طلب مساعدة / الرفيس تاع الشرق

[حنين الروح *]

سلام عليكم ..

من فضلكن ... شكون تقلي طريقة الرفيس اللي يطيبوه في تبسة .. كليتو مرة ومقدرتش ننساه وحابة نطيبو


شكرااااااااااا

[بنت الطيب]

والله ما نعرف تاع تبسة إذا تحبي تاع قسنطينة نقولك

[حنين الروح *]

شكرا يا لحبيبة .. اوك قوليلي عليه

علاش انتيا من قسنطينة ؟؟

[miri_27]

عذرا لنا من الوسط و اذا حبيتي انمدلك الرفيس ديالنا راكي تاكلي ماتحبسي من كثرة بنتو

[حنين الروح *]

المشاركة الأصلية كتبت بواسطة miri_27

عذرا لنا من الوسط و اذا حبيتي انمدلك الرفيس ديالنا راكي تاكلي ماتحبسي من كثرة بنتو

شكرااااااااا حبيبتي على مروروك ،، أكيد ماذابيا نتعلمهم كامل .. في انتظار الوصفة تقبلي تحياتي

[حسينة 36]

الا حابة نمدلك تاع الطارف وعنابة وانت احكمي

[ماما ليث]

الرفيس التونسي كيما يسموه اهل تبسة غرس منقي ومرحي تعجنيه بالزبدة حتى يولي طري تزيديه الدقيق المتوسط محمص في طجين الطين او مقلى ثقيلة تعجني الكل مباعد تشكليه وزينيه حسب ذوقك بالمكسرات ولا حلوة الترك ارجو انك تجربيه وترديلنا فكرتيني فيه ان شاء الله نحضر منو كمية لاولادي

[ام راضية]

الرفيس في تبسة نسموه رفيس تونسي
انا تبسية وطريقتي هي
ترحي الغرس بعد ما تنقيه وتفوحية بقليل من القرفة غبره وقليل من عود القرنفل مرحي غبره كذلك وتعجنيه بقليل من ماء الزهر
ثم تاخذين دقيق نوع خشن تحمصيه قي مقله او طجين تاع طين حتي يحمار ثم تصبيه علي الغرس وتعجنيه بالزبدة حتي تتداخل جميع المكونات ثم تشكليه حسب رغبتك
مثلا لكيلو غرس حوالي 2 كيلو دقيق وزبده حتي يتجمعلك الخليط
اتمن ان اكون افدتك

[حنين الروح *]

المشاركة الأصلية كتبت بواسطة حسينة 36

الا حابة نمدلك تاع الطارف وعنابة وانت احكمي

اوك حبوبة أنا في انتظار الوصفة .. شكرا

[حنين الروح *]

المشاركة الأصلية كتبت بواسطة ماما ليث

الرفيس التونسي كيما يسموه اهل تبسة غرس منقي ومرحي تعجنيه بالزبدة حتى يولي طري تزيديه الدقيق المتوسط محمص في طجين الطين او مقلى ثقيلة تعجني الكل مباعد تشكليه وزينيه حسب ذوقك بالمكسرات ولا حلوة الترك ارجو انك تجربيه وترديلنا فكرتيني فيه ان شاء الله نحضر منو كمية لاولادي

شكرا حبيبتي انا من باتنة وهدا احنا تاني نطيبوه وبنفس الاسم ونفس الطريقة ... لكن ما اسأل عنه كليتو من عند صديقة من تبسة بصح زي واحد اخر كانت قاتلي انه يتفور بعد ما يطبوه كسرة في الطاجين او في الفوور .. هذا واش قاتلي ... ان شاء الله نوصل الفكرة

[حنين الروح *]

المشاركة الأصلية كتبت بواسطة ماما ليث

الرفيس التونسي كيما يسموه اهل تبسة غرس منقي ومرحي تعجنيه بالزبدة حتى يولي طري تزيديه الدقيق المتوسط محمص في طجين الطين او مقلى ثقيلة تعجني الكل مباعد تشكليه وزينيه حسب ذوقك بالمكسرات ولا حلوة الترك ارجو انك تجربيه وترديلنا فكرتيني فيه ان شاء الله نحضر منو كمية لاولادي

المشاركة الأصلية كتبت بواسطة ام راضية

الرفيس في تبسة نسموه رفيس تونسي
انا تبسية وطريقتي هي
ترحي الغرس بعد ما تنقيه وتفوحية بقليل من القرفة غبره وقليل من عود القرنفل مرحي غبره كذلك وتعجنيه بقليل من ماء الزهر
ثم تاخذين دقيق نوع خشن تحمصيه قي مقله او طجين تاع طين حتي يحمار ثم تصبيه علي الغرس وتعجنيه بالزبدة حتي تتداخل جميع المكونات ثم تشكليه حسب رغبتك
مثلا لكيلو غرس حوالي 2 كيلو دقيق وزبده حتي يتجمعلك الخليط
اتمن ان اكون افدتك

شكرا حبيبتي انا من باتنة وهدا احنا تاني نطيبوه وبنفس الاسم ونفس الطريقة ... لكن ما اسأل عنه كليتو من عند صديقة من تبسة بصح زي واحد اخر كانت قاتلي انه يتفور بعد ما يطبوه كسرة في الطاجين او في الفوور .. هذا واش قاتلي ... ان شاء الله نوصل الفكرة

[janino]

شهيتونى فالرفيس مش غير لى بالغرس يسمى الرفيس حتى لى بطيب فالفور و يترحى و من بعد يتفور و يتريح يسمى رفيس

[سلمى_2008]

والسلام عليكم ورحمة الله وبركااته صح كااين ثالاني الي يتوفر وهاادي طرريقتو يجي بنيين بزاااف
المقادير

3كيلات سميد

كيلة زبدة مذابة

ماء وماء الزهر

كأس لوز أو كاوكاو

قليل من الملح

عسل

حليب رائب أو لبن

ماء الزهر

زبدة

سكر رطب

طريقة العمل

نخلط السميد الزيت والزبدة

نمزجهم جيدا ثم نضيف الملح ونبللهم بالشوية ماء الزهر والماء

ثم نأخد صينية وندهنها جيدا بالزبدة نضع العجين ونبسطها في الصينية

ونقسمها الى مربعات

نضعها في الفرن مدة 25د حتى تطهى وتحمر

نخرجها من الفرن ونقوم بهرس عجين الرفيس المطهو وهو ساخن

نغربلها ونفتلها بكف اليد

مع صب ماء الزهر ونتركها تفورة مرة اولى وعند الفوران ننزعه

ونضعها في قصعة ونرش عليها ماء الزهر وشوية حليب

ونرجعها تفور مرة اخرى ونضعها في القصعة ونضيف لها

الزبدة والعسل ونتركها لبضع دقائق ثم نضعها في صحن التقديم

ونزينه بالسكر الناعم والكاوكاو أو اللوز وتأكل مع اللبن أو الحليب الرائب




وبألف صحة وعافية

[miri_27]

هذا وين فهمتك حنونه على واش راكي اتحوسي احنا الرفيس عندنا مثلما احكيتي ايطيب في الطاجين ثم انفتوه و انفوروه و هاكي الطريقة
اولا تدخلي لهذا الرابط فية المسمن الي هو المعارك ديالنا وراهي طريقة سهلة و ماتغلبكش في التحضير
https://www.djelfa.info/vb/showthread.php?t=719415
انا إستعملت مارغرين التوريق لكن في حالة الرفيس نستعمل الزيت عادي
بعد ذلك خذي المبشرة العادية الي تستعمليها في تبشير الجزر - الفرماج - و أبشري عليها المعارك الي طيبتيهم رايحه تتحصلي على قطع صغيرة
حضري الكسكاس وفوري القطع الصغيرة بالزبيب حتى يطراو شويه بعد ذلك ريحيه بالزبدة قدميه سخون مزين باللوز و الجوز المحمص او بالعسيلة او سكر ارطب
إنشاء الله اتكوني فهمتيني
و هذي الوصفة عزيزتي نعملوها للضياف كي يجي عندنا مولود جديد وبصحتكم و اي استفسار انا في الخدمة

[ام راضية]

المشاركة الأصلية كتبت بواسطة حنين الروح *

شكرا حبيبتي انا من باتنة وهدا احنا تاني نطيبوه وبنفس الاسم ونفس الطريقة ... لكن ما اسأل عنه كليتو من عند صديقة من تبسة بصح زي واحد اخر كانت قاتلي انه يتفور بعد ما يطبوه كسرة في الطاجين او في الفوور .. هذا واش قاتلي ... ان شاء الله نوصل الفكرة

عندنا نوع اخر مثل الرفيس يسمي ملتوخة ويتعمل بكسرة مثل الرخساس وترحي وتفور
هل هذا ما اكلت