ولادتي قربت بادن الله دبرو عليا بخصوص الحلويات

ladymuslima · 2012-06-12, 11:05

السلام عليكم ورحمة الله وبركاته
اولا ابارك للاخت أم كوثر ونقولها بلي رانا كيف كيف بلاك نولدو مع بعض باذن الله اسئلكن الدعاء بالتيسير
وثانيا حبيت دبرو عليا في الحلويات الي نديرهم ان شاء الله ما نيش حابة نكثر بزاف وحابة حوايج يشرفو وساهلين للخدمة لاني ما عنديش اليد العاملة بزاف
اقترحولي واش هي الحلويات الي تصلح لمثل هاته المناسبات وخاصة الي نقدر نحفضها لمدة معينة مع السخانة هادي
وشكرا اخواتي الكريمات

أم ياسين الزهراء · 2012-06-12, 12:55

ربي يسلكك على خير انت وام كوثر

mayayasmine · 2012-06-12, 14:27

ربي يسلكك على خير نشاء الله انت وجميع المومنات تقدري ديري مقروض أول حاجة بقلاوة أو قطايف مخبز أو ملبس يعني تشاراك صابلي أو قاطو بالليمون معجون الفراولة راهو وقتها ومعاهم البسيسة أو الزرير كيما يقولولها و البركة ربي يسلكك على خير.

omrami · 2012-06-12, 15:01

rabi yasahalak inchaalah inti w om kawtar
kayan bazaf wasafat sahlinf fal montada hawsi tsibi
wmin raki wahdak makach li y3awnak
diri sable w mchawak
wa9roud whaja m3ahom ta3 tla kima mkhabaz m3a tomina w bazaf

ladymuslima · 2012-06-12, 15:18

امين يا رب
وشكرا لكل الاخوات الي ردو عليا انا نحب بزاف القاطوات نتاع القلاصاج لكن والله عقدني هاد القلاصاج كل مرة نجربو ما يصلحليش في الاول يجيني البياض مليح بصح كي نزيدلو السكر يولي سائل وما يحكمش و ما ينشفش فمن تعطيني نصيحة او طريقة مجربة

ladymuslima · 2012-06-12, 15:20

اختي mayayasmine
قاطو الليمون قصدك الي يجي من داخل بازاست ومن بعد تغطسيه في الليمون والسكر الرطب؟ هدا صح ساهل وبنينن انا نعشقو
ديما نديرو مقرودات ولا راكي تهدري على واحد اخرى من فضلك حطيلي الوصفة

mayayasmine · 2012-06-14, 09:43

نعم أختي نهدر على القاطو تاع القارس اللي تهدري عليه أنا نحبو بزاف كاين تاني les barquettes بعد الطياب يتعمر بnestlé et chocolat أو المكسرات فوق nestlé أو مكسرات وعسل وزبدة. نحاول نحطلك la recette فيما بعد.

it's me · 2012-06-14, 09:49

ربي يسلكك على خير اختي
انا نقترح ديري صابلي و مقروط و زيدي حاجة مثلا تشاراك ولا غريبية
الف مبرروك

lamia89 · 2012-06-14, 10:37

ربي يسلكك على خير

oum seifelislem · 2012-06-14, 19:30

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
مع ان مشاغلي كثيرة لكني تذكرت اني وقفت هذا الموقف قبل سنة من الان وقد ساعدتني الاخوات جازاهن الله خير الجزاء.....
بالنسبة لي عملت
مقروظ
القطايف
صابلي بالكاكاوو مربعات لصقتهم بالكراميل وقلاصيتهم بالشوكولا وزينتهم بعجينة اللوز
قاطو الضفرة
قريوش اللي زي السباقيتي
غريبية
ارجو ان اكون قد افدتك
السلام عليكم ورحمة الله وبركاته

*أم كوثر* · 2012-06-14, 22:08

الله يخليك اختي وربي يجيب وقفة ساهلة لكل وحدة حامل وربي يرزق كل محروم
انصحك بالمقروط تع ام رامي جربتو وجاء هايل
اضافة الى الصابلي وقلاصيه بالشوكولا
وغريبية واي نوع قروش تحبية
ننصحك البقلاوة او القطايف خليها للايامات الاخيرة باه تبقى مشربة
وننصحك احفظي الحلويا في مكان بعيد عن الرطوبة ومن الاحسن في بورت مونجي وفي التلاجة من تحت هكا مايصرالهم والو
والله يعينك

حنان امة الرحمان · 2012-06-14, 23:48

ربي يسلكك على خيرانت وكل مسلمة حامل

الواثقة بالله 23 · 2012-06-15, 00:14

https://www.djelfa.info/vb/showthread.php?t=695426

https://www.djelfa.info/vb/showthread.php?t=911190

https://www.djelfa.info/vb/showthread.php?t=968290

الواثقة بالله 23 · 2012-06-15, 00:29

تولدي على خير و عافية ان شاء الله ولادة ميسرة

و يا رب يكون ابن بار و صالح

و متنسايناش بالدعاء

ladymuslima · 2012-06-15, 17:52

شكرا لكن اخواتي افرحتني ردودوكم وهذا ان دل على شيئ فهو يدل على روح المحبة والمودة والاهتمام بين اعضاء المنتدى الطيب
فحفضكن الله وجعلنا اخوات متحابات امين يا رب
ان شاء الله بدات تتوضح عندي الامور قلت ندير
مقروظ
مع قاطو القارص
ومع قاطو اخر بالنيستلي و الشوكولا ما يطيبش ويتقص
مشوك بالكاوكاو والمعجون
بقلاوة ولا قطايف باذن الله