مرأيك في الزاوج السن المبكر

[lina213]

المشاركة الأصلية كتبت بواسطة كاميلا

اولا ظاهرة الزواج المبكر هادي بكثرة في القرى ؟ انت من اي منطقة اختي ؟ وتكثر عند القبائل والشاوية لوكان البنت توصل لسن 23 مثلا راهي كيما يقولو وانا نكره هاد الكلمة بايرة عجيب؟ احنا في قسنطينة بالعكس الطفلة الزواج عادي عندها يكون من 25 فما فوق
ذكرتيني بواحدة صاحبة اختي كانت تقولها البنات الصغار هادو اللي زوجوا نزلو علينا الذبان علاش يزوجوا وهوما صغار لا اختي حريتك تنتهي عند حدود الاخرين في الاول والاخير الزواج هو حرية اللي حاب وحابة يزوجوا يزوجو
لكن الشيء اللي حابة نوجهك ليه لازم الانسان يكون عندو ثقة بالله باش ربي يرزقه ماشي يقول بسبب كذا وكذا راهو رزق متكسريش راسك خلاص وكاين اللي كتبلها ربي تزوج بعد 50 سنة عاشتها واللي تزوجتوا كامل من كل شيء حتى الاولاد يتامى وصغار هاد المرا كسبت فيهم ثواب واجر عظيم وهي قصة حقيقية راني كتبتها من قبل في المنتدى
وزيد والله من الاحسن كل واحدة تتلهى بمستقبلها يعني مالازمش نشوفو مع الاخريات بزاف كي نتلهاو بروحنا ونكونوا علاقة جيدة بالله مبنية على الايمان والرضى رح نفوزوا بكل شيء
موفقة

أنت دايرة في بالك أنه أنا أعاني من هذا المشكل راكي غالطة بزاف

أنا طرحت الموضوع مجرد فضول لمعرفة رأي الأخرين لا غير
و ليكن في علمك أنا عمري 23 من الجزائر العاصمة
تخرجة من الجامعة هذه السنة
يجي في بالك واحدة كما أنا تخمم هذ التخمام
راكي غالطة بزااااااااااااااااف فيا