السلام عليكم
ليوم حبيت نحطلكم طريقتي في تحضير الزبيب
المقادير
تحتاجي زبيب - جلجلان محمص
لحم غنم من الأفضل بالعضم
عود قرفة - زعفران - فلفل أسود - زيت و زبدة و حبة بصلة
طريقة التحضير
قومي سيدتي الكريمة بتفوير الزبيب في كسكاس
من جهة أخرى في طاجين أو في كيكوطة حطي الحم + البصلة مقطعة ( مايهمش الحجم لأنو رح نصفيو المرقة ) + شوية زيت و مغرف زبدة + عود القرفة + زعفران + ملح و شويا برك على طرف المغرف فلفل أسود و قلي مليح اللحم لمدة 10 ل 15 دقيقة
ثم كي يتشرب اللحم التوابل مرقي بماء سخون حتى يتغطى اللحم و غلقي الكيكوطة نتاعك و خلي اللحم يطيب
من جهة أخرى كي يفور الزبيب نتاعك حطيه في صحن عميق و مباشرة أضيفي مغرف سكر + نصف مغرف صغيرة قرفة مطحونة + ملعقة زبدة و خلطي الكل و خليه لوقت التقديم
كي تطيب المرقة نتاعك نحي اللحم و صفي المرقة من البصل بإستعمال كسكاس
ردي المرقة لي صفيتيها للنار تعقد مع إضافة ملعقة كبيرة سكر ( على نار هادئة )
للتقديم حطي اللحم في وسط صحن التقديم و حطي الزبيب و رشي رشة خفيفة من الجلجلان مالفوق
و شهية طيبة
( تقرير عن مشاركة سيئة )، و الموجودة أسفل كل مشاركة .
2016-04-08, 23:15
طاجين الزبيب على الطريقة التلمسانية
العرض الشجري