حدثنا كيف كان اول يوم دراسي

[*الراجي عفو الله*]

السلام عليكم

بالنسبة ليا انا طحت في قسم ج م ع 1 ما نعرف حتى واحد فيه كلهم جدد عليا كل واحد منين جاي تقول راني في ملتقى


وبالنسبة للتوقيت راه شارجي كيما قالوا الإخوة صح بصح إلا كنتوا انتوم تخرجوا على 17 أنا انزيد عليكم نص ساعة

ودايما ربع سوايع الصباح وخاوتهم لعشية نحاونا السبت برك عمرونا التوقيت وماكاش حتى ساعة فراغ إلا يوم الإثنين نخرجو على 15.30برك والأخرين حتى 17.30 معناها حتى يشيب لغراب كيما قالو اللي يقراو معايا



المهم نطلبو ربي برك يوفقنا ويسر علينا وان شاء الله انكونوا كامل من المتفوقين الأوائل يا رب


مي يظهرلي من ردودكم راكم كامل جدد في الثانوية أن شاء الله انوالفوها كيما والفنا المتوسط


وصح عيدكم وكل عام وانتم بخير


والسلام عليكم