مشاركتي في مسابقة شاف كوزينتنا (التحلية)

[ام اماني77]

السلام عليكم غالياتي
واش راكم اخواتي نتمنى تكونو في احسن حال
علا بالي راني متأخرة اسمحولي كانت عندي ظروف خاصة
هذا اخر تحدي في المسابقة وعلابالكم ان المكون السري هو الجبن لذلك عملت نوع من انواع تشيز كيك راح نحط الصورة النهائية الان لان مابقاش الوقت والنت عندي ثقيلة وباذن الله نحاول نحط كل الخطوات مرفقة بالصور نتمى تعجبكم مشاركتي

https://

هذي صورة مقربة لاحظو الطبقات اممممممممممم

https://

كيما قلتلكم غالياتي هذا نوع من انواع التشيز كيك من دون طهي وفضلت نعمل الطبقة السفلية بيسكوي بالكاكاو بدل البسكويت المرحي مع الزبدة.
اذن على بركة الله نبدأ في الخطوات
الطبقة الاولى:
لتحضير البيسكوي يلزمنا
3حبات بيض،90غ سكر‘30غ كاكاو،60غ فرينة
نخلط البيض مع السكر جيدا حتى يبياض الخليط ثم نضيف الفرينة مع الكاكاو بعد مانكونو غربلناهم ونحرك بالملعقة
نفرش البلاطو بورق الزبدة ونحط الخليط
https://

ندخله للفرن يطيب على درجة180 درجة وهذا شكلو بعد مايطيب

https://

لتحضير الطبقة الثانية نحتاج الى:
كريم شانتي غبرة انا استعملت 250غ نضيفلها القليل من الحليب فقط ونطلعها بالباتور مانعملوش الحليب كيما متعاودين كي نحضرو الشانتي لازم غير شوية باه كي نحطها في الثلاجة تتماسك
https://

من جهة نحضر كريمة الجبن انا استعملت الجبن الابيض استعملت160غ وممكن نستعمل جبنة كيري

https://

نضيفلو السكر ونحرك بالخلاط الكهربائي

https://

حتى يتجانس ويذوب السكر

https://

بعدها نضيفو لكريم شانتي لي حضرناها قبل

https://

ونحرك بالخلاط باقل سرعة حتى تتجانس نحتفظ بها في الثلاجة
من جهة ناخذ البيسكوي لكونا حضرناه ونقطع دائرة ونحطها داخل هذا المول او cercle ولي ما عندهاش تستعمل المول نتاع الكيك لي يتفتح

https://

ثم نحط خليط الكريمة مع الجبن

https://

ونستفها فوق البيسكوي

https://

ندخلها للثلاجة حتى تتماسك
بعدها نحضر الطبقة الاخيرة وهي ganache الشكولة ونحتاج الى:
200غ شكولة،150 مل كريم فريش
نسخن الكريم فريش فوق النار بعد ما يسخن ننزعو ونضيفلو الشكولة ونحرك جيدا حتى تذوب الشكولة نخليها لعدة دقائق تبرد من بعد نحطها فوق الكريمة

https://

https://

ندخلها للثلاجة حتى تتماسك جيدا لعدة ساعات ومن الاحسن ليلة كاملة
للتزيين
ذوبت شكولة بيضا من دون اي اضافات وحطيتها فوق ورق الزبدة وطيت فوقها خطوط شكولة سوداء وملمع وخليتها لما بردت قطعت بالطابع مربعات وممكن نقطعها باليد اشكال عشوائية
وعملت حلقات بخليط الشكولة البيضا والسوداء وقبل ما تجمد لفيتها كيما الشكل

https://

وزينتها بحبات من المكسرات ودهنتم بالناباج
وهذا شكلها النهائي





والكمية لي بقاتلي من البيسكوي عملت بها تحلية اخرى في الكؤوس
حطيت كمية من البيسكوي المقطع وحطيت فوق الكريمة لي استعملتها في تشيز كيك ثم حطيت فواكه مقطعة وزينت بكريم شانتيي وهذا شكلها
https://

نتمنى تعجبكم مشاركتي غالياتي
في الاخير نشكر كل المتنافسات فلة،فايزة،انا امهم صراحة استمتعت واستفدت الكثير معاهم ونشكر مشرفاتنا الغاليات ونقولهم شكرا لمجهوداتكن جعلها الله في ميزان حسناتكم
بالتوفيق للجميع
في امان الله