حلوى القبعة بالشرح والصور

[كريمة حجاج]

المشاركة الأصلية كتبت بواسطة الوهرانية 1

نتمنى يلقاكم موضوعي هدا وانتن في كامل الصحة والعافية دائما في اطار وصفات حلويات خطوبة اختي وبعد ما حطيت ليكم وصفة la pate sur pate
تلقوها في هاد الرابط
https://www.djelfa.info/vb/showthread.php?t=1293288
طلبو مني الاخوات حلوى القبعة


الصراحة تقال حبيباتي حلوى القبعة ماكانتش في لائحة الحلويات لكن كي درت التشاراك كملت العجينة وبقى ليا الحشو درتهم هاهو التشاراك


رابط التشاراك كلاصي بالصور والشرح هاهو
https://www.djelfa.info/vb/showthread.php?t=1064387
ممكن يفيدكم اخواتي واحنا داخلين على موسم افراح ونجاحات ربي يفرحكم اجمعين
نرجعو لحلوتنا القبعة نحتاجو للعجينة
المقادير / 3 كيلات فرينة – كيلة زبدة ذايبة- شوية ملح – شوية ماء ماتكثريش باش تجمعي العجينة فقط
ا مقادير الحشو/ 3كيلات كاوكاو مطحون رقيق -1 كيلة
سكر - قرصة فاني - ماء زهر
باقي الشرح بالصور
انا هدا الحشو الي بقالي من التشاراك

كورته تحصلت على 16 كويرة صغيرة

قطعت العجينة دوائر وفي كل وحدة حطيت كرة صغيرة

حطيت فوقها دائرة عجينة اخرى

شكلتها بيدي ومن بعد نقشتها بالنقاش والى الفرن غير دخليهم وخرجيهم دقائق فقط ما لازمش يحمارو

من بعد عسليهم وحطيهم يقطرو

زينيهم بشوكولا بيضاء ارسمي خط دائري للقبعة وحطي ورود عجينة اللوز انا صنعت زوج بيضة كبيرة ووردية صغيرة

ديري اوراق خضراء

ومن بعد دردري الناكري الابيض لاعطاء القبعة لون يلمع

وهاهوما جاهزين

lممكن تزنيهم بهاد الشكل ايضا

نتمنى اني افدتكن اخواتي
في الختام نقولكم انها حلوة اقتصادية وتقطع بزاف تبارك الله

اختي الوهرانية يعطيك صحى على هاد الحلويات الجميلة لكن اريد ان اقدم ملاحضة اد امكن منضر صحون الحلوى وهي في ارض ليس منضر جميل اتمنى ان تكون وصلتكي الملاحضة وشكرا مرت اخرى على حلوة القبعة خاصة ساجربها في العيد