الارز الارز الارز رايح يهبلني واعععععععععععع.

كلتومة01 · 2012-09-04, 11:33

لبنات ديرولي حل مع روز،عييت ونا نطبق فلوصفات ماخليت نت ولا حصص ولا كتب.
يجيني معجن ولا مشي بنين ولا ..........المهم فلتالي نرمي نصو.
الله يخليكم ،قولولي كيفاش تطيبوه نتوما وبلتفصيل،باغياتو كيما نتاع لخليج حبة حبة اممممممممممممممم.

كلتومة01 · 2012-09-04, 12:09

ايا متزيدوش طيحولي لمورال .ردو ولو بدعاء

amira girl007 · 2012-09-08, 21:36

اقتباس:

المشاركة الأصلية كتبت بواسطة كلتومة01

ايا متزيدوش طيحولي لمورال .ردو ولو بدعاء

هاني جيت نطلعلك المورال وباش يجيك فارك كيما نقولو كل حبة وحدها انا ندير زوج طيسان اينوكس حجم عائلي يعني المهم زوج طيسان اينوكس ماء خليه يغلي فوق النار حطيه في كوكوط
وزيدي الملح وتاني كاس نتاع تاي زيت خليه حتى يعود يغلي ثم ضفي طاس اينوكس نفسو نتاع روز لازم يعود مفور واقفلي عليه الكوكوط حتى يطيب انا دائما نستعملو روعة وانت تقدري تعيري باكاس لازم كاس روز بزوج كيسان ماء

قابضة على الجمر · 2012-09-04, 12:18

الارز فوريه 2 مرات و من بعد ديريلو الزبدة و كي تلوحية في المرقة ماتزيديش تطيبيه لشتا ما طابش لوحيه في مرقة سخونة و اقفلي عليه و ماتحليش مدة من بعد تلقايه شرب المرقة و طاب في السخانة تعها و جا كل كعبة وحدها و اذا بغيتي يزيد يجيك بنين لوحيه يتحمر شوية فالفور

كلتومة01 · 2012-09-04, 12:25

اقتباس:

المشاركة الأصلية كتبت بواسطة * مروة *

الارز فوريه 2 مرات و من بعد ديريلو الزبدة و كي تلوحية في المرقة ماتزيديش تطيبيه لشتا ما طابش لوحيه في مرقة سخونة و اقفلي عليه و ماتحليش مدة من بعد تلقايه شرب المرقة و طاب في السخانة تعها و جا كل كعبة وحدها و اذا بغيتي يزيد يجيك بنين لوحيه يتحمر شوية فالفور

بشوية عليا مروه يعني تفوريه بلاما تطبخيه ولا كيفاه واش معناتها تلوحيه يعني ترميه ؟

قابضة على الجمر · 2012-09-04, 12:20

نتمنى نكون افدتك

موسى2207 · 2012-09-04, 13:43

انا نظن نوعية الارز عندها دور كبير في نجاح الوصفة

موسى2207 · 2012-09-04, 13:46

مروة كي تفوريه ترشيه بالماء ولا تخليه وتعاودي تفوريه

بسمة تحدي · 2012-09-04, 19:03

انا تاني نخاف الروز

wafa.wafa · 2012-09-04, 19:10

شوفي هذا الرابط بلاك يفيدك
https://www.djelfa.info/vb/showthread.php?t=985515

sana04 · 2012-09-04, 19:30

نوعية الارز غيريها انا تاني هكداك درك نروح نشوفلك النوعية لي نطيب بيها يجي هايل نطيبو غير في الماء وتجي حبة بحبة

sana04 · 2012-09-04, 19:44

اسموroz وكاين تاني واحد اخر نسيتو كي تفكرو نقلك واذا حبيتي تاني طيبيه في الماء واذا لصقلك كي يطيب رشيه بماء فاتر
وشوية ملح

كلتومة01 · 2012-09-05, 11:50

اقتباس:

المشاركة الأصلية كتبت بواسطة wafa.wafa

شوفي هذا الرابط بلاك يفيدك
https://www.djelfa.info/vb/showthread.php?t=985515

اقتباس:

المشاركة الأصلية كتبت بواسطة sana04

اسموroz وكاين تاني واحد اخر نسيتو كي تفكرو نقلك واذا حبيتي تاني طيبيه في الماء واذا لصقلك كي يطيب رشيه بماء فاتر
وشوية ملح

مرسي ليكم راني نسييه ونرد ليكم لخبر

مطر تشرين~ · 2012-09-05, 13:02

اشريه مفور

يتباع جاهز مفور في أي محل و لونو شوي شفاف ،،،

الظاهر انك تستعملي في الأبيض العادي

انا ثاني كان لازملي نفورو لساعات باش ما يجيش معجن و يجي كيما تاع الخليج حتان جربت المفور

و المفور اطبخيه على نار هااااااااااااادئة و شوفي الفرق في ظرف 20 دقيقة

جربي و ان شاء الله تنجحي

djamilach · 2012-09-05, 14:39

اناعمرى مافورت الروز الروز انواع والتى تحب الارز مثل الخليج .اغسلي الارز واتركيه يجف بنصف ساعة.واليك هذه الوصفة التي طبختها اليوم نقطع الدجاج او اللحم بصل ، ثوم، فلفل اسود الكمون . نقلي القدر نمرق بالماء نتركه يغلي حتى ينضج اثناء النضج انكون غسلت الارز ويكون انشف ناحذ قدر ثاني نضع فيه الزبدة ونسكب عليها الارز ونقليه جيدا ثم نسكب عليها الصوص دون اللحم يعني للزم يتغطى الارز ننقص النار نتركها خافتة نغطيها ونترك الارز حتى يتشرب الماء كله.بالشفاء والهناء