شاركينا مائدتك في رمضان

*أم كوثر* · 2012-07-25, 01:04

السلام عليكم ورحمة الله وبركاته
رمضان كريم ينعاد علينا وعليكم بالصحة والخير والبركة
شفت شحال من اخت حطت موائدها الرمضانية بهدا الركن
لدا جات في بالي فكرة هد الموضوع ....نتلاقو فيه يوميا مع موائدنا الرمضانية المنوعة
وحتى يبقى الموضوع مرجعا لنا في الايام المقبلة
اخواتي الكرام شاركونا موائدكم وعاداتكم في رمضان
بانتظار تفاعلكن
وكل عام وانتم بخير

mimi53 · 2012-07-25, 10:50

فكرة جميلة ويعتيك الصحة اختي ام كوثر ومرحبا بكي مجددا بينانا وال الف الف مبروك المزيود الجديد يتربلى في عزك انشاء الله
رمضان مقبول وكل عام وانت بالف خير

soumay12 · 2012-07-25, 11:09

فكرة جميلة هاكذا الوحدة متحيرش تدخل تهز الافكار تاع لبنات

وخاصة المبتدئات راح يستفادو كثير من الوصفات الموضوعة

انا اليوم دايرة جلبانة صوتي انشاء الله نحط وصفتها ودرت فري كاسي لكن

درتهم حبيبات صغار وحشيتهم بالنوتيلا واخرين بالمعجون وغلقتهم وبعد قليتهم وذرذرت عليهم السكر

وصحة فطوركم

fifiarch · 2012-07-25, 13:29

الف شكر ليك اختنا ام كوثر
واهلا بيك معنا رانا توحشناك
والف مبروك المزيود يتربى في عزكم
عندي اقتراح برك
لوكان تزيدي بعد مانحطو الاطباق تعمليها في المشاركة الاولى هكا باه ماندوخوش في الصفحات

ليان نجمة البحر · 2012-07-25, 14:30

inchallah lyoum nabda

chkran wadou3ak f 9ima bach nwaliw chatrat

oum yahya · 2012-07-25, 14:41

anna dart shorba friik w gratainbatata djaj w saladew kassrra w desser bark sahha ftorkoum

ام مؤمن · 2012-07-25, 15:23

فكرة جميلة و ان شاء الله نتلاقاو بعد الافطار و نحطوا فطورنا

انا اليوم ان شاء الله ناوية ندير اقراص الدجاج نتاع ام رامي و شربة فريك

في انتظار فطورك يا اخت ام كوثر اطباقك دائما مميزة

و صحى فطوركم و رمضان كريم

sisi 26 · 2012-07-25, 21:22

سلام و صح فطوركم هذه بعض اطباق الايام الاولى من رمضان

pharmajsk · 2012-07-25, 21:28

السلام عليكم وصحا فطوركم
مبروك عليك المزيود الجديد ام كوثر يتربى في عزك
انا اليوم درت شربة والزيتون كرات مطحون مع اللحم مرحي وطيبتهم في لاصوص بالدجاج وطاجين لحلو اما السلاطة درت 3 انواع
لسان العصفور
ماصيدوارمع البطراف
والسلاطة تاع الخص والطماطم والخيار
والديسار
الفلان
المشروبات
التين الهنددي والدلاع والبتيخ

صح صحوركم

sisi 26 · 2012-07-25, 21:29

هذه مائدة خامس يوم من رمضان

sisi 26 · 2012-07-25, 21:43

هذه مائدة اليوم السادس من رمضان

لحم حلو + شكشوكة

سلطة

شربة فريك

طاجين الخوخ

بوراك

سلق

ان شاء الله تعجبكم مائدتي البسيطة

fifiarch · 2012-07-25, 22:14

صح فطوركم
يعطيكم الصحة لبنات على الاطباق
ويعطيك الصحة اختي سيسي المايدة تشهي
عندي سؤال برك واشنو هو طاجين الخوخ

بالنسبة لفطوري انا اليوم درت
شوربة
بوراك
لازانيا شوي جات ثقيلة تقتل
هههههه كلاو منها غير شوي
بيتزا
المرقة حلوة عندي قديمة
فواكه دلاع و تفاح واناناس
بسبوسة
سلاطة خضراء معاها جزر وبيتراف وشوي جلبانة وزيتون
فلان الطبقات

اذا قدرت نحمل الصور ونحطهم

ام مؤمن · 2012-07-25, 22:18

صحى فطوركم و رمضان كريم

عادتنا اول رمضان نعملوا طاجين العين اي الحلو و شربة فريك و بوراك و سلطات منوعة و خبز الدار و الكسرة او المطلوع و تحليات للسهرة

نقدملكم فطوري المتواضع ماصورتش كلش اللي طبختوا فقط و فطور اليوم راح علينا الضوء نتمنى برك تبان الصور واضحة

اضافة الى فطور اليوم حطيت صور لاطباق عملتها الايام الاولى من رمضان

شربة الفريك

اقراص الدجاج نتاع ام رامي

سلطة مشكلة بالمسيدوان و الخضار المفورة

و اليوم فقط ما درتش البوراك ماكفانيش الوقت و طبعا فطرنا بالتمر و اللبن و عصير رامي و الكسرة رخسيس ماصورتهاش هههه و حلويات مشكلة و الفاكهة مرحوم و عنب

و التحلية سلطة فواكه

و هذه اطباق الايام السابقة

طاجين الجبن

ارز محشي في الفرن

تحلية كرام ديسير

فلان الطبقات

و هذا خبز الدار عملتوا اول رمضان

و الباقي ماصورتوش البوراك و طاجين الحلو و طاجين الكفتة و خبيزة المعدنوس

و نتمى اطباقي البسيطة تعجبكم و الله يديمها علينا نعمة و يحفظها من الزوال

و في انتظار اطباقكم و صحى فطوركم و سحوركم و ما تنساوش القيام و قراءة القرءان

اختكم ام مؤمن رمضان كريم

fifiarch · 2012-07-25, 22:27

يا سلام اختي ام مؤمن تسلم ايديك
اطباق تشهي
صح فطوركم وربي يقبل منا ومنكم
قوليلي كيفاه طاجين الجبن و هاذاك طبق الارز عجبوني ياسر

*أم كوثر* · 2012-07-25, 22:41

السلام عليكم
صح فطووووركم
اللهم ادمها نعمة واحفظها من الزوال
الف شكر اخواتي الكريمات على تهانيكم وعقبال افراحكم ان شاء الله
في انتظار المزيد من الموائد وربي يكار الخير
كل موائدكم تشهي ماشاء الله
اختي ام مؤمن المرة الجاية صغري الصور لتسهيل التصفح