دورة فراشات تزهو بالألوان بيوتهن قمة في النظافة و التنظيم و التدبير و الاتقان

[فرحة العمر]

أنا للأسف منقدرش نحط برنامج الطبخ الأسبوعي لأني فاشلة في المطبخ وممكن تصنفوني في التحضري يعني أقل من المبتدئات
كل اللي نعرفو محاجب والسفنج والغريف وشخشوخة الظفر وبعض أنواع الغراتان والبيتزا وخبز الدار فقط
العناية بالجسم نقدر نفيد لأني مهووسة خلطات ونحب نهتم بجسمي أكثر من اهتمامي بالبيت
عنايتي بالمنطقة الحساسة هي برنامج نديرو كل يوم والحمد لله مساعدني
ملابسي الداخلية قطنية 100 بال100 وإذا اضطريت للنايلون نستعمل الفوط الرقيقة اليومية
لإزالة الشعر نستعمل موس جيليت ومرتاحة عليه والنشاء أو الغاسول ممنوع منعا باتا الصابون وقبل الإزالة بيوم ندير مقشر عبارة عن زيت زيتون وسكر وبعد الإزالة كريم ميكوتين لمنع الحبوب والإلتهابات
الغاسول نستعمل فيميليان ولا لاكتيسيد وأيام الدورة منقوع البابونج ولا الزعتر
نشرب الزنجبيل والنعناع مع ملعقة ماء ورد هذا من أجل الروائح وتنظيف الرحم بصح ماشي يوميا يوم بيوم
أما البرنامج فكل يوم قبل النوم بساعتين نمسح بزيت الورد ونترك المنطقة تتهوى وفي الصباح نغسل بماء دافي وصابون الحجرة هذا يوميا
وكاين خلطة وبرنامح راني بديت نمشي عليهم إذا جابو نتيجة وعد مني نحطهم
آه بالنسبة لتطبيقات منقدرش نحطهم لانوحاليا راني في دارنا أما في بيتي منقدرش نحط لأنو معنديش النت كيما قلت من قبل وفي الختام ربي يوفق كل وحدة ويعينكم وادعولي ربي يفرجها عليا

[بعيدة المنال]

السلام عليكم ورحمة الله وبركاته كيف حالكن يا فراشات يا منورات المنتدى وبيوتكن اشتقت اليكن جميعا خاصة حبيبتي وتوأم روحي بيبة
عدت والعود أحمد فوجدتكن تطرن في سماء التألق عاليا
رايحة نصرب طلة على وش فاتني ونرجع

[chahrazed g]

موضوع رائع وين نلقى البرنامج لي راكو ماشيين عليه من صباح وانا نقرا في الصفحات و ما زال ما كملتش

[أم فاطيمة]

[color="royalblue"][size="5"][b]السلام عليكم فراشات ملونات
اولا نرحب العزيزة على قلبي الاخت ليزا العسلاوية و نقولها زارتنا براكة و راكي منورة الدورة
الاخت بيبا مبروك على اختك و على ام وسيم ربي يكبرهم على طاعته
الاخوات الجد د مرحبا و القدامى معزتكم في القلب
باي ما ندخلش هذو يومين راهم عندي ضياف ربي يوفقكم لما يحب و يرضى
الاخت شهرزاد هاهو رابط ملخص الدورة
https://www.djelfa.info/vb/showthread.php?t=1767116

[زينب2000]

سلام يا فراشات
أشكر كل من تمنى لي الشفاء
أختي Biba جزاك الله خيرا على النصائح القيمة الخاصة بالطفل، جعلها الله في ميزان حسناتك

ماصدقت أمس و حسيت روحي شوية مليحة ، قضيت اليوم في الماكن الساخنة، نخدم و نرتاح شوية، وحبيت نحط المشاركة تاعي لكن la connexion راهي مدايرة حالة ، تتقطع بزاف
امس و أنا نظف كنتو في بالي و استمدت شوية قوة من نشاطكم، مسحت خزانتي الملابس تع والدي ورتبت جهة مليح، ودرت تعديلات بسيطة في الجهات الخرى -كنت رتبتها من قبل-

استعملت في تلميع الخزانة عصيرالليمون و زيت الزيتون، سمعت في برنامج بللي هذه فكرة ليحب يتجنب االمواد الكيميائية (عصير حبتي ليمون و كأس زيت الزيتون تخضيهم مليح و تضعيهم في زجاجة رشاشة)
بصح أنا عصرت الليمون و حطيت الزيت عشوائيا، وخلطتهم في إناء و مسحت ، نشاالله نحضر الخليط و نخلي ديما جاهز

وزدت نظفت واحد المكان لا ينتهي منه مسلسل الفوضى، كتبي هي السبب، عندي كتب لازم ننقراها و لما نرتب أدراج كتبي، يتملكني الحماس لقراءة كتب اخرى و نحطها بجانبي بش نقراها و ميكفينيش الوقت، و نقول من بعد نقراها و هكذا-بيني وبينكم نتونس و الكتب قريبة مني-

و اليوم درت خفافي فقط حاسة بتعب شوية و قلت ندخل نطل عليكم و نحوس شوية في المنتدى و في المساء نكمل

وكتبت في كناش واش لازم ندير و لحاجة لنتفكرها نكتبها، و لما نخلصها نشطب عليها و هكذا
وإن شاء الله راني نحاول نظم روحي على قد ما نقدر

سلامي لكن جميعا

[oum sabrin]

مساء الخير حبيباتي الفراشات
اتمنى تكونو بخير
واش نقولكم لبنات راني دايرة حالة بنيو لوك ههه درت كوب كاري بلونجو و دربت فيها اونسوبلميني شباب راجلي ولا يديرلي بس بس مادموزال حبيت نهدر معاك ههههههههه و الله غير عندك الحق يا جيادا تسريحة الشعر تلعب دور كبيييييييييييير
اختي ام رتاج عظم الله اجركم و رحم فقيدكم و اسكنه فسيح جنانه امين يا رب
اختي شي بيبا و ام وسيم مبروك ما زاد عندكم يترباو بالصحة و الهناء رانا نستناو في الطمينة
شكرا لك شي بيبا على المعلومات االمفيدة لخاصة بالطفل
يا حبيبتي حبيبة شحنتيلي واحد الطاقة الموجبة حبيت نخرجلك كامل معجم كلماتك الرائعة ههههههههه
اليوم نضت على 5/30 غسلت و غيرت ملابسي و صليت الفجر راجعت شويا> قران لي راني نحفظ فيهم باش نثبتو
ثم حضرت قهيوة و في نفس الوقت دوزنت االغذاء درت جواز شوفلور نوضت بنتي و حضرتها للذهاب للروضة ثم رفدت كامل لي تابي تاع الكولوار و الصالون مسحت الغبار و نظفت الارائك نفضت الشورا خرجت المخايد للشمس او بديت غرفة نومي و غرفة ابنائي و غرفة عجوزتي سيقتهم لبارح عميقا يعني ليوم جوزت عليهم خفيف فقط ثم بديت تسياق عميق للصالون و الكولوار مع غسل باب الصالون الزجاجي و باب المدخل و كملت سيقت كامل الدرج و الباب الخارجي ايضا غسلتو
ثم رديت كل حاجة لمكانها فطرنا انا و ابني و دوشت و رطبت يديا و رجليا و غيرت ملابسي ريحت شويا و دوك راني معاكم
في المساء راني مبرمجة 15د لواحدة من خزانات المطبخ نبردها
هذا هو تقريري لنهار اليوم
راني نستنا في برنامج التنظيفات العميقة باش نبدا معاكم محابيتش نديرو وحدي
بالتوفيق للجميع نروح نجيب صبرين من الروضة

[ماريا.م]

السلام عليكم اخواتي الفراشات
بارك الله فيكم على المعلومات القيمة اللي راكم تقدموهم
بارك الله فيك اختي حبيبة على الترحيب
هاذ ليامات راني نراجع واش فاتني ونكتب النقاط المهمة
وبديت نحضر الجداول والاهداف
وناوية نبدا التنفيذ ان شاء الله كي تخلاص العطلة
في أمان الله

[lyzzabel]

مساء النوووور
ربي يخليكم حبيباتي بيبا و ام فاطيمة النور نوركم غالياتي ،، ام فاطيمة راكي هنا تاني نتيا وانا قاعدة نقول وين راحت هههه ليك وحححححشة انشالله راكي لاباس نتيا و العائلة الكريمة
عجبتني الدورة كتييييييير و بغيت نسجل معاكم و نشارك مادا بيا تقولولي كيفاش ندير خاطرش راكم متقدمين بزااااااااف و انا هدا وين لحقني القطااار ههههه

[شوشو 11]

السلام عليكم

اولا شكر خااااااااااااااااااص للحبيبة حبيبة على الكلام البلسم اللي يتحط عالجرح يبرى ....ربي يبارك فيك وفي عميرتك ويرزقك من حيث لا تحتسبين راك المنارة اللي نشوا عليها ربي يدومها دورة ونكونوا نساء ونص ياجرنا على اخلاصنا في عملنا لبيوتنا

ثانيا نرحب بالفراشات الجديدات وعين الصواب التحاقكم بالدورة ولو متاخرين ولكن بالصرار رايحين نلحقوا جميعا

والفراشات السباقات للدورة يعطيكم الصحة على الاثراء والحماس ...تاكدوا اننا نرفعوا معنويات بعضنا ونزيدو من الحماس ...الى الامااااااااام سر




نرجع اتطبيقاتي كخلاصة للايام السابقة..نقيت الكويزينيار ولبستها هي وطابلة الطابونة بالالمنيوم ...فرزت ادراج المطبخ ونقيتهم.....نظمت خزانة الملابس ومسحتها .....غسلت حيوط الكوزينة باكسبرس ماصبرتش وسبقتكم لاني ملتزمة بعد العطلة بالخدمة وما نقدرش للتعب تاعها ....نقيت اكسسوارت المطبخ وعلب البهارات

والطابق العلوي سيقتو عمييييييييق وبدلت ديكور الصالة شوية ونقيت البلاكار وفرزتو مليح والغرف الاخرين تاني

وغرست اللواي نحب الخضورا فالدار ....طبعا ما نحكيش على كومات اللبسة اللي يتغسلو دائما

ااااااه قبل ما ننسى دوشت لبنتي البكرية حبيبتي اعرفوها ...

-
-
-
-
-
-
-
-
-
-
-الماشينة لافي

غسلتها من فوق ومن داخل بالمكعب تاع انتي كالكار خرجت تشعل ...راها نافعتني ويدي اليمين
تهلاو انتم تاني في البكريات تاوعكم هههههههه

تلميع الحوض اصبح التزام وحاستو تحدي مهما كانت الضروف ... مازالني مع قائمة الطعام مع الاولاد يتشرطوا وكل واحد عندو ما يحب ويكره

واجباتي الدينية الصلاة والاستغفار واادكار الصبح والمساء واية الكرسي نحفظ فيها لاولادي مع بعض الادعية القصيرة

نفسي شفتهلها خير من بكري نلبس ونتعطر والكحل دائما وتفريش الاسنان والماكياج حاجة خفييييفة ولادي كبار ..التدواش قبل النوم افضل واحسن من النهار نكون هادئة وفي راحتي ...شعري او زغباتي ههههه عندي تسريحتين او ثلاثة فقط بيه قلييييل مايبان فيه والو مسكين ...معتمدة ماسكات بالعسل لوجهي ومانحبش الكيمياوي الطبيعي احسن وعندي كريم نيفيا للترطيب ما يخطينيش وصابونة دوف

الحمد لله ربي العالمين وبي يدوم علينا نعمة الصحة والعافية ...اللهم ادمها نعمة واحفظها من الزوال

[بعيدة المنال]

الله الله على الحراير وصلتو لنيو لوك بلا بي أستناو علي ضك نتفرغلكم : النيو لوك درتو بلا ما نعرف وش تفاهمتو من وراي - كان عندي عرس - واش نقول واش نحكي تووووب صبيغة وكوب غير هاك لكن للأسف رجعت لداري مشحونة بطاقة المنافسة ومتأهبة للحاق بكن لكن ما لقيت في الدار ولا قطرة ماء والعين ما زاللها يومين باش تجي إهي إهي إهي التعمار من برة صعيب خاصة وحنا على 4 طابق سأكتفي من الأشغال غير على الضروريات باش نحافظ على صحة سي السيد
أخواتي المحلقات الجدد في بستان الأنيقة الظريفة العفيفة حبوبة وخياتها مرحبا بكم معنا ناشطات فحلات نحلات وزينات تاني
أختي أم ريتاج عظم الله أجركم فيما أصابكم ورحم ميتكم ربي يكون في عونكم
المتألقة بيبا ألف مبروك سلامة أختك وما زاد عندها يتربى في طاعة ربي وعز والديه وألف شكر على المعلومات الدقيقة لي تقدميها
حبيبتي أم وسيم مبروك ما رزقك ربي رزقتم الموهوب وشكرتم الواهب كثري الطمينة راهم الفراشات كامل يستناو
حبيبتي ياسمينتي العطرة ليكي وحشة يا طفلة إنت بتزاكري من وراي ما تفاهمناش هكذا
حبيباتي الفراشات المنورات :أم فطيمة - جيادا -شوشو- أم سلمي - أم صبرين -( راني طليت على مائدتك وذقت من كل طبق شوي يعطيك الصحة طيابك 4444)- مارية - النايلية - نجاة - أم مهدي - أم أحمد ,-زينوبة ( الله يشفيك حبيبتي ويعافيك ومن كل شر ينجيك) ,,..... وكل وحدة باسمها توحشتكم بزااااااااااف
فرحة العمر مبروك عليك الاسم الجديد يليق بيك وبأناقتك علاه تحقري في روحك وتقولي ما نعرفش نطيب الأكلات لي ذكرتيهم ما تعرفلهم إلا الحرة يا العمرية وأنت الله يبارك مهتمه بنظافتك ( وهذا عنوان المرأة الحقيقية ) راكي في طريق التميز وتأكدي أن الريح لي ما تكسرك تقويك
حبيبتي حبيبة : ختام المسك يا قلبي توحشتك بزاااااف وكنت في بالي طول فترة غيابي أتساءل هل ما زلت تتألمين ، ربما شغلتك الدنيا عن زيارة الطبيب ، هل الألم يلازمك دائما وقت الدورة أم هذه المرة فقط ؟؟؟؟؟؟ وكثير من الأسئلة تجول في خاطري الى أن قرأت البارحة تعليقاتك على الأخوات فاطمأن قلبي الله يطمأن قلبك ويسعدك بلي يهنيك ويعرف قيمتك يا جوهرة وما تنسايش بلي عندك توأم روحك مستعدة للمساعدة في أي ظرف الله يبقي عليك الستر

[بعيدة المنال]

رجعت متوحشة الهدرة كخ كخ كخ كخ أختي شوشو جربي الوصفة لي عطيتهالك راه التساقط يتوقف في الحين أما انبات الشعر ينبت لكن يتطلب وقت وستلاحظين الفرق من أول استعمال
حبيت نسألك على تدواش بكريتك تستعملي المكعب من داخل فبم تدوشيها من برة ؟ الله يخليك ويحفظلك وليداتك
بالنسبة للأخوات الجدد نعتبركن من أهل الدار بمجرد المشاركة فتفضلن على الرحب والسعة
ألاحظ غياب كثير من فراشات المنتدى . حرائر - رقية الناجحة - فراشات العمر - سعيدة - سميرة - أم الخير -أم ملك - حسناء - أم هديل - أم مروان - .....
عسى المانع خير ونسأل الله العظيم رب العرش العظيم أن يحفظكن جميعا

[حبيييبة]

حبيبتي بيبوشة قلبي
الموضوع الاول عجبني اكثر
بالتوفييييييييييييييييييييييييييييييق

[حبيييبة]

مساء الخيرات حبيبات قلبي

[assinet]

الله الله عليكم حراير بلادي هذي الأفكار و الا بلاش ما شاء الله عليكم دورة في القمة
ممكن نكون متأخرة عندي مدة مازرتش المنتدى الحبيب ماكنش عندي وقت نهار كامل و اناا مع اشغال الدار و مع بنتي راهي دير فسنين قتلوها هذي الدورة جات في وقتها لعل يتنظم وقتي و تلقى وقت لروهي هملتها برشا مسكينا
الاخت حبيبة تلقيها في ميزان حسناتك الاخوات الحراير رابي يبارك فبكم وتزيدوا نشاط أكثر واكثر

[بعيدة المنال]

اللهم نستغفرك ونتوب اليك الله بلغنا رمضان وأعنا على طاعتك وحبب الينا الإيمان وزينه في قلوبنا واجعل سيدنا محمد - صلى الله عليه وسلم - أحب الخلق الى قلوبنا