السلام
موضوع مهم خصوصا و نحنا على مشارف انتهاء السنه الدراسيه وهذا ما يفسر اننا لازم نختاروا القرار الصائب والمناسب و الحاسم
انا عن نفسي اخترت وبإذن الله نروح شعبة رياضيات
لأسباب
لأنها تناسبني وتناسب قدراتي و ميولاتي واهتماماتي
لانو معظم الممتازين كيفي رايحين ليها يعني ثم حابة نلقى التنافس باش نركز اكثر مع قرايتي ونحبها ونحقق نتائج كبيره
و لاني شغوفة بالحسابات والمعادلات والرياضيات بصفه عامه
ولانو مبعد ف البكالوريا عندها الاولويه ومثلا كي تجيبي 13 في شعبة الرياضيات فالباك كأنك جبتي 16 فالعلوم التجريبيه
ولان التلاميذ لي فيها قلال و ممتازين يعني جو جدا مريح و جذاب للقرايه و يدعو للتركيز والمنافسه ، مافيهاش اكتظاظ وازدحام
ولانها شعبة الرياضيات شعبة الامتيـــاز
استشرت مستشاره التوجيه تاع ثانويتنا قاتلي شعبة الرياضيات شعبة مهمة جدا ويعتنيوا بيها عنايه خاصه ،،، على كافه الشعب
ويختاروا لتلاميذها أككككفئ الاساتذه في جميع المواد خصوصا الفيزيا والرياضيات
وأنا جذبتني هذه الشعبه لانها تحتاج ذكاء وحسابات
اما الشعب الأخرى فلم تستهوني كثيرا خاصه العلوم فيها اكتظاظ وازدحام وانا نكره مادة العلوم وناقصه فيها لانها ماده دقيقه و تحتاج منهجية دقيقه ف الاجابه و خصوصا فالباك مانعرفش ندير هذيك التحليللات والتفسيرات اللي تخلي المصحح يعطيني علامه كامله عالاجابه
وانا متحمسه جدا للدراسه العام الجاي ان شاء الله لاننا نحنا الممتازين كامل رايحين ليها و تحدينا بعضانا شكون يفوت لاخر
المهم ربي يوفقنا جميعا ويوفق اللي احتاروا في اختيار الشعبه
ولاكان فضت بيكم خلاص صلوا صلاة الاستخاره لانو ربي هو اللي يوريلك اللي خير ليك
انتهى.
( تقرير عن مشاركة سيئة )، و الموجودة أسفل كل مشاركة .
2016-03-20, 19:05
العرض الشجري