خطبتي و نفسيتي

[مشكلتي]

السلام عليكم و رحمة الله و بركاته
اخواتي و اخواني في الله حبيت نحكي اليوم على مشكلتي و اللي هي انو من فترة تقدم لخطبتي شاب يعني يعتبر من اقاربنا المهم انا ماحبيش نقبل بامر الخطبة هادي بصح الوالدة خاصة ماعجبهاش الحال كي قلت لها مانيش قابلة بيه و الوالد مابينليش بلي ماعجبوش الحال بصح هو تان ماحبش كي قلت لالا المهم ممبعد قلت لهم ايه و درنا الفاتحة و كل شي بقا العرس منا على شهور ان شاء الله
المشكلة خاوتي اني مرات لما نقعد مع روحي و نفكر ف اني قبلت بيه نحس اني ضيعت احلامي كامل راكم عارفين كل واحد و واحدة كيفاش يتمناو النصف ديالو يكون انا كنت متمنية واحد ملتحي و دو مظهر اسلامي الله غالب اغار لما ارى شباب بهده الصفة على هاديك كي نتفكرو نحس باكتئاب و انو ماشي هو لي راني حاباتو بصح واحد مافهمني رغم اني قلت لهم حابة واحد ملتزم و كدا لكن خطيبي لما اراه نتقلق و تان كي رحت نعقد حسيت بلي غلطة اني قبلت و بدات افكار براسي يعني ماشي كيما البنات يفرحو و ماشابه و حتى العرس ماشي مقلقة عليه و لا مانحسش بطعم الفرحة تاع اني رايحة نتزوج رغم اني اسال الله يغفر لي على هاد التخمام لانو ماشي حق علي نخمم عليه هكا
و الحق الحق هو يحبني و يعاملني مليح و يسايرني و طيب و لما يسألني ادا نحبو و ماشابه اكيد مارانيش رايحة نقولوا ماشي نتا لي تمنيتك
علابالي بلي الخيرة فيما اختاره الله بصح حبيت نسقسيكم بالله زعما يمكن ان هاد الشعور مني يتبدل و نعيش مرتاحة و لا درت غلطة من الاساس كي قبلت و من جهة نسأل الله اني مانكونش ظالماتو بتخمامي

[نورسين.داية]

السلام عليكم

و هل في رأيك ....كل الملتحين يتساوى مظهرهم الخارجي بمضمونهم ...؟؟؟

و في رأيك أيضا أن غير ملتحي إنسان فاسد .......................؟؟؟

سبحان الله منطق غريب ..........................كيف نتخلى عن ثقافة التعميم ...؟

[ayaamira666]

انت من الاول لازم تعرفي '' ليس كل ما يتمناه المرء يدركه''
لو كانت بايدينا لاخترنا لانفسنا فارس الاحلام بكل المقاييس التي نرغب فيها
فهاهي واحدة تريده ان يكون دون مستوى علمي عالي
وواحدة تريده ان يكون غني و لديه فيلا
وواحدة تريده رجل متدين وسلفي
وواحدة تريد كل تلك المواصفاة التي ذكرتها
لكن الواقع شئ اخر
المهم ان يكون خطيبك دو دين و خلق و متربي
و ابحثي عن الصفات الجميلة في خطيبك و سوف ترين انك كنت مخطئة و سوف تتغير نظرتك اتجاهه

[حميد.ص]

اختي الكريمة بما ان الرجل انسان طيب يمكنك ان تاثري فيه بعد الزواج و يدير اللحية و يغير المظهر تاعو.....هذا احتمال وارد............ربي يعطيك الخير

[مراد12345]

سبحان الله

يعني أنا متدين تدينا شديدا

ولكني لا أضع اللحية

,وأرتدي لباسا محترما والكوستيم

فأنا إنسان غير صالح للزواج

سبحان الله

[محمد جديدي التبسي]

إذا كان شخص متخلق وطيب فمع الوقت بإمكانك تغييره
أكثري من الدعاء أن يهديه الله ليطلق لحيته ويكون لك كما يريد الله ظاهرا وباطنا
أحييك على تفكيرك فقلاقل من هم مثلك حتى أن هناك من يصفون اللحية بأبشع الأوصاف ربي يهديهم

[عبد الله 22]

السلام عليكم الله يثبتك ، وبالتوفيق إن شاء الله ، فرق كبير بين اللحية و الالتزام ، ولاتغرنك المظاهر و لا الاقوال بقدر الافعال

[jihanne]

المشاركة الأصلية كتبت بواسطة مشكلتي

ا

و الحق الحق هو يحبني و يعاملني مليح و يسايرني و طيب

وش تحبي كثر من هكا

كي تتزوجيه رديه يلبس القميص و يدير اللحية

[doba]

ههههههههههه ربي يهديكم يا بنات حوا إلا من رحمة ربها تقلاش ومكان والو.........

[قطرة الربيع]

صباح الخير اختي انا حابة ننصحك مادام عملت استخارة ماراحش تندمي وبلاك يطلع هذا العريس رجل ذو همة واخلاق ودين ماهيش كل حاجة نتمنوها تجينا وربي يهنيك حنونة

[محفوظ البسكري]

قد يكون هذا احسن من واحد ملتحي

و لا تغرنك المظاهر

[achwak crazy girl]

المهم متدين وخلوق وطيوب

[أسامة الزمالة]

سبحان الله منطق غريب

[رُوح طِــஐـــفلة]

اللّحية ليستْ بالضرورة دَليلاً قاطعاً على الالتزام ْ
وَاللحية تُوجد عِند كثيرٍ من الطوائِف الدينية وليستْ فقط عِندَ المُسلمينْ
بِالمُختصرِ المُفيدْ الدّينُ المُعامَلة وليسَ اللّحية
يَعني اذا شفتِي في أخلاقهْ مايُرضيكْ علاه ترفضيه ؟
وفّقك الله لِما يُحبه ويَرضاهْ

[الزيتون]

الذي فهمته انكي تريدين رجل مستقيم ويتضح هذا في شكله ومضمونه
البعض يستهتر باللحية ويقول هي امر بسيط لكن لو نقول له اتركها لمدة اسبوع والله مايخرج من البيت وهذا مجرب الا اذا ظهر فنان بلحية خفيفة يعكل بعمله وهذا مجرب وواضح
فالرجل الملتحي يعطي انطباعا على انه متدين مستقيما ومع بحث وبحث يستطيع ان يجزم ان ظاهره يحاكي باطنه او العكس

وفي الحقيقة هناك العكس من هو غير ملتحي ولكنه مستقيم في كثير من العبادات
اختي الفاضلة
الان انت بالعقد الشرعي يعني هو زوجك فكوني زوجة طيبة تأخذينه الى برالامان جربيه وانصحيه فقد تجدينه نعم الزوج ولربما تجدينه يريد ان يكون ملتحيا ولكنه خائف منكي وهذا واقع عشناه كذلك ههه
وكلنا كنا يوما نحلق اللحى والحمد لله هدانا الله لارخائها والقليل من كانت بداياته استقامة مباشرة

واحييكي على هذا التفكير فمثيلاتك قليلات

وفقكم الله