وصفة ولا أسهل للحم العيد

[respectful]

السلام عليكن،

من كثرة ما استفدت من هاد المنتدى تمنيت كيما نفعتوني بمشاركاتكم ننفعكم بواحدة من أسهل وأَبنَنْ وصفاتي.

هاد الوصفة تحتاج إمَّا الفخد أو لكتف مع الضلوع بلا تقطاع يعني كاملين. ولهذا فهي مناسبة جدا إذا كان عندكم شي عرضة

نأخد صينية الفرن نعمروها بالملح مقدار ١سم عمق٬ ممكن تستعملي رطل ملح، هدا يعتمد على حجم لصينية انتاعك٠ ما تنخلعوش إيييييييه رطل ملح وتبعوني حتى لآخر الوصفة،

حطو فوقها الكتف بحيث الضلوع يشكلو قوس فوق الملح، وإذا لامس الملح اللحم أنا ندير قطع من ورق األمنيوم صغيرة تحت هذه المناطق ونحطو في فرن 300 درجة،اللحم ما تبلوه ما تملحوه، رايحة حرارة الفرن مع رطوبة اللحم تخلي جزيئات الملح توصل ليه، النتيجة هي فخد أو كتف مشوي ولا ألذ بلا تعب ولا تكسار الراس٠

دخلي سكين للتأكد من أنو طاب من الداخل، أنا نقدمو في صحن كبير بعد ما نحط تحتو أوراق سلطة خضراء وندور عليه طمطم حمراء للتزيين٠
نتمنى تجربوه وتردولي الخبر، تحياتي٠

[سَلْسَبِيّلْ]

ختي خايفة نغامر والله عمري ماسمعت بهاذ الوصفة ولكن حابة نتعلم الفخذ افلي

[جيجلية]

وصفة جديدة

لازم الصور باش نفهمو كفاش نحطو الكتف فوق الملح بلا ما يقيسها

[ام احمد]

حسب رايي انها مغامرة بالكتف او فخذ خاصة متاكدة ان اللحم المحمر لازملو التوم و البهارات ووووووووووووووووووووو
شكرا على كل حال

[respectful]

يا أخواتي والله أنا مجربتها شحال من مرة حتى مع السمك الكبير والله تخرج روعة ، نهار ثاني عيد نديرها ونبعثلكم الصور إن شاء الله

[ام زهير]

شكرا اختي على الوصفة
انا عمري ما جربتها باللحم تاع الكبش لكن جربتها مع الدجاج يجي روعة

[الوردة المتفتحة]

يعطيك الصحة جاري التجريب لبعد العيد طبعا دون ان انسى صحا عيدك

[منيرة عزوز]

يعطيك الصحة على الوصففففففففففففففة
تصلح بالدجاج ؟؟

[respectful]

المشاركة الأصلية كتبت بواسطة منيرة عزوز

يعطيك الصحة على الوصففففففففففففففة
تصلح بالدجاج ؟؟

نعم أختي تصلح بالدجاج

[ام خديجة1]

بارك الله فيك اختي نوع الملح اختي هو الحجم الكبير للحبيبات نتاعه انا نعمل السمك الكبير بيه ويجي روعة

[اسيا 86]

المشاركة الأصلية كتبت بواسطة hanadi193

ختي خايفة نغامر والله عمري ماسمعت بهاذ الوصفة ولكن حابة نتعلم الفخذ افلي

ههههههههههههههههه انا ثاني راني خايفة نغامر بالهبرة تاع اللحم يما تقتلني

[Meriemchawiya]

السلام عليكم راهو بنين و كاين طريقة اقتصادية أكثر جيبي قطع لحم غطيها بألمنيوم و غطيها كامل بالملح الخشن و ان كان ملح البحر راح يكون أحسن ديريه في مول كوشة و طيبيه و كي يحمار الملح من فوق أجبديه خليه يبرد راح تلقايه حجرة جيبي مارطو أضربي ضربة خفيفة يتفتت و أجبدي اللحم أمممممممممممممممممم

[wahoub]

انا سمعت بيها واكلتها ماما في عرس بنت خالتي كانوا محمرين الدجاج على الملح نجربها ونردلكم الخبر

[الدنيا]

يعطيك الصحة حنونة نسمع بيها من قبل و بصراحة عمري ماجربتها نشاء اللع العيد هذا نجربها

[شذى الايمان]

المشاركة الأصلية كتبت بواسطة respectful

السلام عليكن،

من كثرة ما استفدت من هاد المنتدى تمنيت كيما نفعتوني بمشاركاتكم ننفعكم بواحدة من أسهل وأَبنَنْ وصفاتي.

هاد الوصفة تحتاج إمَّا الفخد أو لكتف مع الضلوع بلا تقطاع يعني كاملين. ولهذا فهي مناسبة جدا إذا كان عندكم شي عرضة

نأخد صينية الفرن نعمروها بالملح مقدار ١سم عمق٬ ممكن تستعملي رطل ملح، هدا يعتمد على حجم لصينية انتاعك٠ ما تنخلعوش إيييييييه رطل ملح وتبعوني حتى لآخر الوصفة،

حطو فوقها الكتف بحيث الضلوع يشكلو قوس فوق الملح، وإذا لامس الملح اللحم أنا ندير قطع من ورق األمنيوم صغيرة تحت هذه المناطق ونحطو في فرن 300 درجة،اللحم ما تبلوه ما تملحوه، رايحة حرارة الفرن مع رطوبة اللحم تخلي جزيئات الملح توصل ليه، النتيجة هي فخد أو كتف مشوي ولا ألذ بلا تعب ولا تكسار الراس٠

دخلي سكين للتأكد من أنو طاب من الداخل، أنا نقدمو في صحن كبير بعد ما نحط تحتو أوراق سلطة خضراء وندور عليه طمطم حمراء للتزيين٠
نتمنى تجربوه وتردولي الخبر، تحياتي٠

مارسي اكيد راح جربها