مشكلتي زوجي

[مواطنة]

اختي الكريمة ادا راكي تخممي في الطلاق نقولك بلي كونك مثقفة لازمك تعرفي بلي هو الحل السريع للمشاكل لمن لا بريد ان يتعب في الاصلاح وهو حل اخير
تكلمتي على بخل الزوج ادا حبيتي تبدلي طبعو لازمك شوية صبر واحتساب الاجر
كلما يجيبلك حاجة قضيان او خبزة امدحيه واشكريه مهما كانت اشياء صغيرة الرجل يحب المدح و اياك وانتقاد صفة البخل فيه بل بالعكس ابداي تطالبيه بالقليل و اشكريه بالشوية يوالف بعجبو الحال اهري و عوري الله يعطيك الصحة على هدري و عاودي و يتغير باذن الله تعالى
يا اختي التعامل مع الزوج ليس كااتعامل مع الاخ لانك كاين رجال ترباو في بيئة يكون هو الكل في الكل و طلباتو اوامر يهتم بروحو و نهار يتزوج ميفكرش بلي انتهت حياة العزوبية و اصبح مسؤول اذن انت تكلمي معاه على الاسرة و بلي هو المسؤول عليها
و كي تطلبي حاجة منو تخيلي روحك مع الاب ديالك تعيش ومن فضلك وادا تقدر وووو كلمات القدر هدو متنحيهمش من فمك ابدا مهما كانت ردة فعلو اصبري
يمكن طبعك عندك كرامة و هدا هو الانسان الحقيقي لكن ان تتصنعي بالكلام و تحسني اختيار كلمات لزوجك لن ينزل من مكانتك ابدا بل الحفاظ على رابطة الزواج مهمتك
اعملي كلما هو باستطاعتك و شوفي مميزاتو كرجل و انصحك بعدم التكلم عنه بالسوء
يا اختي لي تقدري تستغني عليه من ماديات اصبري عليه لحين يتغبر الحال ولا تجعلي زوجك محور حياتك شدي في ربي سبحانو و ثقي علاقتك بربي العالي و قومي بكل واجباتك تجاه زوجك ولا تنسي من وقت لوقت ان تسأليه مادا يريد و مايجول بخاطره لان الرجل احيانا يستحي ان يطلب من الزوجة ان تغير طبعا فيها او شكلها فيهرب و هي تبقى تلاحقه
السيارة تاعو تفسد يصلحها تشكرو بالسير و السيارة بالنسبة للرجل كيما المكياج بالنسبة للمراة قولي حب كبير هواية تنفيس عن الخاطر
علاه متساعديهش في اهتماماتو كتصليح السيارة طبيعي جدا
نتمنى انك متتسرعيش في قراراتك المصيرية و قبل اي قرار لازمك تستشيري اهل العلم و الدين و اعطي مساحة لزوجك يتنفس فيها و لا تطالبيه ياسعادك فهدا الامر بيدك وهو زيادة في السعادة الرجل لا يتحمل ان يكلف بمسؤولية اسعادك باستمرار