|
|
|
|||||||
| قسم العصائر و التحليات الوصفات حصرية لأعضاء منتدى الجلفة |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
عصائر وتحليات شاركن في إنجاز كتاب خاص بشهر رمضان
|
|
أدوات الموضوع | انواع عرض الموضوع |
2015-04-10, 10:59
|
رقم المشاركة : 1 | ||||
|
عصائر وتحليات شاركن في إنجاز كتاب خاص بشهر رمضان
السلام عليكم ورحمة الله تعالى وبركاته المقادير : * برتقالة واحدة كبيرة ( انا رجعت نعوضها بزوج برتقالات صغار باش نسهل عملية البرش ) * ليمونة واحدة ( يستحسن ليمون أصفر ) * 1 علبة ياوورت طعم الفراولة ( اختياري ) * سكر حسب الذوق ( انا نحط نص كاس سكر ) * 3 كؤوس متوسطة من الماء الساخن جدا لدرجة الغليان ( استعملت الكاس نتاع القازوز اللي في الصورة ) الطريقة : * نغسل الليمونة والبرتقالة جيدا ونحطها في المجمد لعدة ساعات حتى تتجمد كليا ( حوالي 6 ساعات ، كل ماكان البرتقال أصغر يحتاج لمدة أقل ممكن 4 ساعات ). عادة منين نشري برتقال ويكون فيه حبات صغار نغسلهم ونحطهم مبارة في المجمد ومنين نحتاج نعمل عصير نجبد. * كي نحب نعمل عصير نجبد البرتقال والليمون ونحطو في ماء بارد 2د فقط . * نحط الماء نتاعي يغلي في كاسرول.
في إناء عميق نبرش الليمونة والبرتقالة في الجهة الخشينة ( لما تكون البرتقالة كبيرة رايح تكون عملية البرش صعبة شوية لكن إذا البرتقال صغير يجيكم ساهل للبرش أنا اول مرة بانتلي عملية البرش صعبة ومن بعد تعودت خاصة كي رجعت نعمل برتقال صغير ولات جيني عادي وندير ديما ضعف الكمية ) . * نضيف السكر . * نضيف الماء الساخن ونحرك حتى يذوب السكر ( لازم الماء يكون يغلي يعني يعمل فقاقيع كبيرة لأنو البرتقال والليمون جامدين بمجرد مانحط الماء المغلي ونحرك نلقاه برد لذلك لازم الماء يكون سخون بزاف ويغلي ). * نترك الخليط يرتاح لمدة نصف ساعة ( نصف ساعة كافية لا ضرورة باش تزيدو وقت ) حتى نستخرج كل عصارة الليمون والبرتقال . كي تذوقوه رايحين تتفاجؤو أنو رجع طعم عصير كأنو عصرتوه باليد ولكن الفرق أنو يعطيكم كمية أكبر لأنو لما نعصر حبة برتقال واحدة مستحيل تعطينا 1 لتر من العصير  .* نصفي العصير ونعصر مليح باش نستخرج كل العصارة. * هنا خطوة اختيارية أنا أضفت علبة ياوورت طعم الفراولة ( أفضل النوع اللي في الصورة ) لأنو الياوورت يخثر العصير ويعطيلو ريحة ونكهة مليحة إضافة إلى أنو الياوورت حلو لما نضيفو في العصير يحليه وبالتالي لا نحتاج لكمية كبيرة من السكر. * نخلط جيدا بالمضرب اليدوي ونذوق إذا محتاج سكر نزيد ( مانضيفش السكر من قبل حتى نضيف الياوورت لأنو هو يزيد يحلي العصير ). * إذا محتاج العصير إضافة ماء ضيفو ماء بارد. * نحط العصير في قارورة وإلى الثلاجة حتى يبرد لأنه دافي ومازال غير صالح للشرب . * يقدم باردا بالصحة والهناء ....... عصير منعش ولذيذ . * ملاحظة : - هذا العصير مع انه يستخدم البرتقالة والليمونة كليا بالقشرة إلا انه مافيهش طعم المرورة . - إذا استعملتو ليمون اخضر نبرش شوية من القشرة نحتفظ بيها في المجمد لأنو مرة ونكمل نبرش باقي الليمونة عادي ولازم هنا نضيفو الياوورت ومانستغناش عليه في الوصفة لانو رايح يخلصنا من مرورة الليمون نهائيا وراني ناكد عملت هذا العصير حوالي 10 مرات بالليمون الاخضر والأصفر ومايجيش مر نهائيا . - إضافة الياوورت في العصير تخليكم تقتصدو في السكر + تخثر العصير وبالتالي يرجع زاكي - ممكن تعملو كميات كبيرة و تنقصو في كمية الماء وتعملوه مركز وتحتفظو بيه في المجمد بماانو راهو موسم البرتقال والليمون وراهم رخاس. أترككم مع الصور :  إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ممكن نعمل بنفس الطريقة عصير ليمون وحدو بدون برتقال ( انا كانت عندي ليمونة كبيييييييييييييييرة واعطاتني تقريبا واحد لتر عصير ممكن تعوضوها بزوج ليمونات متوسطين ) ممكن تعملوه بدون ياوورت : إضغط هنا لرؤية الصورة بحجمها الطبيعي. أو مع ياوورت حسب الرغبة : إضغط هنا لرؤية الصورة بحجمها الطبيعي. هااااااااه واش قلتو 1 لتر عصير طبيعي يكلفك حوالي 40-50دج وبنين وطازج ولا تشريه 100دج وكامل نكهات صناعية وملونات وعطور ؟ وااااااااااااااي خلصت الوصفة الأولى  هبلتوني على الوصفة لو كان ماجربوهاش ............  تحياتي .......................... لهومة  ////////////////02///////////////////// محلبي بطريقة جديدة تحوس على الوصفة ومجرد ماشفتها تخيلتها وقلت تستاااهل نجربها كان عندي لوازمها ودرتها بالتقريب كما قالت حضرت محلبي 100 غ روز مرحي ارطب نص لتر حليب 3 مغارف كبار سكر على النار حتى تغقد ونخليه يبرد نطلع فنجال صغير تع شونتيي بالحليب البارد جدا نحضر كريمة انجليزية 2 صفاربيض تصربيهم ملييييييييح مللللللللللليح مع 2 مغارف كبار سكر وفاني حتى يدوب السكر ويبياض الخليط نسخن ربع لتر حليب على النار مع شوية فاني لما يسخن نحيه من على النار نصب عليه خليط صفار البيض على شكل خيطونضرب بالباتور مليح حتى يمتزجوا مع بعض نرجع على النار مع التحريك المستمر حتى يخثار نبعد على النار مالازمش يطول فوق النار لان ادا طول صفارالبيض رح يطيب وينقصل نخلط الشونتيي مع المحلبي بالباتور وفي الاخير نضيف الكريمة وتكون باردة ونخلط مليح ونصبها في قوالب والى التلاجة تقدم باردة وتزين حي الرغبة بنينة وخفيفة وذوقها هاااايل خاصة وهي باردةممممممممممم ملاحظة مهمة الصفار لازم يتضرب مليح مليح حتى يبياض ويتضاعف والا طعموا رح يجي ظاهر هنا لما خلطت كلش إضغط هنا لرؤية الصورة بحجمها الطبيعي. نتمنى نكون افدتك اختي hiba71dz إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ///////////03//////////// سهل طريقة لتحضير عصير الليمون المنعش من مطبخي المقادير: ـ كيلة عصير ليمون يعني نعصر الليمون في العصارة ونكيل كيلة منه ممكن نستعمل الكيلة هي الكاس ـ نفس الكيلة سكر احرش الطريقة: نحط عصير الليمون في اناء https:// إضغط هنا لرؤية الصورة بحجمها الطبيعي. نحط فوقه كمية السكر https:// إضغط هنا لرؤية الصورة بحجمها الطبيعي. نغطيه ونخليه نهار كامل مرة على مرة نحركه باه يذوب السكر https:// إضغط هنا لرؤية الصورة بحجمها الطبيعي. نحطه في علبة محكمة الاغلاق ونحتفظ به في المجمد الوقت لي نحب نشرب عصير ليمون منعش ناخذ 3م ك مملؤة جيدا ونذوبها في 1لتر من الماء انا استعملت ملعقة المثلجات https:// إضغط هنا لرؤية الصورة بحجمها الطبيعي. وراح نتحصل على ارووووع عصير ليمون بمقادير جد مضبوطة حتى السكر مضبوط يعني نحضره مسبقا وخلال دقيقتين نحضره https:// إضغط هنا لرؤية الصورة بحجمها الطبيعي. امممم  https:// إضغط هنا لرؤية الصورة بحجمها الطبيعي. انا اعتمدت الوصفة ومانغيرهاش نتمنى تجربوه واكيد راح تدعولي في امان الله /////////////////////////////04//////////////////////////////// موس البرتقال من كوزينتي رووووعة لام محمد تاج بسم الله الرحمان الرحيم حبيباتي البارح جربت موس البرتقال على طريقتي ومن كوزينتي وخرجت روووعة روووعة جربوها وماتندمووووش راهي عن جد تستحق التجربة  نخليكم مع المقادير والصور للتوضيح أكثر عندنا 2 بيضات وزوج برتقالات نفصل البياض عن الصفار في سوبيير نخبط الصفار مع نص مغرف نشاء وزوج مغارف سكر عادي وعصير زوج برتقالات واذا البرتقال تاعك حامض زيدي السكر حسب الذوق تاعك     نخلط حتان يذوب السكر ومبعد نحط الخليط تاعي في كاسرونة ونبقى نخلط حتان يخثار  ويصبح بهاذ الشكل  نردو في لاسوبيير ونغطيه بنيلو نضيف باش مايعملش القشرة ونحطو يبرد مليح   نروح لبياض البيض نخفقو مليح أولا حتان يطلع ونضيفلو زوج مغارف سكر قلاصي ورشة فاني ونخلط حتان يصبح القوام تاعو هك   هنا البياض واجد ونحطو في الثلاجة  ونجي للاكرام شونتيي نطلع خمس مغارف كرام شونتيي مع كاس حليب بارد جدا وزوج مغارف سكر قلاصي كي تطلع نردها للثلاجة في انتظار خليط العصير والصفار يبرد مليح   كي يبرد خليط الصفار نضيفو مرة مغرف بياض البيض ومرة كرام شونتيي وهكذا حتان نكملو الخليط ولازم يكون التحريك من أسفل لأعلى وبرفق باش مايهبطوش المكونات لي عندنا    ونتحصل على هاذ لاموووس اللذيييييذة مممممممم نحطها في القوالب ونزينها حسب الرغبة أنا هنا زينتها ببشور البرتقال ولي حابة أنصاف البرتقال ونردها للثلاجة أقل شيء ثلاث سوايع وتكون عندنا جاهزة   حبيباتي أحلى دعاء منكن وشكرا لصبركن
|
||||
|
| الكلمات الدلالية (Tags) |
| تشهر, رمضان, شاركو, عصائر, إنجاز, وتجليات, كتاب |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري