الأخت yarasmin. 26 ترد على تساؤلاتكم هنا

[khouloud 27]

السلام عليكم
اختي لو سمحتي تمديلي وصفة تاع كريمة
الزبدة وشعال كمية الزبدة لي تكفيني باش ندير كيكة للعيد ميلاد

[tokio hotel]

سلام اختى الله يعطيك ما تتمناى على العطاء انتاعك و مساعدتنا بدون كلل او ملل اختى حبيت نعرف الكريمة الى نعمرو بيها طاغثولات ما تقوليليش كريم باتيسيير لانها تكون بيضاء ناصعة و شادة روحها و شكرا حبيبتى

[أم هنيدة]

المشاركة الأصلية كتبت بواسطة khouloud 27

السلام عليكم
اختي لو سمحتي تمديلي وصفة تاع كريمة
الزبدة وشعال كمية الزبدة لي تكفيني باش ندير كيكة للعيد ميلاد

وعليكم السلام

أختي تفضلي أعطاتني الأخت ياسمين كريمة الزبدة وهي موجودة في الصفحات السابقة نسهل عليك

أما الشانتلي أيضا أعطاتني وصفتها:

كريم شانتليي
خذي كرام شانتي 100 غ +1/4 كوب حليب بارد لازم بارد+2 م ك سكر قلاصي
1 ضربي كرام مع قليل من حليب وبداي تفرغي الحليب غير بشوية واضيفي السكر وخلطي حتى تشوفي تموجات ضعيها في المجمد تشد روحها شوية وستعمليها بصحتك

حطي عبر بعبر ديري كوب كريمة الزبدة+ كوب كرام شانتي وخلطي وهي جاهزة

[أم هنيدة]

المشاركة الأصلية كتبت بواسطة tokio hotel

سلام اختى الله يعطيك ما تتمناى على العطاء انتاعك و مساعدتنا بدون كلل او ملل اختى حبيت نعرف الكريمة الى نعمرو بيها طاغثولات ما تقوليليش كريم باتيسيير لانها تكون بيضاء ناصعة و شادة روحها و شكرا حبيبتى

وعليكم السلام

أختي كريمة التارتولات موجودة في الصفحات السابقة كنت سألت أنا الأخت ياسمين وأعطاتني الوصفة وجربتها وكانت رائعة في الخفة واللذة وهي مزيج من كريم باتسيير وكريمة الشانتلي نحطلك وصفة الأخت ياسمين ربي يجزيها خير ويبارك لها

كريم باتسيار
كرام بتسيار 1/2 لتر حليب+4 صفار بيض+100 غ سكر+50 غ مايزينة+ لفاني وطيبيها حتى تثقل وتبرداضربيها بالباتوغ باه تولي اعلى نيفو واحد ومن الفوق اطليها بالعسل ساخن وذرذي السكر قلاصي من الفوق
تحضير الكريمة
ضربي صفار البيض+سكر+ المايزينة حتى الانسجام ومن جهة اخرى سخنى الحليب+ لفاني ونقصي شوية احليب وفرغيه مع خليط البيض وخلطي بالباتوغ مبعد كي يسخن الحليب فرغي خليط على الحليب ساخن وخلطي حتى يثقل وتصبح كرام بتيسيار بصحتك

كريم شانتليي
خذي كرام شانتي 100 غ +1/4 كوب حليب بارد لازم بارد+2 م ك سكر قلاصي
1 ضربي كرام مع قليل من حليب وبداي تفرغي الحليب غير بشوية واضيفي السكر وخلطي حتى تشوفي تموجات ضعيها في المجمد تشد روحها شوية وستعمليها بصحتك

مزج كرام شانتي مع كرام بتسيار خلطيهم وديريهم في التارت بصحتك

أختي أنا مزجت عبر كرام باتيسيير مع نفس عبر شانتلي خلطتهم بالخلاط الكهربائي ووضتها في التارتولات ووضعتها في الثلاجة تحكم روحها والكريمة وخرجت بيضاء اللون وخفيفة وبنينة سأضع لك الصورة عندما أرفعها ان شاء الله

[nokia111]

السلام عليكم اخواتي الكرام اتمنى من الاخت ياسمينة او اي واحدة اخرى ان تعطيني وصفة tourte^مالحة من فضلكم اريد العجينة وكيفية التحضير

[وصال7]

السلاام عليكم اختى ام كوثر طلبى هو نوع حلوى خاص بمرضى السكرى

وشكراااااا

[khouloud 27]

المشاركة الأصلية كتبت بواسطة أم هنيدة

وعليكم السلام

أختي تفضلي أعطاتني الأخت ياسمين كريمة الزبدة وهي موجودة في الصفحات السابقة نسهل عليك



أما الشانتلي أيضا أعطاتني وصفتها:



حطي عبر بعبر ديري كوب كريمة الزبدة+ كوب كرام شانتي وخلطي وهي جاهزة

شكرااااااااااااااااااا ليك ختي ربي يخليك ويحفظك

[yarasmin.26]

المشاركة الأصلية كتبت بواسطة وصال7

السلاام عليكم اختى ام كوثر طلبى هو نوع حلوى خاص بمرضى السكرى

وشكراااااا

انا لست الاخت ام كوثر اما فيما يخص حلوة لمرض السكري استعملي اي حلوة ومكان السكر استعملي سكر لايت يباع في سوبر ماركت او الصيدليات وهكذا تستطعين صنع انواع الحلويات لايت

[liliane24]

أختي ياراسمين من فضلك راني جربت قلب اللوز انتاعك و ما جانيش مليح
حبيت نسقسيك على الشاربات قداه نخليها تغلى فوق النار، لأنه جاني ناقص حلاوة و أظن أن اتلشاربات هي السبب

[*سماح 94*]

اختي اعطينا الطريقة الصحيحة لاستخدام الجيلاتين بودر مع الكميات المظيوطة يعني الورقة بشحال غرام نعوضها
وجزاك الله خيرااا

[yarasmin.26]

المشاركة الأصلية كتبت بواسطة liliane24

أختي ياراسمين من فضلك راني جربت قلب اللوز انتاعك و ما جانيش مليح
حبيت نسقسيك على الشاربات قداه نخليها تغلى فوق النار، لأنه جاني ناقص حلاوة و أظن أن اتلشاربات هي السبب

اسفة عاوديه انشاء الله يخرجلك كاين عضوات اخرجلهم من اول تجربة عاوديه مع مراعة التفاصيل الدقيقة المهم الشاربات توجد ليلة من قبل وكي تسقي قلب اللوز تكون باردة شاربات اما المدة عند الغلوة الاولى احسبي20 د وطفي اما اذا شفته ناقص حلاوة اضيفي شوية سكر فوق العبر الي اعطيتهولك وبالتوفيق انشاء الله

[liliane24]

المشاركة الأصلية كتبت بواسطة yarasmin.26

اسفة عاوديه انشاء الله يخرجلك كاين عضوات اخرجلهم من اول تجربة عاوديه مع مراعة التفاصيل الدقيقة المهم الشاربات توجد ليلة من قبل وكي تسقي قلب اللوز تكون باردة شاربات اما المدة عند الغلوة الاولى احسبي20 د وطفي اما اذا شفته ناقص حلاوة اضيفي شوية سكر فوق العبر الي اعطيتهولك وبالتوفيق انشاء الله

شكرا لك أختي ياراسمسن ، أنا واثقة من جميع وصفاتك راني جربت المادلين و البسبوسة و الكيك و كل الوصفات كانت ناجحة.
كنت متأكدة بأن الخلل في الشاربات لأني غليتها فقط 10 دقائق.
إنشاء الله نعاوده .

[yarasmin.26]

المشاركة الأصلية كتبت بواسطة nokia2007dz

اختي اعطينا الطريقة الصحيحة لاستخدام الجيلاتين بودر مع الكميات المظيوطة يعني الورقة بشحال غرام نعوضها
وجزاك الله خيرااا

ورقة واحدة هي 1 م ك جيلاتين بودرة ذوبيها في ماء او ليمون سواء اذا كانت ورقة اوغبرة المهم ذوبيها في سائل ماهية مشكلتك بالتفصيل باه نحلوها

[wafa.wafa]

من فضلك أختي لو تعطيني وصفة لبتي فور كيما تاع المحلات راني جربت وحدة وما خرجتليش

[khouloud 27]

السلام عليكم يا ختي
بغيت نجرب الجينواز والباتور في الوقت الحالي ما عنديش راه ضاعلي مي عندي روبو فيه تاع لي يدير العصير ولي يقطع ويرحي اللحم الصفار قادرة نخلطو مي بياض باش نطلعو كي الثلج كل ما نحاول في الروبو يطلعلي غير شوية وخلاص ما يوليش كي الثلج
اسكونقدر غير بهاد الروبو ونطلع البياض كي ثلج مي يلزملو مدة طويلة ولا قد ما نحاول ما يطلعليش وادا نقدر نعم جينواز بطريقة وحداخرا ويجيني خفيف وشباب
الله يخليك ختي جاوبيني واعطيني حل باغية نديرو مي والله خايفة لا يهبطلي وما يخرجليش وديري في حسابك ادا نقدر نعملو غير بالروبو
اسمحيلي حبيبتي طولت عليك سلامي ليك