جزء 55من واش طيبتو اليوم تفضلو - الصفحة 10

lamia zina · 2014-01-31, 16:05

لهنا البسكوي خرج يهبل شحال قعدتي باش قطعتيه

lyzzabel · 2014-01-31, 16:11

حبيباتي ام إبراهيم و افروديت شكرااا و الدجاج حطيتله توابل الدجاج كنور لي فالصورة أنا اول مرة نستعملهم و زدت معاهم أوراق الرند للبنة وشوية زيت وملح و ماء

لامية زينة نعم البطاطا درتها في كيس الشواء و حطيتلها حبة بصل صغيرة مرابية و ملح و فلفل اسود و فلفل احمر حلو و زعتر شوية زبدة و زيت و ششششوييييية ماء
نتمنى نكون أفدتكم حبيباتي

بشرى2008 · 2014-01-31, 16:11

لهنا البسكويت جاك روعة يعطيك الصحة

lahna moka · 2014-01-31, 16:12

لامية معجون التباسا هايل يعطيك الصحة و على البسكويت درتو لبارح واليوم قطعتو لأني ما درتلوش الجولي ماكانتش عندي

aphrodite16 · 2014-01-31, 16:12

اقتباس:

المشاركة الأصلية كتبت بواسطة lahna moka

حنان راني نستنى تطبيقك حبيبة قلبي هاذا يشرفني و على الطاجين أنا تاني نكره الشفلور ريحتو برك تدوخني بصح في هاذ الوصفة و الله ما تبان ننصحك تجربي غير شوية و تذوقي ممممممم شفلور ترافيكي هههههه

البابا ااانا تان خطرة لقيت لاغوسات تاعها في وحد الكتباب تاع ماما قديم ههه زعما ماناش نهدرو على نفس الكتاب مي الله لا يشووفك كيفاه خرجتلييي هههههههه عجينة من داخل و ريحة الخميرة فيها تصررررررررع هههه

و الشيفلوور ما نسترجيييش هه عندي حساسية من الخضرة ما نحبهااش مي بالاك نديرو لماما

lyzzabel · 2014-01-31, 16:18

عهد الله هذا وين شفت طيابك الله يبارك طاولة مشهرة تتهنو بهاذوك الشهيوات انشالله وبصحتكم حبيبة
افروديت يعطيك الصحة الصابلي رووووعة ممممم

aphrodite16 · 2014-01-31, 16:23

تعيشو حباباتي شكون تحطلي وصفات يكونو تاع ريجيم
ماما راهي مريضة شوية و الطبيبة طلبت منها ريجيم ايا مانيش حابتها تاكل غير الخضرة مفورة

lyzzabel · 2014-01-31, 16:26

بنات كاين واحد الطريقة تاع دجاج فالفرن ويجي تاني محمر من كل جهة و البنة رووووعة أحسن من التوابل لي يتباعو إذا بغيتو نحطها لكم حبيباتي

بريق الامل& · 2014-01-31, 16:33

جبتلك الباروك عهد الله على قد الحال هههههههههه
عشايا تاع البارح وبقالي فطرنا به اليوم

نسيت السلاد ما صورتهاش عادية جدا
ودرت لامبوط مع قهوة لعشية ثاني لبارح

.
.
.
,
.
.
.
.
.
.
.
.
.
.
.
.

بريق الامل& · 2014-01-31, 16:34

اقتباس:

المشاركة الأصلية كتبت بواسطة lyzzabel

بنات كاين واحد الطريقة تاع دجاج فالفرن ويجي تاني محمر من كل جهة و البنة رووووعة أحسن من التوابل لي يتباعو إذا بغيتو نحطها لكم حبيباتي

حطي حطي مول الخير ما يشاور

بشرى2008 · 2014-01-31, 16:43

بريق الامل تقول راجلك أستاذ هههه راني حسبتهم شهرية نتاع أستاذ جديد والله

lyzzabel · 2014-01-31, 16:46

اقتباس:

المشاركة الأصلية كتبت بواسطة بريق الامل&

جبتلك الباروك عهد الله على قد الحال هههههههههه
عشايا تاع البارح وبقالي فطرنا به اليوم

نسيت السلاد ما صورتهاش عادية جدا
ودرت لامبوط مع قهوة لعشية ثاني لبارح

.
.
.
,
.
.
.
.
.
.
.
.
.
.
.
.

امممممممم بروقة شهيتينيييي يعطيك الصحة

بصح قوليلنا ربحتي تومبولا ؟؟؟؟؟؟ :d:d:d

lahna moka · 2014-01-31, 16:48

حنان جربي البابا على ضمانتي و رايحة تدعيلي أكيد و ربي يشفيلك الوالدة يا رب
بشرى أنت الرائعة حبيبتي
بروقة طيابك يهبل بصح المروحة تاع الدراهم ما فهمتهاش هههههههههه حسبتهم لقيت 3 ملاين و 300 ههههههههه الخلصة جات و لاّ واش

aphrodite16 · 2014-01-31, 17:06

لهوووونة عاودت قريت الوصفة تاع البابا و راهي تبان هاايلة ماشي كيما اللي درتها
مي عفسة ما قنعتنيش انا خطرة شفت حورية دارتها قالت البابا تحب الشاربات قعدت تشرب فيها و تعاود و صح كي نشروها تجي مسقية ملييييييييييييح مي نتي قلتي ما تشربيهاش مليح علاااااه؟؟

lahna moka · 2014-01-31, 17:14

حنان وصفة حورية المطبخ جربتها و سقيتها بزاف راح الشكل كامل و تاني تقولي راكي تاكلي في كاك مع كأس شاربات
هنا فالوصفة قلت ما تشربيهاش بزاف يعني ما تبالغيش ما تكون جافة ما تكون مشمخة بزاف بزاف
أي سؤال حبيبة قلبي راني