بعدما كل ما جرى هذه الأيام ، ألم تعد إستقالة الرئيــــس ضرورية؟؟؟؟؟

[الأمل الحقيقي]

السلام عليكم.

بعد كل ما جرى وسقوط جرحى في اوساط الشعب المسكين من الطرفين سواء اكانوا متظاهرين ام من قوات الأمن.

وبسبب هذه الفتنة الغير المسبوقة منذ مدة.

بسب تصرفات طاقم الحكومة المشين والمحتقر للشعب المستضعف.

الم يعد على رئيس الجمهورية التكلم وأن يقرر:

لا استطيع أن ادير البلاد فلينسحب بشرف وليأتي من يحكمها بشكل جيد.

الم تكن فترة حكمه كاملة فسادا ورشوة وبطالة وإنحراف إجتماعي واخلاقي.

بركات .................؟؟؟؟؟؟؟؟؟؟؟؟؟...................

ألى يرى معي الأعضاء ان تقديمه للإستقالة والإنسحاب بشرف امر واجب في هذا الوقت العصيب من تاريخ الجزائر

لإنقاذها من الدمار......................

[عابر . سبيل]

حتى يلج الجمل في سم الخياط ..

[mustafa75]

ههههههههههههههه
ـ هذا في الدول التي تحترم شعوبها
فبلدنا لللأسف هو ملك للطغمة الحاكمة و اللصوص

[mario gomes]

ياخويا هذا لي قعد إيصير مهوش ديفو تع بوتفليقة هو دمية يحركونه كيفو كيف الشعب يحركوه المافيا الجزائرية
حتي بوتفليقة او مسكين راهو معانا فالكارثة نحاولو قع الإمتيازات تاعو و عطاولو أويحيا أو نحاولو بن فليس
إن شاء الله كينحو أويحيا و جماعتو ليجنرال الحرب ثم نعودو نحاسبو الرئيس

[~*لوفي*~]

وعليكم السلام


في الاحلام

[~~ أغيلاس ~~]

السلام عليكم

و هل إذا استقال الرئيس ستتحول الجزائر إلى جنة فوق الأرض ؟ ؟ ؟ ؟ ؟

هل تُخادعون أنفسكم أم مذا ؟ ؟ ؟ ؟ ؟

إذا صلُح الفرد صلحت الأسرة و إذا صلُحت الأسرة صلُح المجتمع .

الفساد مستشر ، و الجميع يعلم ذلك ، إذا استقال الرئيس فيجب أن يستقيل معه 90 بالمائة من الموظفين و العمال من البواب إلى المدير .

منذ أكثر من شهر و أنا أتوجه يوميا إلى إلى إدارة الجامعة ، مصلحة الدراسات العليا لاستخراج كشف النقاط لأُكمل قضاء مصالحي ، هل تعلمون ما يحصل لي ؟ ؟

أصعد إلى المصلحة المعنية ، و أقول للبواب السلام عليكم ، ينظر إلي بعينيه الذي يتطاير منهما الشرر ، و كأنني قتلت أمه أو أباه ، لا يكلمني و بعد تلك النظرات الحاقدة يقول لي مذا تريد ؟ أقول له : الدخول عند ذاك المكتب أين تعمل مجموعة البنات ، بأسلوب غير لائق يقول لي انتظر ، أنتظر واقفا كالصخرة لمدة و لما يراني قد تعذبت قليلا و صبرت على إهانته ، يقول لي ادخل الآن ( بالتشناف طبعا ) .

أدخل و أقول السلام عليكم ، فأجد أربعة أو خمسة نساء ، أسألهن هل كشوف النقاط جاهزة ، يقلن ليس بعد ، تعال يوم الاثنين ، أرجع يوم الاثنين يقولون لا ارجع الأسبوع القادم ، أرجع فيقولون بعد العطلة ، رجعت بعد العطلة ، فأُحرجت إحداهن و قالت بأدب ( هي الوحيدة من بينهن التي دائما تتكلم باحترام ) بإذن الله تعال في اليوم الفلاني ، و الله إنني لا أذكر كم مرة ذهبت لاستخراج الكشف و إلى حد الآن لم أحصل عليه .

ـ كلما أدخل على الموظفات أجدهن يـgسرو ( يتوانسو ) ، و مع ذلك لا يقمن بعملهن .
ـ كل الموظفات نساء و كأنه لا يوجد رجال بالجزائر .
ـ المعلوم أن الدوام 8 ساعلت حسب علمي لكن الموظفات الشاطرات هذو ، يبدأن العمل من التاسعة و النصف حتى الثناش غير و من الزوج غير حتى الثالثة و النصف أو الربعة غير .
لا أقول معدل عملهن بل معدل جلوسهن في المكتب لا يتجاوز أربع ساعات في اليوم ، و ليتهن يقمن بعملهن على أكمل وجه .

هذه عينة من إدارات الجزائر ، حسبي الله على البواب و الموظفات و كل مسؤول لا يقوم بواجبه على أكمل وجه .

إن الله لا يغير ما بقوم حتى يغيروا ما بأنفسهم .

بو تفليقة راهو مليح في بلاستو ، كي هو كي الشعب ، إلا حبيتو تسـgم لبلاد كل واحد يسـgم روحو و حبسو من التفلسيف و الهدرة الزايدة ، يخي فستي يخي .

[نور على نور]

لا يا جماعة هذا لايجوز....................هل ترى اخي الامل الحقيقي انه باستقالة الرئيس سيقضى على الرشوة والفساد و و و و ......
لا يااخي فالعلة في اصحاب الاعمال يحسبون انهم مخلدين ويكملوا في تكديس الاموال التى ينهبونها نهب من المواطن المسكين.هل الدولة من زادت في هذه الاسعار؟؟؟؟؟ ...........................افيقوا افيقوا رحمكم الله
قولولي شركة واحدة فقط تابعه للدولة منتجة لهذه المواد لي لهبت اسعارها؟؟؟؟؟؟اعطوني اسم
انتظر الجواب

[moha25]

واش المشكلة في بوتفليقة وكي يتنحى هل الجزائر رايحة تسقم راكم غير تخلطو

[alkhansaae]

وعلاه اخي بوتفليقة مادار حتى حاجة مليحة فالبلاد دار بزاف حوايج وماشي برحيله الي راح تتحل الامور ومن يضمن لك ان من سيضعونه سيكون اجدر واحسن منه

[حنين موحد]

لن يستقيل الآن بل الآن وجب علينا أن ندعو له بالصلاح

قال سفيان الثوري " 60 سنة تحت ملك ظالم خير من ليلة واحدة بدون ملك

[Nadia82]

الم تكن فترة حكمه كاملة فسادا ورشوة وبطالة وإنحراف إجتماعي واخلاقي. الأمل الحقيقي

الحل ليس في اسقالة الرئيس توتفليفة و الفساد و الرشوة و البطالة و................... ماشي حتىجاء هو يا أخي. ليس المشكل في الرئيس
كلنا منزعجين لما يحصل في الجزائر ، سواء في الادارات الفاسدة تروح تحوس على خدمة تع ما قبل التشغيل اللي عندك الحق بحكم القدم تع الشهادة كيما راهم يقولوا ، بصح والوا شغول راك تطلب حتى تكره ، و كي تع la das بلا مانحكيلك الطلاعية اللي تطلعها قلبك يحبس كلما نروح نشري معايا قرعة ماء شغل داروها بلعاني باه الواحد يكره و كي تدخل بلا رحمة ماكانش ديركت ، والله غير ساعات نحب نبكي .
واحد الخطرة قبل الانتخابات تع بوتفليقة العهدة الثانية سمعت بلي راهم يمدوا les postes كي رحت لقيت واحد الغاشي مانحكيلكمش بزاف اللي عيطولهم كي سألت قالولي هادوما اللي قدم و كي روحت شفت الفتاة اللي عيطولها و قارنتوا برقمي لقيت أنا قبلها بالألاف و كملت قبلها بسنوات وجابوا bus في الصور تع بوتفليقة و عمروه بالناس اللي عيطولهم ، بالمناسبة الفتاة يماها اللي جات لأنه الفتاة تخدم و كي شافت بلي الأمر يستاهل عيطتلها. المهم بلادنا الادارات دياولها كامل يعمها الفساد و المعرفة
وراهي المراقبة اولاش ماكنش ، لازم اللي يلقاوه في الشارع أثناء الدوام يكون بسبب ، الجزائر في week end أو أيام الشغل تلقى الشارع معمر ماتفهم والوا . المهم لازم تتبدل السياسلت المطبقة في بلادنا أقل شيء النظافة البيئية ماكانش، هذه راهي في يد الشعب تكون في bus واحد يرمي من التاقة و احد يمشي يرمي برا واحد من البالكون تع الدار أين هي التوعية تع المدارس أو العائلة
وعلاه مانطبقوش كل حومة تنقي المكان ديالها و يديروا مسابقة أحسن حي نقي يعطوهم جائزة لتشجيع النظافة و علاه ......... أمور بزاف، أين دور وزارة البيئة وعلاه راهي كاينة أصلا اذا كاين .....؟؟ نروحوا الآن لوزيرة الثقافة كان من الأحسن لو داروا وزيرة الغناء و الشطيح الواحد يفهم لأنه ماشفنا حتى نهار أعمال دارتها ثقفت بيها بلادنا كاش شخصيات مثقفة جابتهم لبلادنا كاش مسابقات سواء ترفيهية أو تعليمية أو تثقيفة راهم يديروهم ، ماتلقاهاش كي جاو الأساتذة أمثال ابراهيم الفقي و طارق سويدان و .........تلقاها فقط في دورات أو لقاءات اللي يتطور فيه الطفل أو الشاب أفكاره وينميه (الحفلات ، الغناء ،....) يعني العكس ، حنا رانا نقولوا كوني عادلة ، ومن ثم يقولك وعلاه ماراناش مثقفين وعلاه عند وزارة الثقافة الصيف= حفلات غنائية فقط وعلاه ماكانش مسابقات أيضا ترفيهية أو ثقافية المهم كاين و كاين . ...... أو وزارة التجارة تقولك نسبة البطالة نقصت في بلادنا ، بالاك عندهم ماشي عند الشعب
كاين أمور بزاف الشباب الجزائري يشوفها و يعيشها و ان هذه الثورة ماهي الا مكبوتات عن السنوات اللي مرت اللي كان يسنى الخدمة و اللي كان يسنى السكنة و اللي كان يلبي حاجات أسرته اللي مايقدرش يلحقها بسبب غلاء المعيشة والدخل هو هو . و... و......
بكل بساطة يا مسؤوليين بدلوا السياسة تاعكم أدري ليس في ليلة و ضحاها اللي حتتسكم بلادنا لكن لازم نديروا شيء اعطوا الفرصة للشعب شكون اللي حيطور الجزائر من غير ولادها . وعلاه ماشي أحتا اللي ننتجوا أين المؤسسات تع بكري وراهي المنتوجاتmade in baladi. وعلاه غزاونا الشناوة في بلادنا ، وعلاه أولادنا يهربوا من بلادهم يخاطروا بحياتهم المهم يهرب من البلاد ، اللي خويا كان من بينهم . رغم أن بلادنا ماراهيش فقيرة وعلاه بلادنا ماتقيمش المثقف و العالم و الطبيب . ويلقاو التقييم من الغرب وعلاه؟
الجزائر هي بلادي ، بلادي............................................. .........................

[سرور.]

هكذا عهدناه ان يسكت و يختفي اين كان لزاما عليه الظهور و الكلام...... ما يجري دليل على ان البلاد ليست بخير ما يعني انه فشل في المسؤولية التي وكلت اليه (ليس الشعب من حمله اياها طبعا ) اذن فلينسحب و معه طاقمه الحكومي بني ويوي اصحاب البطون المنتفخة..........

[rezki85]

المشاركة الأصلية كتبت بواسطة mario gomes

ياخويا هذا لي قعد إيصير مهوش ديفو تع بوتفليقة هو دمية يحركونه كيفو كيف الشعب يحركوه المافيا الجزائرية
حتي بوتفليقة او مسكين راهو معانا فالكارثة نحاولو قع الإمتيازات تاعو و عطاولو أويحيا أو نحاولو بن فليس
إن شاء الله كينحو أويحيا و جماعتو ليجنرال الحرب ثم نعودو نحاسبو الرئيس

ليكن في علمك اخي ان السبب الاول في تدهور اوضاع البلاد هو بوتفليقة و اخوته
الم تتساءل يوما عن ماذا يفعل اخوة بوتفليقة في القصر الرءاسي
اليس هو من عين اويحي كوزير اول لذا يجب على بوتفليقة و حاشيته الذهاب وفورا
هذا ان كانت لهم الشهامة التي تميز الرجال

["أوريانة"]

هذا تخريف و ضرب من الخيال واقيلا تحوسو على خلاها الله يهديكم

[alkhansaae]

حتى يبان ومن بعد يستقيل البلاد مقلوبة وهو مظهرش ربي يجيب الخير