(التعدد) و(الضرة) تحت مجهر الواقع (الأصيل) للعقول الواعية، والقلوب المؤمنة الصافية

[sunshine2013]

المشاركة الأصلية كتبت بواسطة اياد حياتي

انا لي بقا محيرني في هذا المنتدى كل ما ندخل نصيب يتكلمو على
التعددددددددددددددددددددد......................... ....
او عمل المرأة...........................................
ما رانيش نصيب حتى موضوع هادف حتى راني نشك انو الي يتحدث عليهم مرتو خدامة والله ما يدير التعدد او يزوج في النهاية بإمرأة عاملة لأنو رانا نشوف الي ينفخو روحهم بزاف وكاين حتى الي نعرفهم والله ما نجيبها خدامة ولا قرات في الجامعة ومبعد تصيبو جابها وتشدو من وذنين كيما قالو ناس زمان
ورانا نشوف غير واعرة وقبيحة الي راهي عايشة حياتها اما بنات الفاميلا راحت عليها......................

صحيح أختي و الله التعدد كلمة يقولها الفم برك
كي شغل الحمد لله ما خصنا والو غير التعدد. كامل الآفات الاجتماعية اللي رانا نعانو منها بانلهم غير التعدد يهدرو و يعاودو، تلقايه بلاك ساكن في حومة معمرة اوساخ، وين راه الإيمان، النظافة من الايمان، و يحوس على التعدد، رانا نشوفو مشكل النظافة، العائلات المشردة و أقول عائلة يعني متكونة من ام و اب و اولاد، ازمة السكن، البطالة، شفتو موضوع على هاد الشي و يتكرر ، لا ، التعدد راهو محتل أعلى المراتب في النقاش
ان شاء الله يكون هذا آخر موضوع و الله احسست بالتخمة