ونعمة الرجال .......................

[knives55]

سلام عليكم

وكيما قالت أخت مريم نغيروا شويا الجوى

وراح نهدر على موضوع طريف وفي نفس الوقت غريب

لهو على الخوف

الخوف من قضاء اليل وحيدا
******************************


قبل يومين عيطلي صاحبي قالي أرواح تبات راه جارنا راح وخلالي دار به نعسها

من زهروا حتا أنا دار راحوا يعيدوا على لحباب بقيت وحدي

أيا قتلوا راني وحدي في دار منقدرش نجي

هههههه

قالي شوف واحد يباتلك في دار وارواح بات معيا قمة تخمام

قتلوا بات وحدك قالي نكره وتجني صامطة

وعياء حلل فيا يخيوا قتلوا بات وحدك

حتي قالي والله غير نخاف سيد في عمروا 24 سنة

قالي والله غير نخاف نبات وحدي

ايا هذ راجل هذ

المشكل موش هنا عندي زوج وحدوخرين نفس المشكل

يخافوا يباتوا وحدهم

أما كاين واحد هذ قال لدراري صغار ريحوا

أقسم بالله غير يبات وضوء شاعل

قد البقرة وقالهلي أيه نخاف ومن مستحيلات 10 يبات وحدوا ولا ضوء طافي

بصح واحد اليوم مكرة فيهم

كنا سهرين أيا قتلهم انتوما متخفوش من أفلام رعب جبتلهم فيلم دواء

عادي تفرجنا مخفوش بصح كي طفاء تلفزيون واحد مارقد

لصباح وهوما نايظين

يرحم بابكم هذوم رجال والحد فيهم قد .....

حبيت نعرف سبب لخليهم يخافوا

زعما كاين هنا لخاف كيفهم؟

أليكم خط

[كاميلا]

انا صراتلي في العطلة الصيفية في جيجل ماكانتش عطلة يعني ديتها بمرضة تاع الصح زكام امالا احنا كي نصيفوا نصيفو مع خالتي الناس كامل خرجوا وانا لم استطع الخروج درت روحي واش نقولك فحلة قالولي وحد ساعتين ونجيو وحبوا يخليو معايا محبيتش قتلهم وعلاش راني صغيرة اني ديما نحكم الدار امالا خرجوا كامل وبقيت انا وحدي في المنزل اللي كريناه فيه 2 طابقين والشيء زعما اللي طمني انه الجارة اللي فوقنا سلفية وراجلها سلفي هههه مي هوما راحوا ديماراو وابدا الخوف هههه شعلت التلفاز شعلت الاضواء درت فيها كيما فيلم كيفين maman jai raté lavion ههههه عدات ربع ساعة وليت نستخايل في مشية في الكولوار ولات 22.45 يعني عدات ربع ساعة
ا يما وندمت كي مرحتش ومخلت حتى واحد يبقى معايا كنت غير انا وولد ولد خالتي الصغير وكان راقد شوية هكد ولات 23 سا لقيت جرس الباب اواه بدا فيلم الاكشن قلبي يخبط رغم اننا في وسط المدينة والناس كامل فاطنة وزيد ورا العيد الناس كامل راحت للبحر شوية هاه نلقى التيليفون يصوني اسمعي حلي الباب اني معنديش لكريدي اني نعيط من الطاكسيفون ههههههه فجعت صح من الخوف معرفتش صوت اخي ولا دومي تور للدار في هاديك اللحظة ولاتي الروح احمدك يا رب

الشيء اللي خوفني اني في ولاية غير ولايتي وزيد رغم ان اصحاب المنزل نعرفوهم مي الخوف يولي يصورلك كل شيء ههههههههههه

[مريم الصابرة]

السلام عليكم خويا
ههههههههه ضحكتني ياخا راجل ما يباتش وحدو والله العظيم المرة اللي فاتت مرضت امي دخلت للسبيطار وختي المتزوجة ماكانتش هنا كانت فالشرق ضيفة وفالسبيطار ما خلاونيش نبات مع يمى بت وحدي وعادي جدا قفلت الباب شويا رهبة برك قريت القرآن ودخلت المنتدى شويا ومن بعد حكيت مع يمى ومن بعد نضت صليت فالليل بقيت شعال نصلي حتى نعست ودخلت رقدت وعادي جدا ولما كانت يمى تخدم تروح الصباح على 4 ونصف وتخليني راقدة وتخلي الباب مفتوح ما تنوضنيش وعادي جدا ربي هو الستار ما نخافش عادي جدا والله وعلاه ما رحتش بت معاه مسكين غاضني هههههههههههه .

[soha1987]

ههههههههههههههههه هادو رجال ياخاه نسا خيرمنهم هههههههههههه
انا خوافة بزاف نخاف نبات وحدي انا كون نقعد وحدي فالدار يروحو يلقاوني ميتة بالخوف اواه انا هادي مانقدرلهاش
وهاد الرجال باين عليهم خوافين بزاف وهادا راجع لتربيتهم فالصغر يعني ترباو تربية الدلال ومامش تاع مسؤلية
تقبلو مروري
شكرا على الموضوع

[knives55]

المشاركة الأصلية كتبت بواسطة كاميلا

انا صراتلي في العطلة الصيفية في جيجل ماكانتش عطلة يعني ديتها بمرضة تاع الصح زكام امالا احنا كي نصيفوا نصيفو مع خالتي الناس كامل خرجوا وانا لم استطع الخروج درت روحي واش نقولك فحلة قالولي وحد ساعتين ونجيو وحبوا يخليو معايا محبيتش قتلهم وعلاش راني صغيرة اني ديما نحكم الدار امالا خرجوا كامل وبقيت انا وحدي في المنزل اللي كريناه فيه 2 طابقين والشيء زعما اللي طمني انه الجارة اللي فوقنا سلفية وراجلها سلفي هههه مي هوما راحوا ديماراو وابدا الخوف هههه شعلت التلفاز شعلت الاضواء درت فيها كيما فيلم كيفين maman jai raté lavion ههههه عدات ربع ساعة وليت نستخايل في مشية في الكولوار ولات 22.45 يعني عدات ربع ساعة
ا يما وندمت كي مرحتش ومخلت حتى واحد يبقى معايا كنت غير انا وولد ولد خالتي الصغير وكان راقد شوية هكد ولات 23 سا لقيت جرس الباب اواه بدا فيلم الاكشن قلبي يخبط رغم اننا في وسط المدينة والناس كامل فاطنة وزيد ورا العيد الناس كامل راحت للبحر شوية هاه نلقى التيليفون يصوني اسمعي حلي الباب اني معنديش لكريدي اني نعيط من الطاكسيفون ههههههه فجعت صح من الخوف معرفتش صوت اخي ولا دومي تور للدار في هاديك اللحظة ولاتي الروح احمدك يا رب

الشيء اللي خوفني اني في ولاية غير ولايتي وزيد رغم ان اصحاب المنزل نعرفوهم مي الخوف يولي يصورلك كل شيء ههههههههههه

هههههه

لفهامة زايدة أديها درس

[knives55]

المشاركة الأصلية كتبت بواسطة soha1987

ههههههههههههههههه هادو رجال ياخاه نسا خيرمنهم هههههههههههه
انا خوافة بزاف نخاف نبات وحدي انا كون نقعد وحدي فالدار يروحو يلقاوني ميتة بالخوف اواه انا هادي مانقدرلهاش
وهاد الرجال باين عليهم خوافين بزاف وهادا راجع لتربيتهم فالصغر يعني ترباو تربية الدلال ومامش تاع مسؤلية
تقبلو مروري
شكرا على الموضوع

هههههه

والله غير حيروني

أنا في صغري كنت نخاف نخرج للحوش في ليل الى ومعيا يما

وهني ضرك منخافش


ممكن دلال والله أعلم شكرا

[knives55]

المشاركة الأصلية كتبت بواسطة مريم الصابرة

السلام عليكم خويا
ههههههههه ضحكتني ياخا راجل ما يباتش وحدو والله العظيم المرة اللي فاتت مرضت امي دخلت للسبيطار وختي المتزوجة ماكانتش هنا كانت فالشرق ضيفة وفالسبيطار ما خلاونيش نبات مع يمى بت وحدي وعادي جدا قفلت الباب شويا رهبة برك قريت القرآن ودخلت المنتدى شويا ومن بعد حكيت مع يمى ومن بعد نضت صليت فالليل بقيت شعال نصلي حتى نعست ودخلت رقدت وعادي جدا ولما كانت يمى تخدم تروح الصباح على 4 ونصف وتخليني راقدة وتخلي الباب مفتوح ما تنوضنيش وعادي جدا ربي هو الستار ما نخافش عادي جدا والله وعلاه ما رحتش بت معاه مسكين غاضني هههههههههههه .

شويا رهبة برك

لا لا قولي خفت وخلاص هههه

شكرا

[knives55]

المشاركة الأصلية كتبت بواسطة aihemsara

هههههههههههههههه ما قدرتش نحبس من الضحك.. اسلوب قاسي شوية
ما تعجبتش بزاف من الموضوع لانو كاين راجل من عايلتنا يخاف يبات وحدو خوووووصا اذا سمع بواحد مات
و هذا موش عيب ! و موش مقياس تاع رجولة ! عادي كل واحد واش خلق فيه ربي
و يمكن خوفهم هادا موراه حكاية! يمكن صراتلهم حاجة في الصغر اثرت عليهم نفسيا (و هذه حال الرجل من عايلتنا)
و الخوف هادا اكيييد يسببلهم احراج كبييييير قدام صحابهم ولا حتى قدام نساهم,, ربي يعينهم
بالاك تخمامي انا معوج لانو كلشي عندي عادي,,,, وو الله المستعان كيما يقول الواثق

لا لا مقياس رجولة رجل بقلبوا

وقلتهالهم كي تزوجوا كيفاه ريحين تجبيوا خوفكم على نساكم وخاصة صحيب لمطفيش الضوء

شكرا

[knives55]

المشاركة الأصلية كتبت بواسطة هدى الجيجلية

ههههههههههههههههههه
من المفروض احنا
لبنات إلي
انخافو
مش الرجال
يعني كيعادو الرجال ايخافو
واش خلاو لبنات
والله ما اقدر لعقل
اديالي يتصورها
انه كاين ارجال ايخافو
من الظلمة
وكيفاه انقلو
على ليكيخدمو
في المنقبرة
ربي يسترنا

يعطيك الصحة اعلى هذا
الموضوع الشيق

أنعم يلزم أنتوما لبنات لتخافوا

بصح كي عادوا هوما يخفوا خلولكم رجل أدوها انتوما هههه

شكرا على مرور

[knives55]

المشاركة الأصلية كتبت بواسطة sousou. Dz

ههههههههههههههههههههههههههه والله ياهدي قاتلهم اسكتو نقولك الصراحة هداوم ماشي رجال هادوم انانيش يععع

نوغمالمو لبنات يخافو ماشي رجال وفي عمارهم 24 لا اسمحلي

ارجو تقبل مروري سلام

المشكل راهم مهوش نانيش كان جوا انانيش مندرهومش صحابي

راه لواحد بموستاشوا

هههههه

[knives55]

يعني حتي تفسير ما قدرة نلقاه

أنا نريح وحدي بشهر عادي جدا

طيب وحدي نغسل وحدي نسيق وحدي

ونزيد نتفرج حتي أفلام رعب المرعب وعادي نرقد كي طفل الصغير

ههههههه

يما متخافش عليا

لبنات عادي خوف عندهم أما راجل خوف بدون مبرر لا أسمحولي مشي رجال

بصح هذ الناس يطلعولي مرال

نحس روحي غير أنا راجل بينهم ههه

شكرا على مرور الكريم في نتظار ردور من الرجال

[شيء من رجاء !]

لو تنطبق السماء على الأرض لا أنام في غرفة وحدي ، ولا أنام إن بقيت في البيت وحدي .. نسهر وحدي لا مشكلة أما النوم

[الواثق]

تذكرت صديقا ذهب للاقامة الجامعة في العطلة قبل بداية الاستدراك وعندما وصل لغرفته وجد ان الغرفة المقابلة مؤهولة وتصدر منها ضجة هذا عادي لما اراد النوم في الليل شغل اصحاب الغرفة الموسيقى بشكل عال فذهب اليهم فخرج له احدهم وطلب منهم ان ينقصو من الصوت ففعلو ذلك ولكن بعد مدة رجعو الى تلك الفوضة فهو مل ونام وفي الصباح ذهب للامن الداخلي وطلب منهم ان يتدخلو لوقف الازعاج فضحكو عليه وقالو له لايوجد احد في الحي الجامعي الا انت فذهب معهم للغرفة المقصودة وفتحوها فوجدوها خالية من كل شيء وعليها الغبار وواضح انها لم تسكن لاشهر ..................هذا الصديق كان يتكلم مع جن ففزع حينها ورفع اغراضه الى البيت واصبح يخاف من الاماكن الفارغة.............................ماذا ستفعل مكانه يابطل ؟؟؟

نزيدك قصة هاذي حدثت في مناورات مجد العسكرية يوم دخل جنود لبيت مهجور ففي الرواق دخل الاول ولم يعد ودخل الثاني ولم يعد الثالث خاف واحس ان هناك امرا مريبا لان زملائه لايردون عليه فتوضأ ودخل فلم يستطع الدخول واحس بالغثيان فخرج وارسل لقائد الوحدة فلما حطمو المنزل وجدو جثثهم مكسرة ومهشمة ......................

[knives55]

المشاركة الأصلية كتبت بواسطة شيء من رجاء !

لو تنطبق السماء على الأرض لا أنام في غرفة وحدي ، ولا أنام إن بقيت في البيت وحدي .. نسهر وحدي لا مشكلة أما النوم

هذ هو الخوف ولا بطل

هههههه


شكرا

[knives55]

المشاركة الأصلية كتبت بواسطة الواثق

تذكرت صديقا ذهب للاقامة الجامعة في العطلة قبل بداية الاستدراك وعندما وصل لغرفته وجد ان الغرفة المقابلة مؤهولة وتصدر منها ضجة هذا عادي لما اراد النوم في الليل شغل اصحاب الغرفة الموسيقى بشكل عال فذهب اليهم فخرج له احدهم وطلب منهم ان ينقصو من الصوت ففعلو ذلك ولكن بعد مدة رجعو الى تلك الفوضة فهو مل ونام وفي الصباح ذهب للامن الداخلي وطلب منهم ان يتدخلو لوقف الازعاج فضحكو عليه وقالو له لايوجد احد في الحي الجامعي الا انت فذهب معهم للغرفة المقصودة وفتحوها فوجدوها خالية من كل شيء وعليها الغبار وواضح انها لم تسكن لاشهر ..................هذا الصديق كان يتكلم مع جن ففزع حينها ورفع اغراضه الى البيت واصبح يخاف من الاماكن الفارغة.............................ماذا ستفعل مكانه يابطل ؟؟؟

هههههههههههههه

وهذي كاين منها ولا زعما تحرق فيا

لوكنت مكانه ..........................أنشاء الله منكوش مكنه

والله أعلم قريت وحد اليوم أن المكان الذي لايسكنه الناس 40 يوم تسكنه الجن

وهذي قاعدة راه في راسي ههههههههه

حتي انا عندي اسلحة هههه


[/quote]

نزيدك قصة هاذي حدثت في مناورات مجد العسكرية يوم دخل جنود لبيت مهجور ففي الرواق دخل الاول ولم يعد ودخل الثاني ولم يعد الثالث خاف واحس ان هناك امرا مريبا لان زملائه لايردون عليه فتوضأ ودخل فلم يستطع الدخول واحس بالغثيان فخرج وارسل لقائد الوحدة فلما حطمو المنزل وجدو جثثهم مكسرة ومهشمة ......................
[/quote]

راك قلت بيت مهجور وأنا في حياتي مانقرب البيوت المحجورة

بصح ماقتليش

تخاف تبات وحدك ولا لا وتحوس تخرجني من الموضوع هههه