سؤاااااااال عن كيفية صنع المثقبة؟؟؟؟؟؟؟؟

[afaf_jata]

مساء الخير اخواتي
الله يخليكم احتاج كيفية صنع المثقبة الجزائرية و خطواتها بالتفصيل للي عندها تعطيني الوصفة و جزاها الله كل خير

[afaf_jata]

اين انتم ولا رد والله مختاجة الوصفة جداااااااااااااااا و يلا ريت الدقيقة و المظبوطة كذلك

[*جوري*]

السلام عليكم

المثقبة الجزائرية من الشرق الجزائري

المقادير :
3 كيلات سميد متوسط
1 كيلة سمن
ماء زهر
ماء دافئ للعجن

الحشو :
تمر الغرس منزوع النواة و مغسول مليح و مفور
قرفة و زين

الطريقة :
بسسي السميد جيدا بالسمن ثم رشنيه بشوية ماء زهر ( قدر 1/2 كاس شاي )
اجملي العجينة بلا ما تدلكيها و اقسميها الى نصفين
اخدمي التمر الغرس مليح بالقرفة و شوية زيت حتى تتحصلي على عجينة
حلي النصف تاع العجينة بسمك 1 سم على شكل دائري
افردي فوقها عجينة التمر
حلي النصف الثاني من العجينة في مكان آخر ثم ضعيه فوق التمر
حاولي تنسيق الخبزة لكي تكون متجانسة و قطعيها مقروطات
سخني طاجين الحديد و طيبيها
و بالصحة و العافية
ان شاء الله تعجبك
هذه طريقة المثقبة من منطقة الشرق و بالضبط سطيف

[afaf_jata]

يعطيك الصحة حبيبتي زمردة17 على مشاركتك و افادتك
لكن هذه الوصفة نعرفها باسم لبراج اما المثقبة شيئ ثاني تجي معسلة و يخدموها في العاصمة و البيليدة و منطقة القبائل اكثر شيئ
اتمنى الافادة من الاخوات

[*جوري*]

المشاركة الأصلية كتبت بواسطة afaf_jata

يعطيك الصحة حبيبتي زمردة17 على مشاركتك و افادتك
لكن هذه الوصفة نعرفها باسم لبراج اما المثقبة شيئ ثاني تجي معسلة و يخدموها في العاصمة و البيليدة و منطقة القبائل اكثر شيئ
اتمنى الافادة من الاخوات

آسفة اختي فقد اعتقدتك تبحثين عن البراج
سوف آتيكي بوصفة المثقبة

[*جوري*]

مثــــــــقبة بالعسل

المقادير :

3 اكواب من السميد المتوسط وقرصة من الملح وملعقة اكل سكر عادي
وكوب من السمن او الزبدة ذائبة وماء للعجن

الطريقة :

في اناء كبير ضعي السمن ومعه ملح وسكر ثم افرغي عليه الزبدة الذائبة وحاولي تحركي جيدا لتدخل الزبدة في السميد ثم رشي عليها الماء بكميات قليلة مع تحريك بواسطة اصابع جيدا حتى تصبح عجينة متماسكة
حلي عجينة على سمك 1.5سم ثم قطعيها على شكل مقروطات



سخني الزيت في مقلاة وضعي المثــقبة فيه واتركيها حتى تكتسب لون ذهبي

انزعيها و قطريها من الزيت ثم عسليها و شهية طيبة

[afaf_jata]

يعطيك الصحة اختي زمردة17 انت هاااااااااااااااااااااااااااااااااااااااااايلة ميرسي عليك بزااااااااااااااااااااااااااااااف

[راجية غفران ربها]

هاااااااااااااااااااااااااااااااااااااااايلة يعطيك الصحة

[أم ياسين الزهراء]

فكرتيني بصغري شحال كانت ديريها ماما نموت عليها

[حياة نور الدين]

بارك الله فيك زمردة توحشتك

[nesro95]

لكل أنواع الطبخ زورونا على موقع https://ztolotorrent.forumalgerie.net/