مساء الورد اليوم الثاني من معركتي
قمت 7:30 صباحا فطرت وليدي و منباعد كي العادة نص ساعة لروحي ماكياج و تصفيف شعر ودرت اذكار الصباح و الورد درتو من اليوتيوب (عذر شرعي) و فطرت و بديت المعركة مع الغسيل و اليوم كان دور لي كوفر ماطلة و النابات و نظفت الحمام (عافاكم الله) و من باعد رجعت لشمبرتي فرغت الخزانة و نحيت الطاجيرات و نظفتهم بمزيل الغبار و الى الصالون و من باعد كملت لي طابلدوني و رجعت للغسالة نشرت الغسلة الاولى بعد ما نحيت الغسيل نتاع البارح طبقتو و درت الغسسلة الثانية (ما نيش ملتزمة للظروف) كي كملت الغسيل تغديت عشاء البارح (راجل صايم) و من باعد رجعت للريزرفوار نتاع الما و قرع الشراب عسلتهم و رجعت لسرير فرغتو و حطيت الماطلة تتهوا و جابلي زوجي كراطن لميت فيهم الماعن و أهيرا انهيت الشمبرا الصعيبة و نظفتها و كي كملت درت فطورراجلي شربة فريك و جاب خبز خاطر راني عيانة و الماسك درت لوجهي (زيت زيتون+ زيت اللوز+ فازلين) و لشعري (نفس الكمية من زيت الزيتون و زيت اللوز) و جيت نحط تقريري و نريح شوية و نرجع للمطبخ راه مقلب و غدا انشاء الله نفرغو بالكامل
أدعيولي ربي يفرج عليا معاكم نسيت همي
بالمناسبة زوجي وجد منزل اخر للكراء لكن ما فيه لا مطبخ و لا دوش ربي يصبرني ادعيولي و انشاء الله معاكم نرجعو جنة كي ننتقل ليه نصورو و مطلب مساعداتكم و ارائكم في طريق تنظيمه
( تقرير عن مشاركة سيئة )، و الموجودة أسفل كل مشاركة .
2016-08-02, 18:25
العرض الشجري