قاظو مول الشاش

[ام ساجد]

السلام عليكن ورحمة الله تعالى وبركاته

قاطو مول الشاش قاطو قديم وعندو قداش من وصفة وطريقة وهاذي احدى الطرق يجي هشوش وبنين

والمرة الجاية بحول الله نحطلكم طريقة اخرى

المقادير:250غ زبدة+كاس سكر ناعم+3حبات بيض كبار+1خميرة حلويات+ ملعقة فاني كبيرة +كيلو نشاء

التحضير:نخلط الزبدة والسكر حتى نتحصل على كريمة ثم نضيف البيض وحدة وحدة ونخلط ثم نضيف الفاني ثم نضيف النشاء والخميرة بعد مانغربلهم
ونبدانشكل باستعمال لابوش ادوي نشكل دوائر نصف مفتوحة من الوسط ونصف مغلوق من الوسط كل شكل في صينية وحدو باش يطيبو كيف كيف وندخلهم للفرن يطيبو ولازم يبقى ابيض ما نشعلش عليه من فوق
بعد ما يبرد نلصق كل زوح حبات بالمعجون ثم نملأ الفراغ بخليط
معجون وجيلي وملون اخضر نخليه يشيح ونزين بحبيبات الحلوى

[*سيرين نور عيني *]

امممممممم تحفة هايل بارك الله فيك

[ibtihal18]

يعيطك الصحة اختي الله يبارك

[ام ساجد]

تسلمو اخواتي نسرين وابتهال الف شكر

[ام سهام 02]

هااااااااااااايل حبيبتي ام ساجد يعطيك الصحة

[oum ibrahim]

يعطيك الصحة حبيبتي ام ساجد فعلا يبان هشوش وبنين

هاااااااااااااااااااااااايل صبرينة خخخخ
والله تححححفة نموت فيك وفي وصفاتك يا توامي امواااااااااااااااح

[*توبــــة*]

هااااااااااايل حبيبتي الغالية

ربي يحفظك ويعطيك ما تتمناي ان شاء الله

[x ام رحاب x]

الله ايبارك عليك القاطو ساهل وبنين نعرفو تسلم ايدك حنونة

[ام ايمان16]

يعطيك الصحة

بالصح لاه سماوه مول الشاش؟

واش الفرق بينو وبين قاطو اللمبوط

انا درت كيفو باللمبوط وحبة فوق حبة لكن سميتو قاطو لمبوط ههههههههههه

[omjoujou]

يعطيك الصحة حبيبتي ام ساجد

[سوسو المغتربة]

يعطيك الصحة بكري كنت نشتيه بزاف وفكرتيني فيه نتمنى لك التوفيق في حياتك والتألق الدائم في وصفاتك وربي يعطيك على قد قلبك المعطاء جزاك الله كل خير

[دائمة الشكر]

يعطيك الصحة اختي ام ساجد باين هشوش امممممم

[ام اروى وعاصم]

خرجلك روعة بارك الله فيك

[زموردة]

تسلم ايــــــــــــديــــــك