||¬ سلسلة صحة العيون الحلـــ _03_ ـــــقـة ¬|| العدسات اللاصقة نعمة ام نقمة على مستخدمها؟

[سطايفية بكل فخر]

المشاركة الأصلية كتبت بواسطة moulmoul

ربي يعطيك ما تتمناي ويوفقك ويرضى عليك ويراضيك يارب

انتي جيتي هدية والله راكي تعاوني فيا والاخوة الاخرين ايضا وراكي جاوبيي فينا مهتمة بأسئلتنا فيارب يجعله ففي ميزان حسناتك .... ربي يكثر من امثالك .... الي قريب ينقرضوا بدليل انو طبيب تروحي لعندوا يشوفك دراهم وما ياخذ ولا يدي معاك في الكلام
انا كنت مداومة لعيادة في بلفور الحراش كامل شكروها لكن ما تستاهلش ابداااااا..... بدليل انو لما قلتلها ندير العدسات ما جربتهوملي ما والوااا كتبت الوصفة تاعها وفقط خلعتني شوكاتني ...هذا الكلام قبل ما نعرفك وقبل ما تنصحيني بعيادة ابن الهيثم الي عقدت العزم باذن الله نزورهم في اقرب وقت وانا على فكرة لست من العاصمة انا من ولاية عين الدفلة.......
فيما يخص الليزك بيناتنا احنا بنات ونفهموا على بعضانا اذا كان الوالد الي هو ولي امرك رافض الفكرة والي هو الي راح يتكفل بالتنقلات والعلاج تخيلي نديرها ويصراولوا مضاعفات ههههه نخاف منوا ههههه كثر من العملية
لهذا السبب قلت العدسات افضل على الاقل في الوقت الحالي بالاك غدوا كي نزوج هههه راجلي يعاوني هههههه

طلب منك فضلا وليس امرا .... ما تنساينيش وتسقسيلي على اسعار واماكن تواجد العدسات الجوتابل والعدسات الليلية لانو عجبتني الفكرة بزاف
في انتظار ردك
ربي يحفظك

اللهم امين اجمعين
وربي يقدرنا فقط
+
شوفي اختي جينيرالمون ليلونتي سوبل ميجربوهمش
وتمدلك وصفة ويقلك روحي اشري اي مركة
لكن في اابن الهيثم عندهم لي شوا عندهم لابو سبيسيال للعدسات وانت قوليلهم واش تحبي وهوما ينصحوك بواش يخرج عليك
كاين تاع ل يوم وكاين تاع شهر وكاين تاع شهرين
حسب لاكوراكسيون تاعمك انت
الله يبارك خيار الناس كنت نعرف زوج من عين الدفلى خميس مليانة وماش اءلله
معروف عليكم محافظات غاليتي
وسيفري راني فاهماتك لازم منخرجوش من شور الاب
وزيد يرضاو علينا باش يسترنا ربي
+
انش ءالله هههه
+
اني سقسيتلك على لمارك قالولي احتمال بلاكوراكسيون تاعك ميلقاولكش تاع كل يوم بلاك تاع كل شهر
مي حتى يتاكدو من لاكوراكسيون قبل
وانش اءلله عن قريب يمدولي الاسعار ونقول لاختي اني منسيتكمش
فقط مدولي وقت

المشاركة الأصلية كتبت بواسطة moulmoul

ملاحظة
هذا الرد تابع للرد الي فوقواااا
للعلم
انا ميوب واستجمات في نفس الوقت
وهذا واش كتبتلي في الوصفة الخاصة بالنظارات
العين اليمنى -4.5 واستجماتيزم بدرجة -1.25
العين اليسرى -4.5 واستجماتيزم بدرجة -1.25

وي علابالي كتبتلي من قبل
هو تاع الميوب تاع كل يوم متوفرة وكاينة
لكن تاع لاستيجمات يدخل فيها لاكس ويدخل فيها درجة لاستيجماتيزم
لذلك قتلك احتمال يلقاو واحتمال ميلقاوش
وبخصو ص لونتي تاع الليل الطبيب لي يديسيدي يمدهالك او لا
على العموم ديري فيزيتا وشوفي
واي سوال راني هنا