لماذا ترفضين ابني ؟؟؟؟؟؟ - الصفحة 3

جسور المحبة · 2012-02-20, 17:46

اقتباس:

المشاركة الأصلية كتبت بواسطة chamam

انا مقلتلكش زوجى بيه والا متزوجيش بيه ..هاديك حياتك وانتيا حرة فيها ...انا قلتلك ..حسنى العلاقة مع المراة هاديك خيرلك ..متعرفيش ..الام كتحس ..بالغيرة على ابنها واش من كره وحقد تخبيلك ..
يقولون ان نهاية الحب دائما هى بداية لفقدان العقل ........
انا تانى الشى لغيضنى انها من العائلة ..وكيمة تعرفى صلة الرحم شئ ..يعتبر كبير بزاف ..لهدا ..انا نحب لوكان تصفى لقلوب خير انتيا تزوجى وهو يزوج ..وتبقى العلاقة الاسرية مليحة ..ونقولك حاجة يا جسور المحبة ..يقولون ادا اردت العسل لا تفسد الخلية ...

يااخي شمام هي البادئة انا كيما موالفا السلام نقولها عادي وراني قتلك اني حتى بناتها معاملتي بيهم مليحة غير هي لي تبدلت من جيهتي

~~chamam~~ · 2012-02-20, 17:53

اقتباس:

المشاركة الأصلية كتبت بواسطة جسور المحبة

يااخي شمام هي البادئة انا كيما موالفا السلام نقولها عادي وراني قتلك اني حتى بناتها معاملتي بيهم مليحة غير هي لي تبدلت من جيهتي

واشبيك يا طفلة ...بلاك تخزى الشيطان ...راهوا مكان والوا ..

تعرفى واش ليغيضنى انا ..انا نحس بالام هاديك ..خصوصا ادا كانت بلى ابنها كان معلق عليك امال كبيرة ..بمعنى ادا كانت تعرف ان ابنها كان يحبك ..وكان يبنى احلام كتيرة ..شوفى مليح وسمعينى ..

يقولون ان الصداقة قد تنتهى بالحب ولاكن الحب لاينتهى ابدا بصداقة .........
يقولون ..ان نهاية الحب هى بداية لفقدان العقل ..وفقدان العقل هو بداية ..للبغض ...يقولون ان البغض متل البئر كلما طال الزمن ازداد البئر عمقا ....
ارجوا ان تفهمينى ...اكتب دائما ما احس به ...

-العائد الى الله- · 2012-02-20, 17:57

وعلاش انت حاسبا روحك كسندرا ولا قوادالوبي

اللي يتقدم ليك ترفضيه وتقولي حياتي وانا حرة فيها

قعدي هكدا حتى تبوري ... سقسي العانسات اللي راهم هنا

طالبة مساعدة · 2012-02-20, 17:59

اعذريها فهي يبدو انها مستاء لرفضك لابنها حاولي تفهميها انك لا تريدي زواج الاقارب واعطي اسبابك حتى لا تشك فيك

MONONOKI · 2012-02-20, 18:01

السلام عليكم

اولا اختي السلام لله يعني انت لازم عيلك تسلمي وهي حرة ترد او لا وليست مجبرة ع الرد عليك ان لم تحب ذلك لاسباب في نفسها ممكن بعد رفضك لابنها اهتزت صورتك امامها فاصبحت تراك متكبرة ومتعجرفة ولست اقلل من قيمتك حاشا لله ولكن الام لاتحب ان يرفض ابنها
يعني ربي يكون معاك ومهما يكن تبقى انسانة كبيرة عليك ويلزم عليك تحترميها حتي لو حدث خلاف معها
وفي الاخير ارجو ان لااكون اطلت عليك في الكلام
سلامي واحترامي

جسور المحبة · 2012-02-20, 18:01

اقتباس:

المشاركة الأصلية كتبت بواسطة katchou

وعلاش انت حاسبا روحك كسندرا ولا قوادالوبي

اللي يتقدم ليك ترفضيه وتقولي حياتي وانا حرة فيها

قعدي هكدا حتى تبوري ... سقسي العانسات اللي راهم هنا

عندي اسباب وعلىاساسها نرفضوفي نفس الوقت هذي حياتي وانا لي رح نعيشها مع الانسان لي نقتنع بيه
ومراني لاكسندرا لا حيزية

جسور المحبة · 2012-02-20, 18:03

اقتباس:

المشاركة الأصلية كتبت بواسطة mononoki

السلام عليكم

اولا اختي السلام لله يعني انت لازم عيلك تسلمي وهي حرة ترد او لا وليست مجبرة ع الرد عليك ان لم تحب ذلك لاسباب في نفسها ممكن بعد رفضك لابنها اهتزت صورتك امامها فاصبحت تراك متكبرة ومتعجرفة ولست اقلل من قيمتك حاشا لله ولكن الام لاتحب ان يرفض ابنها
يعني ربي يكون معاك ومهما يكن تبقى انسانة كبيرة عليك ويلزم عليك تحترميها حتي لو حدث خلاف معها
وفي الاخير ارجو ان لااكون اطلت عليك في الكلام
سلامي واحترامي

لي يحيرني علاه ديما يتوقعو القبول من المفروض كيما يتوقعو القبول يتوقعو الرفض ومكاش حاجة بالسيف

-العائد الى الله- · 2012-02-20, 18:04

في هاذي الدنيا تعطيك وتعطيك ثم تخبطك على الارض

اللهم انتهزي الفرصة

بالله عليك عقلك ولا قلبك ارفض الراجل اذا ولات هكذا راكي غالطة يابنت الناس

اما اذا استخرت ربي ومن بعد رفضتيه هنا اقف تحية اجلال لك لان رب العباد رفضوا وليس انت

اللهم اني قد نصحت

~~chamam~~ · 2012-02-20, 18:06

اقتباس:

المشاركة الأصلية كتبت بواسطة katchou

وعلاش انت حاسبا روحك كسندرا ولا قوادالوبي

اللي يتقدم ليك ترفضيه وتقولي حياتي وانا حرة فيها

قعدي هكدا حتى تبوري ... سقسي العانسات اللي راهم هنا

لا لا راك غالط هنا ...بلاك هى قلبها محجوز ..يعنى مريزارفى ..تحب تزوج ..الدي تحبه.......يقولون ان الحب هو روح الكون تفجرت منه رائحة سعادة ..القلوب ..والحب هو عبارة عن اسمنت مسلح مليئ بالتغرات .........

جسور المحبة · 2012-02-20, 18:15

اقتباس:

المشاركة الأصلية كتبت بواسطة katchou

في هاذي الدنيا تعطيك وتعطيك ثم تخبطك على الارض

اللهم انتهزي الفرصة

بالله عليك عقلك ولا قلبك ارفض الراجل اذا ولات هكذا راكي غالطة يابنت الناس

اما اذا استخرت ربي ومن بعد رفضتيه هنا اقف تحية اجلال لك لان رب العباد رفضوا وليس انت

اللهم اني قد نصحت

عقلي وقلبي في زوج رفضوه وصراحة ما فكرتش نصلي الاستخارة لانني اتخذت القرار في اول لحظة وتقلقت بزاف

-العائد الى الله- · 2012-02-20, 18:18

اقتباس:

المشاركة الأصلية كتبت بواسطة chamam

لا لا راك غالط هنا ...بلاك هى قلبها محجوز ..يعنى مريزارفى ..تحب تزوج ..الدي تحبه.......يقولون ان الحب هو روح الكون تفجرت منه رائحة سعادة ..القلوب ..والحب هو عبارة عن اسمنت مسلح مليئ بالتغرات .........

هاذي لم تخطر على بالي

بصح ياخويا انت راك تتكلم غير بالامثال بلاصتك في الدبلوماسية

-العائد الى الله- · 2012-02-20, 18:22

الجسر يربط طرف مع طرف بمعنى يوطد العلاقة بين شيئين

اما انت يا جسر المحبة لا ارى ان هذا الاسم ينطبق عليك بل شيئا اخر

لانك تفهمي بزاف انا نتكلم معاك هكدا وانت ماعلاباليش واش

جيت نعاونو في قبر امو هرب لي بالفاس

هاذا عليك انت