خبز الشعير من مطبخي .وفوائده الصحية من النت - الصفحة 2

ام ملاك. · 2012-09-25, 17:22

يعطيكم الصحة والله شهتوني عندي بزاف ماشفتهاش هاد النوع نتاع الكسرة العام اللي فات شريت سميد نتاع العير وماعرفتش كيفاش نديرو ولا نطيبو قكل مانطيب ماتنجحليش واعر باه يتلم
قعدلي سميد حتان خسر ورميتو خسارة
اعطوني وصفة اللي تكون سهلة وطريقة القديمة

أم ياسين الزهراء · 2012-09-25, 19:46

حنونةطريقتي هي القديمة وهي صح واعرة بصح غير بلعقل وكيما قتلك كل مرة شمخي يديك وعلى فكرة لوستي تحل القرصة فوق صاشي تاع الخطفات او الديول

ام راضية · 2012-09-26, 11:59

اقتباس:

المشاركة الأصلية كتبت بواسطة أم ياسين الزهراء

احنا هذي طريقتنا نسخنو الماء حتى الغليان ونحطو الدقيق والملح برك وبمغرف تاع الحطب طبعا الماء يغلي نفرغو على الدقيق ونخلطو ونغطوه ونخلوه هو الافل مدة 5 سوايع ومافوق ومنبعد مايريح العجين نجيبو جفنة ونعجنوه بلا مانقطعو العجين ودايما يدينا مبلين في الماء ونعملو كرصات مايكونوش رقاق بزاف وماتنسايش يديك في الماء وحطي في الطاجين سخون بزاف وماتقلبيش الكسرة حتى طيب

نفس الطريقة اختي ام ياسين غير احنا نبسوها مش ما تجيج يابسة
انا طيبتها في الكويزينيار

ام راضية · 2012-09-26, 12:00

اقتباس:

المشاركة الأصلية كتبت بواسطة Basketteuse

راني وليت انشاءالله نفيدكم عندنا نوعين من الكسرة بالشعير
اولا الحرشاية : دقيق وشوي زيت ملح وماء ونلمها ثم نطيبها .... تجي قاسية نوعا ما
اما المخمرة : فتتكون من دقيق وملح نضيف اليه ماء ساخن ونتركها تتشرب عدة ساعات طبعا حسب خبرة كل وحدة كاين اللي تتركها ساعة فقط وتقدر تلمها .......من بعد تلمها وتطيبها بنفس الطريقة المذكورة من طرف الاخت ام ياسين الزهراء.... وهذه تجي طرية اكثر من النوع السابق

مشكورة علي التوضيح

ام ملاك. · 2012-09-26, 15:36

وليتلكم
يعني مانقدروش نديرولها زيت الداخل غير بالما والملح؟

زينب الهلالي · 2012-09-26, 18:15

اقتباس:

المشاركة الأصلية كتبت بواسطة ام راضية

وهل يوجد احسن من الاصالة اختي ام ياسين
الطريقة التي اعملها بها وهي طريقة امي حفظها الله سهلة جدا وهي نبسس الدقيق بالزيت ونضع فيه الملح ثم نصب عليه الماء السخون ونتركها تتشرب ليلة كامله دلك الماء في الغد نعجنها جيدا ثم نشكلها
مشكورة علي المرور

أسعدكالله كما اسعدتقلوبنا بهذه الطريقة الرائعة ،أنا أحب هذا النوع من الخبز وهو غير متوفر بالجودة التي وجدتها عليه في العاصمة....أحيانا أوصي عليه من العاصمةيأتون به لي سأجرب طريقتك ويا رب تنجح
دعواتي

ام راضية · 2012-09-27, 16:19

اقتباس:

المشاركة الأصلية كتبت بواسطة مونية ك

وليتلكم
يعني مانقدروش نديرولها زيت الداخل غير بالما والملح؟

يا اختي انا نديرلها الزيت

ام راضية · 2012-09-27, 16:20

اقتباس:

المشاركة الأصلية كتبت بواسطة زينب الهلالي

أسعدكالله كما اسعدتقلوبنا بهذه الطريقة الرائعة ،أنا أحب هذا النوع من الخبز وهو غير متوفر بالجودة التي وجدتها عليه في العاصمة....أحيانا أوصي عليه من العاصمةيأتون به لي سأجرب طريقتك ويا رب تنجح
دعواتي

ان شاء الله تنجحلك ومشكورة علي الدعوة التي افرحت قلبي

polyma · 2013-03-24, 08:19

chokrane na9dro na3mloha fi conginatore kole manadjabdoha naskhnoha wa lala

الحركاتية · 2013-03-24, 11:35

يعطيك الصحة أم راضية

أحنا ثاني نسميوها كسرة الرغدة وتصنع من دقيق الشعير وهو صحي للغاية ونخبزوها بنفس طريقتك ممكن نضيفولها شوية زيت ولا أثناء الخبز نفرشو الزيت وندهنوها من الوجهين ونحطوها في الطجين .
وبها نقدرو نعملو الرفيس ويجي هاااااااااايل : نفتتو الكسرة بعد ما تطيب ونضيفولها الغرس محلول في الزبدة ونعجنو كما الرفيس الزيراوي
وثاني نفتلو بدقيق الشعير كسكس احنا نسموها بربوشة وتكون خشينة على البربوشة تاع دقيق القمح وتتفور عادي وتسقى بحليب البقرة ولا مرق أحمر وحده أو خليط من حليب البقر وقليل من المرق الأحمر بلحم الضان المجفف ( الخليع ) أو القديد تجي روووووووووووووووعة وقد ماتاكلي ماتشبعيش لأنها خفيفة على المعدة والأمعاء

أنواار الإيماان · 2013-03-24, 12:02

رااااااااائعة فعلا صحية جدا