السلام عليكم و رحمة الله و بركاته النت مهبلتني كل ما نحط رد يروح مع الريح
تطبيقي لامس
نظت على 4 و 30 صليت ركعات و حفظت سورة المطففين راني راجع في الحزب لي حفظتوا باش ما ننساهش صليت الفجر و الصبح
استغفار و دعاء الصباح جات 5 و 45 و ليت تكسلت شوية مع التسبيح و الاستغفار نظت درت لفطور ناظوا لولاد فطرو و خرجو لميت الشنابر
مسحت الغبرة فوت نشاف على الدار درت لفطور روز في الكيكوطة درت تنظيف للبشرة لميت قش الحمام نظفت بلاكار نتاع بوتاجي
جاو ولادي فطرنا و رحنا كي رجعنا صليت الظهر و تكسلنا
نظت نشرت القش و درت قهوة شربنا لمت بنتي لماعين انا رحت لجارة دايرة عملية لعينها رجعت درت لعشا و كانت عندي حماتي تحب الطعام
تعشينا غسلت لماعين نظفت الحوض و مسحت الكوزيت صليت لعشا راجعت صورة المطففين و حفظت نص سورة الانفطار و خش فش
نظت اليوم على 4 و 45 صليت و سبحت و اسغفرت و قريت الدعاء كملت حفظت سورة الانفطار باش نعرضها اليوم مشطت شعري
لبس باهي كيما قالوا التوانسة وجدت لفطور ناظو لولاد فطرو خرجو لميت الشنابر و مسحت الغبرة راه داير فينا ا لغبار حالة
و صلحت الطابيات و فوت النشاف على كلش و عطرت الدار نقيت التواليت و دوش اكرمكم الله و رايحة نخمل مكان الاحذية و ندير للفطر سباقيتي
و للقهوة مادلان الله غالب لبلوتوذ نحرقلي لوكان حطيتلكم الصور و لعشية عندنا القصيان الاسبوعي و الشهري نروح نوجد القائمة
( تقرير عن مشاركة سيئة )، و الموجودة أسفل كل مشاركة .
2015-04-15, 10:09
العرض الشجري