قلب اللــوز باللبن طريقة جديدة ومختلفة على لي تعرفوها

[الصوامعية]

السلام عليكم جميعا عضوات وزائرات منتدانا اليوم جبتلكم طريقة جديدة في تحضير قلب اللوز باللبــن ناجحة جدا جدا تشبه لقلب اللوز لنشروه ولا خير منو بـ 100 مرة تختلف نوعا ما على الوصفة لحطتها الأخت Lyllia30 في الحقيقة هذي الوصفة سمعتها في إذاعة غليزان جربتها مباشرة بدون تردد ان شاء الله نعتمدها ومنبدلهاش خلالالالاص بدون إطالة نخليكم مع المقادير وطريقة التحضير

المقادير:

- كيلو سميد حرش.
- رطل سكر.
- 17 مغرف كبيرة زيت.
- 11 مغرف كبيرة لبن.
- 12 مغرف كبيرة حليب.
- كاس صغير نتاع أتاي ماء الزهر.
- قرصة ملح.
- مغرف صغيرة فاني.

الشاربات :
- 6 كيسان ماء.
- 3 كيسان سكر

طريقة التحضير:

بالنسبة لطريقة التحضير سهلة جدا في صحن عريض نحط سميد + سكر + ملح + فاني نخلطهم مع بعض ثم نضيفلهم زيت، حليب ولبن ونخلط بالأصابع فقط هذا مكان شفتو شعال ساهل.
ندهن مول بالسمن ونفرغ الخليط بلا ما نضغط عليه ثم نملس السطح باه يجي مستوي ثم ندهن الوجه بشوية سمن ذايب بالبانسو ثم نقطعو بالموس باه تبان الحبة فقط بدون الوصول للأسفل ونرشقوه بحبة كوكاو أنا مدرتلوش وندخلوه لفرن ساخن يطيب من الأسفل كي يحمارو الأطراف نشعل عليه من الفوق حتى يحمار نخرجو نشربو بالعسيلة ونغطيه ونرجعو للفرن بعد مانكونو طفيناه ونخلوه يشرب مليح العسيلة ثم قطعوه

ملاحظة:
هذي الكمية درتها في سنيوة مقاسها 32/35.

[IMG][/IMG]


[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]

[نيفرتيتي.]

اوا وحدة ترد
ندي الصحن كامل
بارك الله فيك البصوامعية
نموت عليك
انا اللي بعثتيلي قبل
بيتزا
تشفاي
عرفتيني ةلالا
بدلت اسمي

[ام سهام 02]

يعطيك الصحة اختي الصوامعية دايما تتحفنا بالوصفات السهلة والاقتصادية.

[oum jasmine]

SALAM madame votre recettede genoise m'a vraiment plut et maintenant votre kalb elouz je vais le faire les yeux fermés merci madame bon courage continuer ja3alaho allah fi mizane hassanatoki

[zamilio]

شكرا راه ابان هايل وكى عاد خير من تاع لليليا واش يخرج تع لليليا وراه مخلاش فينا انجربو انشاء الله

[تاج النور@]

والله جات في وقتها ربي يفرحك ويحلي أيامك

[أم ياسين الزهراء]

امممممممممممممممممممم روووووووووووووووووووووووعة

[ام عبودة]

امممم روووعة ويشهي
فكرتينا في رمضان

[ام نهودة]

و الله شكلوا زي المشري واحسن كمان

الطريقة اقتصادية اقتصادية جزاكي الله خيرا

[fadila34]

يعطيك الصحة خرجتلك هايلة ربى يحفضك

هاااااااااااااااااااااايل اختي اممممممممممممم والله راااائع
بوركتي

[أم إناس]

بارك الله فيك وصفه راءعة وسهلة
شكرًا لك

[ام محمد78]

بارك الله فيك الصوامعية

[ام محمد 05]

اختي مشاء الله جاك روعة لوسمحتي سؤال هل الدقيق هو سميد سيم المتوسط ام نوع اخر لو سمحت اذا كان نوع اخر ضعي لي صورته حابة نجربو ربي يحفظك في انتظار جوابك وايضا عندي البلاطو يجي فيه 35 على 25 هل يصلح:d

[عطرالذهب]

ماشاءالله يشهههههههي