الطبعة التاسعة "دورة الرقي لمدبرة منزل مثالية"

sondse1 · 2012-10-30, 16:00

تطبيقي للبرنامج

الجانب الجمالي

على اتم وجه الكحل للعينين / الترطيب للرجلين و اليدين / الزيت للشعر / باديكير خفيف للقدمين / ماسك ماء الورد و النشاء للوجه

الجانب الديني
الحمد لله على اتم وجه
الصلاة في وقتها *الاذكار*قراءة القران *الاستغفار

الجانب التنظيفي
في اليومين اللي فاتو
نهار السبت ما قضيتش بزاف كان يوم مخصص للزيارات العائلية و الاصدقاء
نضت على ال5.30 بعد ما صليت و قريت الاذكار و القران توجهت للكوزينة كي العادة درت الفطور "القاطو جاهز " و الحليب و القهوة و الجو و وجدت اللحم للشواء و اللي حب يقلي
و من بعد نضمت الحالة كامل من الطابق الارضي للطابق الثالث ع السريع و كان ترتيت خفيف لانو كلشي مرتب و من بعد مسحت الارضيات نتاع كامل لبيوت و الصالات و غرف الجلوس و من بعد سيقت المراح الكوزينة و الحمام حشاكم
و هنا ولات الساعة 7.30 ناضو الدار و فطرو و بدا كل واحد واش دار واحد القليان و الاخر الشواء هاكم عارفين الحالة
و انا بديت نطيب في الغدا و اللي كان العيش "البركوكس " برقبة الخروف و هذي من عاداتنا في عيد الاضحى المبارك + السلاطة منوعة + الفلفل + القازوز +خبز الدار + الديسار
و من بعد غسلت المواعن اللي طاحو و توجهت للعناية بروحي
دوشت و بدلت قشي و كحلت عويناتي و درت الفازلين لرجليا و درت السيروم لشعري و شسورتو و من بعد درتلو شوي زيت دابر املا باللوز رجع كي لحرير و يلمع
و من بعد حطينا تغدينا و غسلت المواعن و عقبت نشافة ع الخفيف على كامل الطابق الارضي
ومن بعد لبست قشي نتاع الخرجة و رحت نحوس ههه
تجمعنا كامل لبنات عند بيت جدي و من تم بدينا نزورو في اقاربنا كل واحد نروحو لدارو و نقبلو عليهم و في الاخير رحت انا و 2 بنات عماتي زرت صحاباتي و قبلت عليهم
و من بعد قعدت عند خالتي عرضتني للعشا عندها وفي الليل روحت

و يوم الاحد نضفت غرفت ماما كامل و بدلت الفراش و السيري نتاع لي نابغون و علاقات المفاتيح و عطرتهالها ومسحتها ولات تشعل شعيل و رتبتلها الخزانة و الكوافاز و بدلتلها الديكور بمساعدة خويا لكبير ربي يحفضو و غسلت القش اللي كاين و حددتو و طبقتو والى الخزاين
الغدا درت بربوشة باللحم +القازوز+الديسار و في العشا درت بكبوكة +فلفل+سلاطة+قازوز+ديسار
هذا كان تطبيقي للبرنامج و لبارح وليوم ماطبقت والو لاني من لبارح وانا عند بيت جدي و كي نروح نطبق ان شاء الله نروح طول لغرفة خويا لكبير +خويا المتوسط "لانو غرفة ماما كملتها كامل نهار الاحد

بالتوفيق لكن حبيباتي