مقروط رولي مقلي من مطبخي-****

[القبطية]

السلام عليكم ان شاء الله راكم اكل بخير حبيتكم تقيمو تجربتي الاولى لمقروط رولي مقلي بالتمر هو في الحقيقة دوق ماشاء الله


اليوم بإذن الله راح نوريلكم طريقة الخاصة بيا انا ان شاء الله تجربوها لانها ناجحة 100/100
المقادير
3 عبار سميد خشن
1 عبر زيت
2 مغرف سمن
ملح
مغرف سكر
ماء وفنجان ماء زهر لجمع العجينة


الحشو

تمر مفور + قرفة + زيت او سمن



التحضير

نبسبس السميد مع السمن وملح وسكر مليح مليح ونلم العجينة بماء زهر وماء حتى نتحصلو على عجينة ماشي مشمخة بزاف وماشي طرية بزاف وسط وسط

نخليها ترتاح 10د ونروللتمر نبردو لانو راني فورتو يجي طري زبدة نخدمو مع القرفة والقرصة سمن
ومن بعد نبسط كمية من العجين علة ورق بلاستيك ويلا معندكش ديري كيس بلاستيكى نحتاج زوج قطع من البلاستيك


نحطو وحدة من تحت ونحط فوقها العجينونزيد كيس من فوق ونحلو بالحلال ونسويها مليح على شكل مربع نجيب سباتول ونحط التمر فوق العجين من كثروش لازم تكون طبقة رقية لانو اذا كثرتيه رايح يجى حلو بزاف ومايصلحش للاكل
يعني العجينة يكون سمك تاعها6مم وتمر سمك تاعو 2 مم متكثرووووووووووووووش تمر راني نوصي ونعاود وتمر مارحش يجيكم يابس والله غير طري ماشاء الله


ومن بعد رولي المربع كيما نخدمو بسكوي رولي عادي ومن بعد مسحي العجينة من فوق بشوية ماء الزهر ادا حبيتي وقطعيه دوائر وسويهم مليح باش التمر يجي باين


سخني الزيت كمية وحطي اقليه على شكل ذهبي وحطي مباشرة في عسل بارد انا هنا استخدمت عسل ام رامي مخفف بشوية ماء زهر لانو يجي عاقد بزاف

واخير اراني كملت الشرح يلا مفهمتوش كاش حاجة راني هنا

ومتنساونيش حبيباتي من دعواتكم بصلاح ديني ودنياي وربي يحفظكم












نخليكم مع الصور



[IMG][/IMG]



[IMG][/IMG]


[IMG][/IMG]




[IMG][/IMG]