فن الحلويات """بانامل حرائر الجزائر""",,,"قاطوا رولي محشي بالنيسلي",,, سموا بالله و تفضلوا

حمدا لله كثير · 2013-03-21, 13:34

السلام عليكم يااهل الدار

و بعد الصلات و السلام علي سيدنا محمد صلي الله عليه و سلم نبدا علي بركة الله

فن الحلويات بانامل حراير الجزائر نحن في قسم الكروشي عندنا دوما ورشات لحرائر الجزائر باه نتعاونوا و نشطاروا و نبركاو تفنيين " اضربوا طلة كي تحتاجوا كاش صدر ولا اي جات درك الصيف"

و انا قلت حتي هنايا تولي عندنا فن الحلويات بانامل حراير الجزائر " تسمي ماشي حراير خايبات الجزائر في الطبخ

ههههه"

و هنا اليوم كاين فن الحلويات باناملي و اكيد بعد ماخلصت الدراسة هاد العام بدات

اكم علابالكم

نتعلم مانيش مانعرفش خلاص نطيب شوية انا طفلة برك في الدار و القاطوات ديما في العيد انا لي نديرهم

بصح دوما انا ناقصة بالنسبة الي امهات المنتدي او الي حرائر الجزائر

" ام كوتر ام رامي انا امهم فوداغت و مقدسية و بزاف مايزعفوش مني بصح دوما نحب اعمالهم

شكرا ليكم كامل و خاصة ام كوتر و ميمنة الجزائر و الاخت الي عطاتني الوصفة nono-nono

كنت منذ مدة عجبني قاطوا كليتوا و حطيت موضوع و بعد التحلييل و الدراسة العميقة للقاطوا من طرفي و من طرف جميع الاحباب الي فادوني

و نصحوني و حتي الي فاتوا عليا برك نقولهم شكرا لكم

هاهوا الرابط الدراسة الي تحب تراجع الدرس

https://www.djelfa.info/vb/showthread.php?t=1201025

و هاهي صورة القاطو من العرس

جيت اليوم الي الحصة التطبيقية

العجينة
250 غ زبدة لابال

نصف كاس سكر
2 بيضات " عضام حنا نقولولهم "
انا حطيت مغرق صغير خميرة نوارة يكمن الاستغناء عليها

الفرينة

اولا نخدم الزبدة باليد مليح مليح + السكر قلاصي

و نخدمهم مليح حتي يتجانس الخليط + بيضة و نخدمهم مليح + بيضة الاخري و نخلطهم مليح

و نضيف الفرينة " نخلط فيها مغرف صغيرة خميرة " و نخلط حتي نتحصل علي عجينة طرية فقط

" كيما الصابلي مانشيحهاش مليح

نتركها ترتاح 30 دقيقة

تم نحلها بالقنوط " الحلال ههه" 2 ملم و بواسطة موس حاد نقصها مربعات " كيما الصور توضح احسن تابعيها "

طريقة نزع الفاطوا من القوالب باه مايتكسرش

لحد الان كلش او مليح العجينة طابت و جات مليحة بالاكوا تفرحوا او ديما المفاجعات ام جايين

الحشو
نيسلس طايب في الكوكوط و المفاجعة هنايا النيسلي ماجانيش شاد روحوا مليح واععععععع واعععععع واههههههههههه
و كي ضرلابتوا بالروبوا و نحطوا فيهم يسيحلي " و انا كنت رايحة نخلط فيه شوية لوز او كاوكاو كلاوهم و خلاوني نشطح يا الفحلات

امالا وليت خبيت النيسلي علي سعدي و وعدي

اقتباس:

و درت الحشو التالي

2,5 كيسان حليب + 3 مغارف نشاء كبار + 2 مغارف سكر + 2 مغارف كاكاو + 2 مغارف شيكولاطة مبروشة

و حطيتهم علي النار حتي عقدوا مليح مليح باه مايسيحولكش كي تحشي بيهم

و حشيت بيهم القاطوا نتاعي

التزيين شيكولاطة بيضاء و سوداء ندير بيها خطوط فقط " لانوا انا عندي البيضاء اكتر من السوداء "

دوبت الشيكولاطة البيضاء مع شوية حليب و خدمت بيها و السوداء عملت بيها خطوط من فوق فقط

الصور توضح

ان شاء الله يكونوا واضحين الصور للقاطو

ملاحضة و سؤال قولولي الشيكولاطة البيضاء نتاعي لم يعجبني مذاقها " نتاع الكيلوا هاديك الطرف ب 7 الاف بالاك " لاني مالفة نشري السوداء بصح اول مرة نجرب البيضاء و ماهيش مليحة

و انتم اي نوع تشريو من الشيكولاطة البيضاء

يا بنات انا اليوم دقت القاطو """فطرت بيه الصباح او جاء يهبل و بنين حشوة الشيكولاطة ماشي جامدة مليح لهذا اني عدلت الوصفة و زدتلها شوية نشاء ""

و الشيكولاطة البيضاء جات مليحة انا برك كي عدت نخدم فيها كرهتها

و القاطو او جا يدوب في الفم انتضروني المرة الجاية نعاودوا بالنيسلي ان شاء الله

و

هيا ديرولي تقرعيجاتكم و تعليقاتكم و تقييماتكم اني مانزعفش قولو قولو ماعليهش هههه

و في الاخير الحمد لله علي النعمة الي عطاهالنا و لا انسي نترحم علي جدتي الله يسكنها جنتوا و يحفضلي جدي العزيز و يطول في عمروا

و يحفضلكم كامل حبابكم و اولادكم و عايلتكم

و صلي الله و سلم علي سيدنا محمد و عل اله و صحبة اجمعين

بارك الله فيكم

ام ملاك. · 2013-03-21, 13:57

يعطيك الصحة كملينا راني نستنى فيك

ام محمد78 · 2013-03-21, 14:07

ماشاء الله تبارك الرحمن باين يشهي
بانتظارك
وفي ميزان حسناتك

حمدا لله كثير · 2013-03-21, 16:18

اقتباس:

المشاركة الأصلية كتبت بواسطة مونية ك

يعطيك الصحة كملينا راني نستنى فيك

qmvh gmd شكرا لكي اختي

اقتباس:

المشاركة الأصلية كتبت بواسطة boughzoul

ماشاء الله تبارك الرحمن باين يشهي
بانتظارك
وفي ميزان حسناتك

هو نتاع يشهي يشهي الي كبيتوا في العرس بصح نتاعي الله اعلم كيفاه ييجي

جاري اضافة الصور

حمدا لله كثير · 2013-03-21, 17:02

تم اضافة جرء و مازال باقي الصور

SARAOMRI · 2013-03-21, 17:06

يعطيك الصحة

أنا أمهم · 2013-03-21, 17:08

في انتظار نجاح الوصفة هههههههه, حاولي تلاقي حل للحشو, ربي يكون في عونك

عجبني((((((((( ذكر الله )))))))) في موضوعك, إن شاء الله ربي يؤجرنا و يؤجرك. ربي يجازيك كل خير.

أم ياسين الزهراء · 2013-03-21, 17:15

واوووووووووو راهو هايل كملي وربي يوفقك

البنت الجلفاوية · 2013-03-21, 17:20

يعطيك الصحة .................بارك الله فيك

أنا أمهم · 2013-03-21, 17:31

تفكرت حاجة ههههههه رجعتلك : صارتلي مرة كنت نستعمل في نستلي و جا جاري , حطيته في (حمام مائي) و أضفتله حبات حلوى كابريس و بقيت نخلط حتى صار ثقييييييييييييل و استعملته.... قلت يمكن تنفعك المعلومة هذه

حمدا لله كثير · 2013-03-21, 17:34

اقتباس:

المشاركة الأصلية كتبت بواسطة saraomri

يعطيك الصحة

شكرا اختاه

اقتباس:

المشاركة الأصلية كتبت بواسطة أنا أمهم

في انتظار نجاح الوصفة هههههههه, حاولي تلاقي حل للحشو, ربي يكون في عونك
شكرا اختي فرحت بيكي في داري

شرفتيني انتي و النبات كامل

اني لقيت حل للحشو و حشيتوا و كملت و قلاسيتوا

عجبني((((((((( ذكر الله )))))))) في موضوعك, إن شاء الله ربي يؤجرنا و يؤجرك. ربي يجازيك كل خير.

شكرا لكي والفت ديما في مواضيعي نربح فيكم الاجر ليا و ليكم و لكل المومنين

و ربي يجازيكي علي قدر عطائك و ووصفاتك شكرا لكي

اقتباس:

المشاركة الأصلية كتبت بواسطة أم ياسين الزهراء

واوووووووووو راهو هايل كملي وربي يوفقك

اني كملتوا درك نحطلكم اخر جزء شكرا اختي

اقتباس:

المشاركة الأصلية كتبت بواسطة البنت الجلفاوية

يعطيك الصحة .................بارك الله فيك

و فيكي بركة شكرا لكن يا احبتي

مونيا غنية · 2013-03-21, 17:47

444444444444444444444444444444444444444444

طير الرحمة · 2013-03-21, 18:01

بارك الله فيك الموضوووع شامل وكامل متكامل فعلا اسم الموضوع قاطووووووووحراير الجزائر وانت حرة احرار الجزاااااءر ربي يحفظك

حمدا لله كثير · 2013-03-21, 18:04

اقتباس:

المشاركة الأصلية كتبت بواسطة أنا أمهم

تفكرت حاجة ههههههه رجعتلك : صارتلي مرة كنت نستعمل في نستلي و جا جاري , حطيته في (حمام مائي) و أضفتله حبات حلوى كابريس و بقيت نخلط حتى صار ثقييييييييييييل و استعملته.... قلت يمكن تنفعك المعلومة هذه

شكرا جزيلا اختاه و الله كفيتي و وفيتي ان شاء الله الا استعملتو مرة اخري ندير هكدا

اني خبيتوا لمرة اخري

بارك الله فيكي و حفض لكي احبتكي شكرا

و الا حتجتي كاش حاجة في الكروشي اني هنا ههههههه

سعاذ · 2013-03-21, 18:11

الله يعطيك العافية
يسخف