همزة وصل بين المعلم و الولي : انت تسأل والمربي يجيبك

[عبد الناصر أمازيغ]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
الشيخ عبد الناصر مالقيت وش نقولك لاحول ولا قوة إلا بالله العلي العظيم كيفاش تعتذر مني .. أنا الي يلزم عليا نعتذر منك و نحط راسي في الأرض
و هاد وين كنت في الكوزينة و نفكر وش بيه الشيخ عبد الناصر .... نفضت يدي من الشغل و جيت باش نطمن عليك و الحمد لله لقيتك لاباس و هاد عندي بالدنيا و مافيها أنه يكون معلمي لاباس و بخير و لحمد لله على كل حال

و عموما انا ماكنتش مستعجلة و ما لمتش عليك أبدا ..... كل ما في الأمر اني حبيت نفهم المعلم ماذا ينتظر من تلميذه و انا من عادتي نتعلم من غلطاتي اكثر من صوابي و ورثت بنياتي هاد الصنعة .... قصدي لما نعرف الخطأ و نعالجه ماعدتش نوقع فيه لأني عرفت كيفاش نتفاداه
و حاجة أخرى حبيت بنتي تسترجع ثقتها بنفسها راني حاستها في خمول كبير خاصة و انه مش راضية على نقاطها رغم انها في المواد الأساسية جايبة مليح في الرياضيات 10 في الفرنسية 10 في اللغة 9.5 حتى انها المعلمة بعثت ورقة امتحانها للفوج الثاني باش تقرالهم الوضعية الإدماجية انتاعها و رغم هذا قعدت تفكر غير في النقاط السلبية الأخرى خاصة و انها جات في المرتبة 8 في القسم و بكات هاداك حدها تقولشي الباك ..... ممكن تكون غلطتي انا لأني في سنتيها لولين كنت نلومها ياسر ياسر على نقاطها لكن يعلم ربي اني تغيرت و غيرت معاملتي معاهم كامل

المهم ممكن تقولي كلمة على قواسم الأعداد
في الحق انهم قراوهم يوم الأربعاء و انما المعلمة كانت "متقلقة" ما شرحتلهمش عطاتهم تمرينات من الكتاب لما جينا نحلوهم حسيتها خايفة و تقولي القسمة القسمة تقولشي غول رح يخرجلها من الكتاب مش تمرين .... المهم اني شرحتلها انها تمشي بالعدد مثل مافهمتني في المضاعفات و قلتلها و كأنه العلاقة تاع المضاعفات و القواسم و كانهم انت بنتي و انا امك يعني جبناها بالشوية و فهمت الفكرة و الحمد لله بقات حاجة وحدة و مهمة جدا جدا ..... كيفاش نعرف أنه هاد السؤال خاص بالقواسم ؟؟؟؟ يمكن نكون كثرت الكلام و ما قدرتش نوصل الفكرة .. قصدي لما تقرأ السؤال ما تعرفش بلي هاد السؤال يخص ايجاد القواسم حتان نقولها اعملي نفس الطريقة ؟؟؟؟؟

حق الشيخ عبد الناصر راني نستنى في مشاركتك على جني التمر

و عليكم السلام و رحمة الله و بركاته

الحقيقة أني بحثت في كتاب الرياضيات للسنة الرابعة عن قواسم العدد فلم أعثر له على أثر ، يبدو أن المعلمة ما زالت تتبع في التدرج السنوي للموسم الماضي.
لكن أعطيك لمحة عن كيفية إيجادها :
لنبحث عن قواسم العدد 40 مثلا ، يجب أن نكتب كل الجداءات التي تساوي 40
1 في 40 يساوي 40 ، إذن العدد 1 و العدد 40 من قواسم 40
2 في 20 يساوي 40 ، العدد 2 و العدد 20 من قواسم 40
5 في 8 يساوي 40 ، العدد 5 و العدد 8 من قواسم 40
4 في 10 يساوي 40 ، العدد 4 و العدد 10 من قواسم 40
و هكذا نكتب قائمة قواسم العدد 40 : 1 ، 2 ، 4 ، 5 ، 8 ، 8 ، 10 ، 20 ، 40 .

أما الأسئلة المتعلقة بالقواسم فتكون مباشرة ، يعني يعني تذكر العبارة "قواسم " ، مثل :
اكتب قواسم العدد 36 الأصغر من 10 .

و كما تلاحظين درس القواسم مرتبط أيضا بالضرب يعني لازم حفظ الجداول عن ظهر القلب .

أريد أن أضيف كلمة عن الثقة بالنفس و الخمول الذي يعتري ابنتك و عدم الرضا عن النقاط ، كل هذا حسب رأيي و ما فهمته من خلال مشاركاتك السابقة ، أنك تعطين أهمية كبيرة للعلامات ، و هذا انعكس سلبا على نفسيتها .
أخبرك أني أفرح كثيرا لما يقع أحد تلاميذي المجتهدين في خطإ ، و لا أترك الأمر يمر بدون أعطيه حقه ، لكن ليس من جانب ألوم التلميذ عن الخطإ ، بل استغل الفرصة لأكد لهم أن الخطأ طبيعي و الكل معرض له حتى المجتهدين ، و هذا يجعلهم يتجاوزون التعثر دون أن يترك أثرا في أنفسهم .

و ابنتك ما شاء الله عليها ، علاماتها في المواد الأساسية التي تحتاج إلى تفكير و تشغيل للدماغ راها جايبة روحها كيما لازم الحال ، بقيت مواد الحفظ أو مواد النشاط ، فهذه تحتاج إلى ملكة خاصة "موهبة" ، و ليس الجميع ميسر لها ، كل واحد و ما أعطاه الله من قدرات و مواهب .