لمسمن ساعدوني

[amani17]

كل من تتقن المسمن توريلي الطريقة ما يجينيش مليح اما يابس او يشربلي الزيت بزاف ايهما احسن بالسميد او بالفرينة
شكرا مسبقا

[بنت اولاد نايل]

المشاركة الأصلية كتبت بواسطة amani17

كل من تتقن المسمن توريلي الطريقة ما يجينيش مليح اما يابس او يشربلي الزيت بزاف ايهما احسن بالسميد او بالفرينة
شكرا مسبقا

هو احسن يكون بالفرينة وتعجنيها
مليح مليح وتحطي طبعا ملح
وشوية خمارة
وبعدها تقيلي
ترقيقي لعجينة
المهم تكون فرينة من نوع مليح
لانها لو كانت مش مليحة هي الى
ماتنجحش المسمن

[ام رحوقة]

السلام عليكم
انا نحط الفرية وحدها والملح ونبدا نلم بالماء حتى تتلم مبعد نبدا نزيد الماء ونعجن حتى تبدا تلصق في اليد
مبعد كوريها كرات صغار وغطيها وخليها شوية برك ترتاح
وابداي تخدمي والله يجيني هايل بلا ما نعركو وندلكو بزاف والنار تكون شوي شوي

[sonia.morchid]

بسم الله أولا أختي الكريمة أن أنصحك تخدمي لمسمن بالسميد يجي خفيف وما يشربش الزيت أما الفرينة تيجي رطبة وتهزلك بزاف الزيت
خدي كمية من السميد من الأحسن يكون الرطب ضفي الملح حسب الحاجة ولميها بالماء حتى تحصل على عجينة ما تكونش جارية وما تكونش يابسة دلكيها شويا بدون ما تقطعيها (ما تعجنيهاش مثل الكسرة) وهنا يكمن السر في نجاح لمسمن أي تمدد لعجينة على طول طاولة العمل أو الائدة تم تعاود تدلكيها وهكدا الى حبيتت خليها ترتاح شويا ومنبعد تدلكيها كي تحس رطابت شويا ضفي الماء قليلا وعاودي دلكي كي تنشف من الماء كرري العملية حت تتحصل على العجينة المطلوبة كوري العجينة كرات بحجم حبة الماندرية الصغير وضعيهم في وعاء مدهون بالزيت وتركهم لمدة ربع ساعة حتى تتمدد لعجينة باش ماتغلبكش فالخدمة رشي المائدة بقليل من الزيت وباليد أبسطي كرة لمسمن ورشيها بالزيت كلما دعت الضرورة حتى تتحصل لاعلى مستطيل طبقيه مثل الظرف ورشي شويا زيت فالطجين وقلبيها على الوجه الأخر قبل ماتحمار ورشي عليها قطرات قليلة جدا من الزيت وبصحتك .

[جيجلية]

المشاركة الأصلية كتبت بواسطة sonia.morchid

بسم الله أولا أختي الكريمة أن أنصحك تخدمي لمسمن بالسميد يجي خفيف وما يشربش الزيت أما الفرينة تيجي رطبة وتهزلك بزاف الزيت
خدي كمية من السميد من الأحسن يكون الرطب ضفي الملح حسب الحاجة ولميها بالماء حتى تحصل على عجينة ما تكونش جارية وما تكونش يابسة دلكيها شويا بدون ما تقطعيها (ما تعجنيهاش مثل الكسرة) وهنا يكمن السر في نجاح لمسمن أي تمدد لعجينة على طول طاولة العمل أو الائدة تم تعاود تدلكيها وهكدا الى حبيتت خليها ترتاح شويا ومنبعد تدلكيها كي تحس رطابت شويا ضفي الماء قليلا وعاودي دلكي كي تنشف من الماء كرري العملية حت تتحصل على العجينة المطلوبة كوري العجينة كرات بحجم حبة الماندرية الصغير وضعيهم في وعاء مدهون بالزيت وتركهم لمدة ربع ساعة حتى تتمدد لعجينة باش ماتغلبكش فالخدمة رشي المائدة بقليل من الزيت وباليد أبسطي كرة لمسمن ورشيها بالزيت كلما دعت الضرورة حتى تتحصل لاعلى مستطيل طبقيه مثل الظرف ورشي شويا زيت فالطجين وقلبيها على الوجه الأخر قبل ماتحمار ورشي عليها قطرات قليلة جدا من الزيت وبصحتك .

نزيد على الأخت طريقة الطهي شوفي ادهني الطاجين( أنا نديرو غير فالطاجين مانحبش الزيت ) حطي المطوية

الأولى وكتطيب من تحت اقلبيها وادهنيها بالزيت وحطي فوقها المطوية الثانية ماشي طايبة وكتطيب اللي من تحت

اقلبيها تصبح اللي طايبة من فوق واللي خضرة من تحت وكتطيب التحتانية نحي اللي طايبة واقلبي التحتانية وادهنيها

وحطي أخرى فوقها هذه الطريقة هايلة تخلي المسمن طري كما الفتات

[بنت اولاد نايل]

المشاركة الأصلية كتبت بواسطة جيجلية

نزيد على الأخت طريقة الطهي شوفي ادهني الطاجين( أنا نديرو غير فالطاجين مانحبش الزيت ) حطي المطوية

الأولى وكتطيب من تحت اقلبيها وادهنيها بالزيت وحطي فوقها المطوية الثانية ماشي طايبة وكتطيب اللي من تحت

اقلبيها تصبح اللي طايبة من فوق واللي خضرة من تحت وكتطيب التحتانية نحي اللي طايبة واقلبي التحتانية وادهنيها

وحطي أخرى فوقها هذه الطريقة هايلة تخلي المسمن طري كما الفتات

فعلا احنا كذالك نخدموه فى طاجين
لو تزيدري تحطي عليه من داخل سمن
وشوية سكر يخرج روعة
بصح مسمن طاجين بنة والى فى زيت بنة اخرى

[*شهد العسل*]

يجي مليح بالفرينة و يجي تاني مليح بالسميد الرطب كما تحبي نوعين

[*شهد العسل*]

المشاركة الأصلية كتبت بواسطة جيجلية

نزيد على الأخت طريقة الطهي شوفي ادهني الطاجين( أنا نديرو غير فالطاجين مانحبش الزيت ) حطي المطوية

الأولى وكتطيب من تحت اقلبيها وادهنيها بالزيت وحطي فوقها المطوية الثانية ماشي طايبة وكتطيب اللي من تحت

اقلبيها تصبح اللي طايبة من فوق واللي خضرة من تحت وكتطيب التحتانية نحي اللي طايبة واقلبي التحتانية وادهنيها

وحطي أخرى فوقها هذه الطريقة هايلة تخلي المسمن طري كما الفتات

طريقة مليحة نجربها شكرا