قريوش بطريقتين من مطبخي بالصور

ام سامي15 · 2014-03-17, 13:38

السلام عليكم و رحمة الله و بركاته

اخواتي

هذه طريقتين اتحضير القريوش

الطريقة الاولى للغالية ام اماني

3كؤوس فرينة +نصف كأس نشاء +قرصة ملح+فانيليا +ملعقة صغيرة خميرة الحلوى +نصف كأس سمن ذائب و بارد+ صفار بيضة واحدة

نحك جيد
و نخرج الخليط في غربال مفتوح الثقوب

نعجن الخليط بالماء المضاف اليه ماء الزهر

لتسهيل العجن انا عجنت بهذا و هو احسن من آلة العجن

بحيث كل كمية اتركيها تدور دقيقة كاملة

و هكذا حتى تكملي العجن

نشكل كرات و نتركها تستريح ساعة
نرش النشاء فوق الطاولة
نفتح الكرة على شكل مستطيل و نطويه على ثلاثة
و نفتح العجينة طوليا بماكنة فتح العجينة

و نعيد العملية ثلاث او اربع مرات

و نشكلها على حسب الطرق التي ستأتي لاحقا

الطريقة الثانية للغالية نور الياقوت 38

500غ فرينة +كيس خميرة الحلوى + فانيليا + قرصة ملح +125غ زبدة ذائبة و ساخنة قليلا
و نحكها جيدا حتى تختفي تكتلات الخليط
ثم نضيف بيضة صغيرة مضربة و نعجن بالماء الدافئ المضاف اليه ماء الزهر

و نعجن جيدا بحيث لا تكون العجينة طرية

حتى يسهل تشكيلها

نقسمها الى كرات صغيرة
ونتركها تستريح ساعة داخل كيس

نرش الطاولة بالنشاء و نشكل حربوش و تفتحه في ماكنة فتح العجينة في الرقم 6

ثم نطوي على اثنان

و نعيد العملية و نفتح في الرقم 5

ثم نشكل على حسب الطرق التالية

و نضعها في صنية نغطيها بكيس حتى لا تنشف

و نقلي عندما نكمل الكمية

طريقة اخرى للتشكيل

طريقة اخرى سهلة جدا

ثم نقلي الحبات واحدة تلو الاخرى في زيت غزير يحيث اثناء القلي نفرغ الزيت بالملعقة فوق الحبة القريوش

و تكون النار فوق الهادئة تحت المتوسطة

حتى لا تكون الحبة معجنة

المهم انت جربي اقلي واحدة و شوفي اذا كانت معجنة معناه النار قوية

و هاهي المجموعة

لا تنسوني من صالح دعائكن اخواتي

cuisineshowdalatifa · 2014-03-17, 13:48

ما شاء الله خرجت روعة , و خاصة الفكرة الثانية نقصتي علنا التعب شكرا
على فكرة أنا من المتتبعين لك في المدونة , بالتوفيق

ام سامي15 · 2014-03-17, 13:55

ربي يحفظك اختي على كلامك اللطيف

انا ذاهبة لزيارة مدونتك
راح نحطها في الفافوري حتى اتابعك
شكككككككككككككككككككككرا

تغرينية · 2014-03-17, 14:04

االله الله يعطيك الصحه

idron0 · 2014-03-17, 14:14

يعطيك الصحه

ام حمزة22 · 2014-03-17, 14:18

يعطيك الصحة

cuisineshowdalatifa · 2014-03-17, 14:24

والله نتشرف و لكن الحق يقال ما أنا إلا تلميذة عندك

ريتاج تيارتية · 2014-03-17, 14:30

بارك الله فيك اختي ام سامي كون نقولك انا كل شيء يصدقلي غير القريوشة منتفاهموش خلاص هههههه مانعرف علاه والله نبغي نتعلمها وماتنجحليش انت سهلتي عليا ان شاء الله كاش نهار نجرب بالشكل الثاني ونشوف ربي يخليك