يا البنات ارواحوا نسربلكم عفسة روعة تاع المخبز

nousa 06 · 2013-01-09, 08:51

السلام عليكم وكيف الاحوال ان شاء الله تكونوا بخير وربي يدوم عليكم الصحة اخواتي كيما قولتلكم من قبل عندي شحال من عفسة تخص صناعة الحلويات واللي للاسف الكثير من معلمات الحلويات يبخلوا في اعطائها ولا يستغلوك ويقولولك نعلمك هاد المودال بصح بهاديك الحسبة ويقولولك سر المهنة ماشي كامل باه مانظلمش كل المعلمات كاين اللي مدتها وقالت الرزق على ربي وسر المهنة يكمن في اليدين ربي يجازيها خير وانا راح نمشي على طريقها وماني حابة والو غير دعوةخير نلقاها يوم غدوة ربي يطول في عماركم العفسة هي كي تعملي عجينة المخبزتحليها فوق صاشي بسمك 1.5 الى 2 سم واللي يقعد من الصاشي تزيدي تفرشيه فوق العجينة وتعدليه مليح وتقطعي العجينة تاعك بالمول فوق هاديك الصاشي باه تخرج الحبة بومبي ماشي كي حبة الصابلي زواياها حادة اتمنى من المبدعات اللي يدخلوا لهاد الموضوع يساعدوني ويبحثو عن صورالمخبز تاع خبيرات الحلويات وصورمخبزالمبتدئات كي حالتنا ويحطوهم باه تشوفوا الفرق وربي يوفقنا جميعا

ام البنتين · 2013-01-09, 09:02

البخل ماشي مليح و النية مليحة و اللى يعمل بنية صافية ربي يسرو اعمالوا شكرا اختي على العفسة انا شخصيا ساعمل بها

nousa 06 · 2013-01-09, 09:20

اسعدني مرورك اختي بارك الله فيك

موج و صخر · 2013-01-09, 09:28

بارك الله فيك
مع اني ما فهمتش العفسة

kakinova · 2013-01-09, 09:35

و الله صح بااارك الله فيك هاد العفسة أول مرة نتوله ليها

و ادو صور جبتهم من النت و خيرتهم بلا اسامي باش صاحباتهم ما يزعفوش

هادو متقونين باينين نتاع محترفين

و هادا

nousa 06 · 2013-01-09, 10:09

وفيكم بارك الله يا البنات ونقول للاخت اللي ما فهمتش الشرح تاعي انها تشوف مليح الصور اللي حطتهم الاخت kakinovaوراهي مشكورة على هاد المجهود وان شاء الله تكون وصلتلك الفكرة واذا مافهمتيش قوليلي واش مافهمتيش وانا نحاول نشلرحلك اكثر

oum ali khalifa · 2013-01-09, 10:11

كملى خيرك وشرحينا با الصورة ان رنى مفهمتش مليح مشكورة وجزاكى الله خيررررررررررررررررررررررررررر

nousa 06 · 2013-01-09, 10:28

اسمحيلي اختي راه رصيد المشاركات تاعي لحد الان مايسمحليش باه نحط صور مع اني مانعرفش اصلا بصح هذا ماشي مشكل نتعلمها في خاطركم اصبرو عليا شوي برك

أم ماجد · 2013-01-09, 10:34

كملي خيرك ووضحي بالصور

barka61 · 2013-01-09, 10:57

انا فهمت مليح حليتيلي لغز ربي يحفضك ويخليك وزيدو نا من اسراركم شكراا والف شكر اختى

بريق الامل& · 2013-01-09, 11:02

جزاك الله خيرا زيدينا كاشما تعرفي غفايس اخرين
نحن في الانتظار

nousa 06 · 2013-01-09, 11:14

ويحفظك اختي وبارك الله فيكن وماشي خسارة فيكم اللي تعلمتو واللي راح نتعلمو كامل راح نحطولكم تستاهلو كل خير

noha_ali31 · 2013-01-09, 11:58

بارك الله فيك وكان تحطيلنا المقادير والخطوات انا عمري ماخدمتو وحابة نخدموا في ختان ولدي ديري مزية وكان قبل المولد

ام ساجد · 2013-01-09, 12:10

جزاك الله خيرا اختي شكرا لك
في انتظار المزيد من العفايس هههه

hamza1985 · 2013-01-09, 14:05

ربي اجازيك ندعيلك غير بالجنة راني سهام دوسة