الطريقة الصحيحة لصنع الكروكي

*لامية* · 2013-06-11, 12:31

السلام عليكم اخواتي في الله ارجو منكم مساعدتي و ذلك باخباري عن مقادير و كيفية صنع الكروكي

جوهرة الشمال1995 · 2013-06-11, 12:49

شوفي من زهرك أنا دوكة ندير فيه .
المقادير:
8 بيض
4 كيسان زيت (لتر)
2 كيسان سكر
2 فانيلا
2.5 خميرة نوارة (كي تخدميه في الصيف) و 3.5 ( في الشتاء) فرينة حسب الحاجة
جيجلانية للتزيين
3 صفار بيض للدهن
طريقة التحضير:
حطي البيض و خلطي و الفانيلا و زيدي السكر شوية شوية باه يدوب و يجيك خفيف (كي تحبي خلطي بالباثور خير) ثم الزيت هو تاني شوية شوية و بقاي خلطي و منبعد الخميرة و الفرينة بهدا الترتيب و متخليش العجينة تاعك تكون قاسية بل خليها تكون شوية جارية و هدا باه يجيك سخي .
شكليه حرابش و حطيه فالبلاطو عملي عليه دي ثخاص بالفرشيطة و دهنيه بصفار البيض الممزوج مع شوية قهوة ( باه يعطيك لون روعة عنابي) و رشي عليه جيجلانية هي تمدلك دوق رائع .
ملاحظة : تحبي ديري نصف المقادير و رح يجوك 2 بلاطات.
شهية طيبة . و متنسايش تدعيلي ندي المعدل عالي فالباك

*لامية* · 2013-06-11, 13:39

جزاكي الله خيرا اختي

الأمنيات · 2013-06-11, 14:10

https://www.djelfa.info/vb/showthread.php?t=1169729

djolanar · 2013-06-11, 14:12

شكرا جزيلا اختي

*أم كوثر* · 2013-06-11, 14:34

نعطيك الطريقة الصحية ويخرجلك من اول مرة
مجربتها ومعاودتها
تجي كما تع لي يتباع

6 بيضات
رطل سكر عادي نحي منو مغرف كبيرة
نص لتر زيت
2 خميرة حلويات
فاني
حوالي كيلو فرينة
ضربي السكر والبيض والفاني جيدا حتى يتضاعف وهدا السر لي يخليه يجي خفيف
من بعد ضيفي الزيت على دفعات وضربي
تم الرينة والخميرةوحركي باليد
حتى تتحصلي على عجينة طرية تتلصق
استعملي زيت في يديك باه ماتقلقكش
ديري حرابش وزيني بالفرشيطة وادهني ب
بيضة كاملة وشوية فاني وقطرات قهوة لاعطاء لون جميل
رشي جلجلان
ودخليه يطيب
وحمريه من فوق
يخرج وقطعيه بموس حاد
وعاودي حمريه مليح على الجناب وبالصحة

أم أولادي* · 2013-06-11, 15:19

اقتباس:

المشاركة الأصلية كتبت بواسطة *أم كوثر*

نعطيك الطريقة الصحية ويخرجلك من اول مرة
مجربتها ومعاودتها
تجي كما تع لي يتباع

6 بيضات
رطل سكر عادي نحي منو مغرف كبيرة
نص لتر زيت
2 خميرة حلويات
فاني
حوالي كيلو فرينة
ضربي السكر والبيض والفاني جيدا حتى يتضاعف وهدا السر لي يخليه يجي خفيف
من بعد ضيفي الزيت على دفعات وضربي
تم الرينة والخميرةوحركي باليد
حتى تتحصلي على عجينة طرية تتلصق
استعملي زيت في يديك باه ماتقلقكش
ديري حرابش وزيني بالفرشيطة وادهني ب
بيضة كاملة وشوية فاني وقطرات قهوة لاعطاء لون جميل
رشي جلجلان
ودخليه يطيب
وحمريه من فوق
يخرج وقطعيه بموس حاد
وعاودي حمريه مليح على الجناب وبالصحة

عزيزتي ام كوثر ماشي بزاف رطل سكر من العادة كاس حتى كاس ونصف وزيت نصف لتر بالعادة كاس بانولي بزاف ياريت التوضيح تقبلي مروري

electrachid · 2013-06-11, 16:02

أنا ندير 4 بيض +كأس سكر +فاني +قشور ليمون أو برتقال نضرب جيدا +كأس زيت ونزيد نضرب +2 خمارة ونلم بالفرينة حتى نحصل على عجينة طرية نصنع حرابيش ندهنهم بصفار بيض مخلط مع شوية نيسكافيه وشوية فاني أو نحل شوية حليب بودرة يكون ثقيل وندهن بيه ثم نمرر عليه فرشيطة ونخلو لفرن مسخن مسبقا حتى يطيب من الأسفل نحمرو من الأعلى غير انحيه من الفرن نمرربالبانسو عليه شوية عسل مخلط بالمعجون وبعدما يبرد نقطعوه
وشهية طيبة

نهى اسطاوالي · 2013-06-11, 16:13

السلام عليكم
انا نعمل الكروكي بالكاكاو والمقادير كالاتي
3 بيضات + بياض بيض والاصفر للطلاء +كاس زيت +كاس سكر + لافاني + نص كاش مايزينة + 2 خميرة كيميائية +فرينة + قرصة ملح
قسمت العجينة الى نصفين واضفت 3 مغارف كاكاو اسود عجينة الكاكاو اقل من العجينة البيضاء حطيت السوداء فوق البيضاء ولويتهم على شكل حربوش ثم وضعته في الصينية

ومرات نعمل ب6 بيضات وزوج كيسان زيت وزوج كيسان سكر و3 اكياس خميرة
ربي يعاونك

ايمان16 · 2013-06-11, 21:10

حنونة هادي لاغسات الي نديرها تخرج روعه 5 حبات بيض كاس ونص سكر خلطيهم بيان زيدي كاس زيت وفاني وزاست قارص نغربل فرينه مع 2 خمارة و3 مغارف مايزينة ونزيدهم عاى دفعات ندير حربوش فوقو صفار بيض مخلط بنسكافي ديري فوقو جلجلان ولا كوكاو كي يطيب خرجيه قطعيه ومبعد رجعيه يحمار من لحواشي ان شاء الله نكون افدتك

فوزية1975 · 2013-06-12, 06:59

شكرا لكن جميعا

fadila34 · 2013-06-14, 23:36

https://www.djelfa.info/vb/showthread.php?t=1290258