ملخص دورة الفراشات (بدون ردود)

[حبيييبة]

السلام عليكم و رحمة الله و بركاته

بسم الله الرحمن الرحيم

هذا ملخص المشاركات القيمة التي افادتنا بها الفراشات ربي يبارك فيهم
و بصماتهم العطرة الخالدة في المنتدى
و كذلك التطبيقات اللي راانا نقوموا بيها في الدورة

(للمشاركة والردود يرجى الذهاب الى هذا الرابط
https://www.djelfa.info/vb/showthread.php?t=1764625)

أحبكم في الله فراشاتي

[حبيييبة]

هل تحبين نفسك يا فراشتي؟
هل وقفت امام المرآة و سالت نفسك:
هل احب نفس؟ ان كان نعم.. فكم تحبين نفسك؟
و ان كان لا.. فلماذا؟ لماذا لست أحب نفسي؟
سامحي نفسك و صالحيها.. و تقبليها كما هي فهي اروع ما خلق الخالق بيديه
و أحبيها فانها تستحق كل الحب الموجود في هذا الدنيا
و هي بحاجة ماسة له قبل ان يحبها اي شخص ىخر هي بحاجة لك لان تحبيها انت.. انت بالذات

[حبيييبة]

السلام عليكم و رحمة الله و بركاته
بسم الله
سأشرح لكم فكرة الدورة بالتفصيل الممل
ما سنقوم به هو أننا سنتعلم معا بعض كيف ننظم عالما الداخلي
لكل واحدة منا اي علاقتنا مع انفسنا،
و من ثم ننظم عالمنا الخارجي
الذي هو بيوتنا ابناؤنا أزواجنا عباداتنا و أعمالنا
و أي أمر نحن نتحمل مسؤولية ادارته و العناية به
و ننتقل من حياة تحمل مقدارا ضئيلا من السعادة
الى حياة أكثر تنظيما و بالتالي أكثر تحررا من قيود الالتزامات و المسؤوليات
(لان التنظيم يعطي الحرية)
و سيكون ذلك باكتساب عادات جديدة
و جميعكن يعلمن تماما مدى صعوبة طرد عاداتنا السيئة
التي غزت حياتنا و بيوتنا بدون استأذان
و اكتساب عادة جيدة جديدة نحيا بها


و لذلك سيوف نمشي على خطى صغيرة خطوة خطوة
و كأننا فراشات صغيرات لازلنا نحاول تعلم الطيران
(حبيباتي أعلم تماما أن القليلات منكن فقط لازلن في طور تعلم كيفية تحمل مسؤولية بيوتهن و كيفية ادارتها و سنقف معها باذن الله
اما الباقيات فكلكن ربات بيوت مميزات و فحلات و لكن ينقصهن الحماس أو المتابعة أو الالتزام أو النشاط او الصرامة
أو أو أو أو...
كل واحدة تعرف تماما ما ينقصها لتشعر بالرضا عن نفسها و عن حياتها اليومية
و هذه الخطوات هي التي ستعالج باذن الله
اي نقص تشعرين به في أدائك اليومي
و ستوصلك للنتيجة التي تسعين اليها جاهدة كل يوم
منذ لحظة استيقاظك و نهوظك من فراشك بمشقة لما ينتظرك من واجبات و اعمال
الى لحظة وضع رأسك على المخدة ليلا و أنت لازلت متوترة كيف سيكون أداؤك في الغد)


اذا كيف سنعمل مع بعض؟؟
العمل سيكون عبارة عن تطبيقات يومية نقوم بها جميعا كل يوم لمدة شهر
و اهم تطبيق سنقوم به هو
" ان نفرز، نرمي، و نرتب"..
بالتالي سنقضي على الفوضى في بيوتنا
و هكذا دواليك حتى نتم تعلم كل الخطوات و نكتسب عاداتنا الجديدة و نطرد عاداتنا السابقة التي نغصت علينا حياتنا
و طردت منها السعادة و الاستمتاع باوقاتنا
و سنصنع روتيناتنا اليومية
أخبرتكم سابقا انه لدينا ثلاث روتينات سنصنعها معا
و سنتبعها بحذافيرها كل يوم
روتين الصباح
روتين بعد الظهر
و روتين المساء
(هذه الروتينات هي عبارة عن تلك المجموعة من العادات الجيدة التي سنكتسبها معا
أرجو أن تكون الفكرة قد وصلت)
و خلال صناعتنا لروتيناتنا سنقوم بالتنظيف الشامل للبيت يوما بعد يوم

[حبيييبة]

سنبدأ بروتين المساء و كل واحدة منا لها وقتها الخاص الذي يبدأ فيه روتينها المسائي
البعض على الساعة 17.00 مساءا
و البعض على 18.00
و البعض الآخر حتى 19.00 او 20.00 كل واحدة و ظروفها و أشغالها اليومية
اذا الوقت سيتغير من فراشة لاخرى لكن الثابت هو العادات التي سنقوم بها كلنا معا كل يوم


لبداية العمل لابد أن نجهز بعض الأدوات التي سترافقنا طيلة دورتنا
الأداة الأولى هي مذكرة او مفكرة أو كناش أو كراسة عادية كل واحدة و امكانياتها و رغبتها



ثاني أداة هي الاقلام




ثالث اداة هي التقويم (calendrier) المطبوع أو الالكتروني

[حبيييبة]

اقتباس:
المشاركة الأصلية كتبت بواسطة ام الخير 05 مشاهدة المشاركة
كلامك طيب ساجيبك بكل صراحة انا ونفسي اوجه كثيرة احبها لما يحبها من حولها واتخلى عنها بمجرد اساءة لمن حواها دائما الومها ولكن دوما ابحث لها عن المساندة والدعم لتكون اقوى ولاتفكر في غيرها والدليل اني ساكون فراشة باحلى الالوان باذن الله تعالى


[/center][/size][/font][/b][/quote.

كان الله في عونك وعوننا رايحة نجاوبك ولله عن نفسي لم احبها كثير

كما انني لا اكرهها ولااحب الوقوف امام المرءا ت غير كي نكون رايحة نعدل خماري

ان شاء الله معك نتعلمو نحبوها ونعطوها حقها كما يلزم بارك الله فيك اختي[/QUOTE][/COLOR]


اقتباس:
المشاركة الأصلية كتبت بواسطة رحمةز مشاهدة المشاركة
السلام عليكم ورحمة الله تعالى وبركاته
اولا يسعدني حبيبتي ان انضم لباقي الفراشات لعلي اجد بعض الحلول لانشغالاتي...........
ثانيا اختي مانحب نفسي مانكرهها عادي
اما فيما يتعلق بالمراة صراحة لا اقف امامها الا في حالة الخروج من المنزل وذلك لوضع الخمار
او عندما اقوم بتنضيفها
ربما لان لضيق الوقت

يعني انت و الدنيا عليها هاديك ام الخير مسكينة
لا حبيبتي قولي كيما قالوا على فلسطين الحبيبة
انا مع فلسطين ظالمة او مظلومة
قولي انا مع ام الخير ظالمة او مظلومة
اذا كانت ظالمة اوقفي معاها و علميها الصح من الخطأ و رجعيها للطريق الصحيح
و اذا كانت مظلومة اوقفي معاها و رجعيلها حقها و قويها و زوديها بالطاقة و الارادة و ارفعيلها معنوياتها
و بالاخص احبيها
فهي بحاجة لحبك
فمن لها غيرك بعد الله
لا تنتظري الآخرين ليحبوها، اغمريها باهتمامك و حنانك و عنايتك
و بعدها تمتعي بحب غيرك اليك
و اهتمامهم و عنايتهم لك
فالسعادة تبدأ من الداخل
لكي نستطع نشرها لى الخارج
كذلك الحب
الحب يبدؤ من الداخل
كيف سنستطيع أن نحب غيرنا كما يستحقون ان لم نكن قادرين حتى على حب انفسنا؟؟
و هذا الكلام موجه لكل الفراشات ليس لام الخير وحدها
هذا الكلام موجه لنا كلنا و أنا ضمنكن
ان لم نحب انفسنا و نرعاها و نحترمها
فكن متأكدات اننا لن نجد من يحبنا و يرعانا و يحترمنا كما نحتاج و نبتغي
و لن تكتمل سعادتنا الداخلية أبدا و سنشعر دائما بالفراغ الداخلي
و بالنقص و الحاجة للمشاعر

[حبيييبة]

فقرة يوم الأحد
الميزانية


عارفة كلكم تحبوا هاذ الفقرة و كنتم تسألوا عليها بزااااف
و هاهي جات ليكم

سيدتي، آنستي، امي، ابنتي،
حبيبتي يا فراشتي
يا اللي شادة مصروف الدار
أول خطوة لازم نقوموا بيها لنتعلم الاقتصاد فالشهرية و حسن تسيير الميزانية
هي اننا نتعلموا كيفية الانفاق و هاذي اول خطوة في النجاح المادي
يجب أن يكون الانفاق بنسبة 50% من الدخل الشهري لأسرتك
هاكذا رايحة تحاولي تدخري50% المتبقية
الان في الشتاء زاد الصرف بسبب الاحتياج لملابس اكثر وطعام اكثر و تدفئة وو...
و راه داخل الربيع و العطلة يعني تزيد المصاريف

معلومة: انفاق الاسرة رايح يكون حسب التزاماتها والتي تتمثل في:
1 -الديون..
2 -الالتزامات الحالية..
3 -الالتزامات المستقبلية.
ووفق هذه الأمور يمكن للأسرة أن تبدأ التخطيط..

اليوم ماراحش نتكلم عن الديون و الالتزامات المستقبلية
هاذي داخلة تحت بند "ميزانية الادخار للمستقبل (كشراء منزل، سيارة، دراسة الأولاد..)
هاذي نخلوها للاحد المقبل و نتكلموا عليها باذن الله





اليوم رايحين نتكلموا عن الالتزامات الحالية
هاذي داخلة تحت بند "ميزانية المنزل لتجهيز الطعام"
ربة البيت اللي حابة تقتصد لازمها مسبقا قبل ما تخرج للسوق تشري المصروف لازمها تكون كاتبة قاائمة بكل ماتحتاج شراءه ذلك الاسبوع او ذلك الشهر
و باه تقدر تكتب تلك القائمة لازمها تكون عارفة مسبقا واش رايحة اطيب هاذاك الاسبوع او هاذاك الشهر
و باه تقتاصدي لازمك كل مرة تبقاي اتنقصي كل حاجة ليست ضرورية ليك و لبيتك و اولادك و انما هي فقط من الكماليات
و مع الوقت رايحة تعتادي انك تستغناي عليها هي فالاول فقط رايحة تجيك صعيبة
تفادي الاكل فالخارج و علمي اولادك اكل البيت راه احسن و انفع ليهم و لصحتهم و انفع ليك و لجيبك


اذا اللي رايحين نقوموا بيه كلنا الآن وأطلب من كل الفراشات المشاركة بخبراتهن
و افكارهن
رايحين نصنعوا قائمة الطعام
تحتوي على فطور الصباح (حسب الرغبة)
الغذاء
القوتي le goûter (قهوة العشية تاني حسب الرغبة)
العشاء

و هذه بعض الافكار جمعتها لكن للفائدة

[حبيييبة]

مثال عن قائمة الطعام لمدة اسبوع



الاحد = الغداء=عدس و سلطة وديسير
=الكوتي= خبز ولوازمه مع شاي أو قهوة وحليب
=العشاء =شوربة مع فريت و سلطة

الاتنين=
ا = الغداء= فخاد الدجاج في الفرن مع ارز مرافق سلطة خضراء

الكوتي= (مسمن مع شاي
العشاء= غراتان المقرون -)
التلاتاء=الغداء=طاجين الحوت في الفرن بالخضر بطاطا مطيشة فلفلة ( مامحتاجينش سلطة ) ديسير وعصير
الكوتي= كيك شاي
العشاء=الحريرة
الاربعاء=مرقة الكابوية معمرة بالكفتة سلطة ديسير
الكوتي =خبز و بدة و مربى شاي او قهوة و حليب
العشاء =سباكيتي بصوص طماطم
الخميس= الغداء=لوبيا مع سلطات متنوعة بطاطس باربة خيار خص طماطم الى اخره
الكوتي =خبز مع اي حاجة متوفرة (فرماج زيت او زبدة او''''')
العشاء = سفة
الجمعة = الغداء=كسكس طبعا
العشية خرجة للترويح عن النفس
السبت =كراتان الدنجال البطاطا وصوص طمام ديسير
الكوتي =بينيي
العشا = دجاج محمر بالروز

[حبيييبة]

المشاركة لفراشتنا جيادا

مساء الخير على الفراشات الجميلات
ما شاء الله اختي حبيبة برنامجك روعة
نبدى بالمراة بالنسبة للمظهر الخارجي و الاهتمام بنفسي عندي نظام ماشيا اعليه منين كنت في دارنا و بقيت محافظة اعليه كي تزوجة لانه اصبح عادة كي يكون اليوم المخصص لهذا الموضوع نقولكم الاشاء الي نديرها
بالنسبة للمصروف تاع الشهر و القضية عندى مبلغ مالي مخصص للقضية و ما نفوتوهش كل شهر يعني اذا شرينا قل من المبلغ خير و باركة و لكن ما لازمش نفوتوا المبلغ المحدد غير اذا عندنا ضيف او راح نشارك في مسابقة في منتدى الطبخ

نخرج انا وزوجي نقضيو مع بعض نقضيو مرتين في الشهر يعني كل خمسة عشرة يوم بما فيها اللحم و الخضر و الفواكه
نركز في القضية على الخضر و الفواكه ما نشريش المشروبات الغازية و العصائر غير كي يكون عندي ضياف
اللحم و الاسماك نحاول نمشي سعات ندير نهار بنهار يعني نهار ندير و نهار لا او على الاقل مرتين في الاسبوع
و بالنسبة للقوتيle goûter الاكثر فاكهة و ياغورت طبيعي او حليب و خبز الابني ما نديرش بزاف التورتات او الحلويات لانها تسمن و زيد تحب مصروف بزاف و الاهم ولدي عندو حساسية البيض لهذا اتفادى كل ما فيه بيض يعني الكيكات او التورتات نديرهم مرة او مرتين في الشهر
و بالنسبة لوجبة العشاء في معظم الاحيان حاجة خفيفة او بقايا تاع الغداء
نحاول ندير وجبة متكاملة خضر تاع الموسم اذا ميش غالية نشويات ارز او بطاطا او خبز و بروتين لحم او سمك و اذا ما عنديش بزاف ندير اللحم لابني و انا و زوجي ندير البيض لانه يعوض البروتين
بالنسبة للاكل في الخارج ما نكلوش خلاص برى الا في مرات نادرة كي نحب نخرجوا و راح نطولوا برى ندي معايا سندويتشات و سعات كي نكون مريضة او عندي شغل بزاف او ميناج كبير زوجي يجيب بيتزا
نسيت نقوللكم بالنسبة للقضية كي نشري نحاول نشري ديما الاقل ثمنا يعني ما نشريش الماركات المعروفة لانها غالية و في اغلب الاحيان الجودة تكون كيف كيف مع المنتجات الغير معروفة و الاقل ثمنا و ثاني نستفاد بقدر المستطاع من التخفيظات promotions لانها توفرلي بزاف في المصروف
كي نتفكر حاجة اخرى نقوللكم
و قلولي واش رايكم نعرف نصرف او لا

[حبيييبة]

المشاركة لحبيبتنا أم الخير

مساء الخير حبوباتي في ما يخص الميزانيةزوجي هو اللي يصرف وعندو طلبات خاصة في الطعام ما يحبش ياكل بلا لحم ولانه غالي نشريوه مرة في الشهر ولا كي نسخفو عليه وباقي الايام كل 8ايام نشريو جاجة ونصف اوجاجة وكمية مرقازوخصر وبقوليات اما الفواكه على حسب مش دائما ومش نادرا فطوري حليب قهوة وهدا وين خدم كروكي لمدة 4او5 ايام الغداء دائما حبوب جافة لانهم ثقال في لعشية اما العشاء نقسم الجاجة وواش كاين معاها على الاسبوع النصف نحمرو والباقي كل مرة واش ندير وعندي ليلة العشاء اما سلاطة او سندويتشات يعني عشاء خفيف الليلة درت دي اوملات مع الفرماج اما القوتي انا مانديرهاش وما نحبش الحلويات خلاص قهوتي صافية والاطفال اما ياؤرت او نسترجع البقيا تاع الخبز في شخشوخة بالحليب والسكر او اذا مثلا كان عندي روز بايت نديرو كفتة او قاطو اوخبز وفرماج يعني مانيش ثابتة فيها اما الاكل برة غير وارد اطلاقا مازلنا في مكان صغير والاشياءاللي نقدر نخدمها في الدار نديرهم وحدي مايوناز هريسة كونفيتير صلصة البيتزا

[حبيييبة]

ساعطيكم تطبيقين حبيباتي أرجو أن نطبقهما معا بعض

الاول لليلة و الثاني صباح يوم الغد


التطبيق الأول: تلميع حوض المطبخ

قومي الآن بتلميع حوض مطبخك
افرغيه من اي شيء فيه
و قومي بتلميعه
ان كنت قد فعلت ذلك فبوركت
و ان لازلت فقومي بذلك قبل خلودك للنوم
و ان كنت بعافية لاسامح الله
لا تتركي الاواني متجمعة في الحوض
ضعيها في اناء و رتبيه في مكان ما في المطبخ
و قومي بتلميع الحوض
يجب وجوبا تااااماااا ان تقومي بتلميعه كل ليلة مهما حصل و مهما كانت ظروفك
و هذه اول عادة يجب ان نكتسبها من اليوم فصاعدا

فائدة هذا التطبيق:
غدا صباحا لما تستيقظين من النوم و النعاس يغلبك
و عيناك مثقلتان
حين تدخلين مطبخك لتعدين الفطور لك و لعائلتك الحبيبة
و تقع عيناك على الحوض و هو نظيف و ملمع
ستدركين مدى الراحة و السرور الذي سيدخل على قلبك





التطبيق الثاني: تجهزي 10/10
معنى ذلك
غدا صباحا بعدما تستيقظين
(يا ريت يكون ذلك ولو نصف ساعة قبل وقت استيقاظ ابنائك و زوجك)
حتى تخصصي وقت خاص لك وحدك تهتمي فيه بنفسك و تدلليها و تخبريها كم تحبينها
قومي في هذا الوقت بغسل وجهك بغاسولك اليومي و رطبيه
و امشطي شعرك و رتبيه حتى و ان اضطررت لاستخدام المسرح الحراري
(لمالا اولست تستحقين ذلك)
و بعدها البسي احلى حلة في بيتك
لا تستخسري على نفسك لبس ملابسك الجميلة في البيت
حتى ملابس الخروج لا تستخسريها على نفسك
تزيني و تجهزي و كأنك جاهزة للخروج
و تعطري مع شوية ماكياج خفيف طبيعي
و ها انت ملكة جمال الفراشات

هذه ثاني عادة سنكتسبها معا هذا الشهر
يجب وجوبا تاما أن تطبقيها يوميا مهما كانت ظروفك او وقتك
الزمي نفسك على تطبيقها مهما كلفك الامر
لا تتنازلي عنها من اجل شخص ىخر او شيء آخر
فجمال بيتك يبدأ من عندك


أخيرا و ليس آخرا
أقول و اعيد
أحبي نفسك
فان احببتها ستشربين مقدار الماء المخصص لك كل يوم
و ستأكلين اكلك الصحي جيدا كل يوم
و ستلمعين حوض مطبخك كل يوم لتستيقظين على مطبخ نظيف يلمع و تهدين السرور و الراحة لقلبك و نفسك
و ستلبسين احلى ملابسك في بيتك و تتجملين لنفسك ثم لزوجك و أسرتك
و تبعثين فيهم الاحساس بالجمال
يا احلى و اجمل فراشات الكون البهية الالوان

أحبكن في الله فراشاتي الجميلات

[حبيييبة]

مشاركة لفراشتنا حراير
(كلام أعتز به شكرا لك و بارك الله فيك و في اسرتك الجميلة)

السلام عليكم و رحمة الله تعالى و بركاته

حبيبة تعرفي علاش كتبت مشاركتي الان؟؟؟
لانه من لا يشكر الناس لا يشكر الله

و ماهوش من الائق ابدا انت تتعبي علاجالنا و احنا مانقروش بالخير
بارك الله فيك
اول مرة نمشط شعري مع نوض موالفة بعد ما نكمل اشغالي

صدقا احساس جميل ينوض عليه الانسان

بارك الله فيك عزيزتي و شكرا جزيلا لك

[حبيييبة]

هذه الصورة هدية لفراشتنا ياسمينة

[حبيييبة]

هذه المشاركة لحبيبتنا ombouchra
ربي يبشرها بالخير

صباح الخير حبيبة والله دخلت قلوبنا وبيوتنا كنسمة الصباح الهادئة ولكنها في نفس الوقت تبعث النشاط
البارح تفنينت على غسيل الماعن وقلت حتى للصباح بحجة الاختبارات وبمجرد ما قريت كلامك رحت نجري للكوزينة غسلتهم ونشفتهم وغسلت الحوض ومسحت البوتاجي حسيت لوكان مانقومش بواش قلتيلنا ما وفيتش بالوعد خصوصا وانتي حاضرا في كل وقت بنصائحك الذهبية
واليوم يا لحبيبة واش نقولك حسيتو عيد حتى بنتي قاتلي ماما وين راكي رايحانحب نكون ديما واقفة على روحي لكن تخصني المداومة
لكن معاك ياوجه الخير انت وكل الفراشات اللي معنا ان شاء الله نمشو كي الساعة

[حبيييبة]

هذه مشاركة فراشتنا نافلة

اللهم صل و سلم على سيدنا محمد

اللهم صل و سلم على سيدنا محمد

اللهم صل و سلم على سيدنا محمد
****
صباح الخير صديقاتي الفرشات على راسهم فراشتنا الحبيبة حبيبة
انا موالفة نغسل المواعين فالليل عمري ما بيتهم
و البارح كي كنت نخدم ونغسل فالمواعين و نظف فالحوض و ما حوله
نخدم بكل نفسية مرتاحة و بحب و نشاط ربما هي بركة الجماعة و النشاط لي بعثتو فينا حبيبتنا حبيبة و الصباح ما نكذبش عليكم ما درت لا مكياج لا والو مبصح هندامي منظم و نظيف ربما مع الوقت نوالف نماكيي هي مجرد تدريب للنفس
شكرا لكي حبيبة راني نستنا فالخطوة القادمة بفارغ الصبر
انا متعودة كي نكمل اشغالي نستيكي روحي و لاكن راني عرفت الهدف نتاع حبيبة هو اننا نبداو بانفسنا هي الاولى و من بعد تجي الدار وخدمتها لانو كون يجينا واحد فجاة نستقبلوه مفحفحين و......
و هذا يزيد في حبنا لنفسنا و و الثقة فيها اكثر
ههههه

[حبيييبة]

هذه المشاركة لحبيبتنا om hadil

صباح الخير على كل الفرشات الخفيفات الرشيقات راكم طبقتو واش قالت عليه فرشتنا الغالية

اختي حبيبة الله يبارك لينا فيك راني متابعاتك بصح مرديتش على خاطرش لولاد امتحنات وخاصة بنتي لازم
نوقف معها ربي ينجحهم ويرزقهم بدرجات العليا امين

نجاوبك على المصروف زوجي هوا الي يصرف يعني كما يقولك المثل لاتبسط يدك قاع لاتكمشها نص نص

والحمد لله الشهرية تقدنا حتى نكملو الشهر يعني الاسبوع الاخير راكي تعرفي الميزانية كفاه تكون بصح الحمد لله
والحوض تاع المطبخ ديما نقيه الماعن كل يوم نغسلهم نهار اللي نخليهم نرفد كل شيء ونمسح
بصح المشكل الي عندي البوطاجي صغير ونعي نرفد في الماعن ويبقاو

نطلب منك تحطينا افكار تعاونا خاصة في سلة الماعن ها\ا المشكل اللي مرات يقلقني ؟

وعن نفسي ديما نحب نلبس نمشط نتعطر في دار اما المكياج منك\بش منديرش في دار غير كي تكون مناسبة ومكياج خفيف

حتى زوجي ميحبش كي ندير ه ان شاء الله معاك نتقدمو اكثر ونحبو الحياة اكتر ربي يوفقك