهم طببيب حرطاني وهو راجل
على العمم كل اطباء هذي المصحة متمكنين من مرض القرنية المخروطية وعندهم جميع انواع الاعدسات ويعملو العدسات بعد الزرع
وناجحين فيه
لدلك احسن بديل لكمون في الجزائر هي هذي المصحة
وشخصيا وليت نبعثلها لاني شفت واش يعملو
واذا جاتك الجزائر العاصمة بعيدة
ننحصك بالدكتورة طالب ويعيطولها ثاني مدام بن قارة على كنية زوجها
هي تعمل في المستشفى تاع الدولة بلزرق في وهران
وتخصصها القرينة المخروطية
نوثق في كلامها
فانت خير تروح ليها او لمصحة ابن الهيثم
هم احسن ناس نوثق فيهم في المجال وناخذ كلامهم بعين الاعتبار
وهم ايضا يحتارمو كمون ويوثقو فيه
وعليه روح عند واحد فيهم وكمل مابين تولي لتونس واذا عجبك الحال عندهم كمل عندهم بلا متشقا
واي جديد قولي عليه اخي
ومتضلش تبدل في الاطباء ليندبولك للقرنية المزروعة وتولي تظطر تنحيها
كاينين اطباء للاسف يديرو رواحهم يفوهمو وهوما والو ويزيدو يعقدو الحالة
واي حاجة تسحقها راني في الخدمة