أما عني أنا اجتزت الامتحان الاسبوع الماضي أي في 20 نوفمبر ، يعني هذا الأسبوع صححنا فيه
نبداو بالساهل و هي ت اسلامية الحمد لله خدمت فيها و ديت 19.5و كذلك الفرنسية كانت سهلة وخدمت باه نعوض في الفرض لاني ديت فيها 12.5
اه بالنسبة للرياضيات كان الاختبار مليح و كنت حاسبة روحي راني دايرة كلش صح a part وحد السؤال لكن كي صححنا شفت روحي دايرة اخطاء بزاف و تافهة جدا
حتى أنني اشارة دالة تألفية غلطت فيها من كثرة التسرع و قلة التركيز و معادلة المماس كتبتها بلا x ههههه مثلا : 2x+3 أنا كتبتها 3 + 2 كون كملتا 5 و خلاص هههههه
و في الاخير ديت 16 رغم أنو صديقتي دات 19.5 ، الحمد لله على كل خال
اه بالنسبة للاجتماعات حفظت ملييح من الكراس و من الانترت لكن ماديتش مليح لانو حطونا مصطلحات أول مرة نسمع بيهم حتى في الكتابة كتبتهم خطأ ههه
)مثلا: الستار الحديدي كتبتها التيار الحديدي (
اااااه بالنسبة للفلسفة // قالتنا الأستاذة من قبل أنو راح تجي مقالة تاع مقارنة و تحليل نص أمالي حنا في التطبيقات كنا دايرين مقالة تاع السؤال العلمي و الفلسفي دونك توقعت تجينا مقالة أخرى و كاين غير المشكلة و الاشكالية انا خدمتها في الدار و حضرتها و كنت عاقلة عليها وفعلا حطوهانا ياي مين شفتها طرت بالفرحة لاني كنت عارفة بلي غير أنا راح نخدم مع أنو ماكناش كاتبين بزاف عليها لكن في الاخير ديت 15 ................. هي مليحة مي زملائي داو 16.5 و 16 و الله انخلعت رغم انو وحدة منهم قبل الامتحان و سألتي على الفلسفة رحت نشرحلها كيفاش يديرو مقالة بالتفصيل على نيتي و هي دات خير مني
نرجعو من العلوم و آه من العلوم كان طويل مي الأسئلة نتاوعو ملاح و حتى أنو طاح وحد السؤال تاع بنسية أنزيم هيكسو كيناز لي جا في الفرض تاع الأخ بهاء الدين
وكنت فرحانة و حاسباتو ذو بنية ثالثية لكن هو ذو بنية رابعية و كذلك درت أخطاتء جد تافهة و ديت 15/20 رغم أني الوحيدة لي ماديتش مليح القسم كامل خدم و داو بـــ 18. 17 و 16.5 لكن الحمد لله
و بالنسبة للفيزياء كان الاختابر راااائع لكن طويل شوي لدرجة اني كنت نكتب دون تفكير ودون مراجعة و الكتبة رقيقة بزاف يليقلها la loupe حتى أني نسيت سؤالين لانو كل سؤال فيه سؤالين او 3
أما الأدب فكانت المفاجئة يعني كان صعب جدا جدا و كانت القصيدة لأيليا أبو ماضي لكن رغم ذلك أخدت نقطة مليحة و بالنسبة للانجليزية كان في المتناول و ديت فيها 17
....
....
....
أما الفروض ما نحكيش عليهم خلاص ،لانو ولا نقطة تفرح ، الاعلى نقطة هي 15 على ما أظن، و 20/20 راحو ما أيام السنة الماضية
رغم انني كنت نتحصل على 18 و 17 في المعدلات الفصلية للسنة الماضية لكن هاذي السنة راني ندعي غير نلحق 16
المهم النقاط ليست مقياسا لمستوى التلميذ
و مليحة كي يخطأ الواحد دركا خير من لي يخطا في البكالوريا
.
..
.
. آسفة ،،، طولت عليكم شوي ،،، المهم أنني شاركتكم مغاماراتي في الامتحانات
و وفقنا الله في باك 2012
( تقرير عن مشاركة سيئة )، و الموجودة أسفل كل مشاركة .
2011-12-01, 17:20
العرض العادي
