المعقودة

نور اليقين جيداء · 2012-05-07, 22:09

السلام عليكم لبنات لي تعرف هذي اكلة تقولي عليها قلولي حضروها بلبطاطا مي انا منعرفش نخدمها و دايمن نسقسي خطيبي شاتحب تاكل يقولي المعقودة
راني حاصلة قولولي كفاه نديرها

ninam · 2012-05-07, 23:04

salam okhti haja sahla bezaf ghali batata fi al maa menbaad harsiha bel forchita zidilha al maednouss mekatae besal mekae sghir moghref farina melh felfel akhal chwiya khamara tae gateau al baydh ala hessab al kamiya man baed ahkmi moghraf w ikliha khbizat fi al zit hadi mdjarba et najha 100 b 100

meriama13 · 2012-05-08, 12:46

ساهلة طريقتي في المعقودة
غلي البطاطا مع الملح ثم ارحيها ضفيلها معدنوس مقطع رقيق فلفل سكنجبير نطيب بيه بزاف نبغي المذاق نتاعه شوية زعفران و بيض و فرماج محكوك و اخلطيها مليح أنا شخصيا مانبغيش ندير فيها الفرينة باش ماتجيش ثقيلة
لما الزيت تغلي جيبي 2 ملاعق بملعقة ارفدي شوية من الخليط و حطي فوقها الملعقة الثانية و اسحبي ثم أعيدي الكرة و حطيها في الزيت تقلى من الجهتين

بنت غليزان · 2012-05-08, 13:03

شوفي هذا الرابط
https://www.djelfa.info/vb/showthread.php?t=661432

نور اليقين جيداء · 2012-05-08, 14:13

merci rabi khelikom
mais zit nkater wala lala

بشرى2008 · 2012-05-08, 14:23

المعقودة هي البطاطا اما تغليها او تفوريها انا شخصيا نفورها تجي احسن ترحيها تزيديلها البيض + الحشيشة مقطعة رقيق + ادا حبيتس الفرماج وتكون عندك حشوة اللحم مرحي حدي كمية من البطاطا وديري فيها الحشوة وشكلي كرية اغطسيها فى البياض ثم فى الخبز اليابس مرحي متديريلهاش الفرينة لانو متحكمش روحها وتتفتحلك كي تكوني تقلي فيها ممبعد اقليها

mamatou · 2012-05-10, 18:17

اما طريقتي فهي غلي البطاطا وارحيها ضيفيلها فلفل حلو مشوي ومقطع وطماطم حب معصورة ومقطعة وزيتون اخضر ومقطع وحشاوش وبصلة مقطعة رقيقة وملح وشوية فلفل اكحل وقرفة وحبة بيض خلطيهم مليح شكلي منها كويرات رمديهم في الفرينة او في الخبز اليابس واقليهم في الزيت وبالصحة

live & believe · 2012-05-10, 19:49

طريقتي بطاطا مغلية ,منقية ومرحية مع المعدنوس والملح والفلفل الأسود والجبن والبيض تجي خليط سائل نوعا ما بالملعقة حطي بالشوية في مقلاة بها زيت ساخن....دارنا ياكلوها مع الشربة ولا مرات نكملها سفيرية.

ربي يوفقكم