همزة وصل بين المعلم و الولي : انت تسأل والمربي يجيبك

[~ حراير ~]

السلام عليكم و رحمة الله تعالى و بركاته

أخي أغيلاس ماعليهش راني فولتلك بالعائلة و ربي يعطيك ما تتمنى و يسهلك أمورك كلها آمين

والله يا أخي أنه كلامك عجبني بزاف قعدت نقرا غير بشوية باش انركز في كلامك امليح و زدت عاودت قريت مرة ثانية و امبعد درت مثل ما أفعل مع مشاركات الشيخ عبد الناصر و الشيخ عمر .... راني طبعت مشاركتك و غلفتها و علقتها أمام الطاولة باش نمشي على طريقتك ربي يبارك فيك و يثبت أجرك مع اوْخَـيْـتَـك و معانا احنا الي نصحتنا و ربي يكملك بالعقل و الدين اللهم آمين
أخي أغيلاس ما لقيت وش انقول ماشاء الله لا قوة إلا بالله تبارك الرحمن ربي يحفظك و يخليك ذخر لأختك و لكل عايلتك طريقتك عجبتني ياااااااااااااسر ياسر ..... الحاجة الي ما نقدرش انديرها هي حفظ النص لأنه ابني اصلا ما يحفظش امليح .... و تقدر تقول أنك وضعت يدك على الجرح لأني فعلا أعاني من من قلة حفظه لكلمات بالفرنسية حتى أنه قبيلة في الواجب قالي JE SUIS ECOLE و قعدنا نضحكو شبعنا ضحك كي فهم كلامو فهو فاهم القواعد جيدا و يجيد تطبيقها و الحمد لله و لكن ربي يجيب من يفهمو وشيه المطلوب منه و راني و أنا انخمم امس قلت انحفظو في الأسئلة المتوقعة منه ... و على هك أخي أي أفكار في التدريس ياريتك تنفعنا بيها و خاصة خاصة صيغ الأسئلة
و ما تقولش أبدا انك طولت علينا بالعكس أنا احب التفاصيل و حتى التفاصيل المملة .... و عليه أخي ارجوك ما تحرمناش من مشاركاتك المفيدة و النافعة و شكرا مسبقا