أيهما تفضل أن يخدمك في ...؟

morad81 · 2012-09-18, 14:49

الكل منا قد إحتك بالإدارة لأي حاجة من الحاجيات التي يفرضها الواقع.

فالإدارة كما نعلم تشكل عائقا كبيرا أمام المواطن ...

لكن تجد الكثير من المترددين على الإدارة يثني كثيرا على النساء العاملات ويقول أنهن يقدمن الخدمة و الإستقبال أحسن بكثير من الموظفين .

-----------------حسب تجربتك وأنت متوجه الى أي ادارة فماذا تفضل أن تجد في المصلحة التي أنت بحاجة اليها ...... موظفة أم موظف.

و أيهما تراه يقدم الخدمة و يقدر ظروف الناس؟

~~♥ المتفائل ♥~~ · 2012-09-18, 14:58

كرجل شرير افضل موضفة لنظر لها و استأنس بها
و كرجل دين افضل موضف لاتجنب الوقوع في زنا العين
اما كرجل عادي ** و هو ما عليه انا الآن ** افضل ان اجد اي
شخص شرط ان يكون نزيه و مخلص في عمله

morad81 · 2012-09-18, 15:02

اقتباس:

المشاركة الأصلية كتبت بواسطة حالة ميئوس منها

كرجل شرير افضل موضفة لنظر لها و استأنس بها
و كرجل دين افضل موضف لاتجنب الوقوع في زنا العين
اما كرجل عادي ** و هو ما عليه انا الآن ** افضل ان اجد اي
شخص شرط ان يكون نزيه و مخلص في عمله

لا لا نقصد أن تجد مرأة متبرجة لتستأنس بها ....قلنا في الخدمة التي أنت بصدد أن تقضيها.

soheib+206 · 2012-09-18, 16:38

موظفة خير عاقلة و ترونكيل خير ماالموظف خاصو

الدخان و لا القهوة تلقاه غير يشارشيلك ههههههههه

كاميلا · 2012-09-18, 16:43

والله متقول انت وزهرك مع عباد الله هادوا ومتقولش المرا خير والراجل خير

karimblida · 2012-09-18, 17:28

دارت العقلية
ولاو يبعثو النساء للادارات يقضو صوالح
انا القاعدة نتاعي .....pas de reclamations لا يهم راجال ام مرا كيف كيف

فتـ حييةـاة · 2012-09-18, 17:34

بصراحة بصراحة بصراحة المرا تهدر مليح مع الراجل والراجل يهدر مليح مع المرا مانكذبوش على رواحنا

خولة لبابة · 2012-09-18, 17:41

نحن في قريتنا غالبا ما نجد امرأة في الادارة.......ذهبت لأعمل وثائق للدخول الجامعي.........لكن لم يعاملني الموظف باحترام......بدا يصرخ و كذا.....لكن قلت له كلمتين و فقط........و صمت......و بعدها جاء رجل آخر............عاملني عكس الأول.......قام بكل الوثائق التي أحتاجها......و استقبلني باحترام......و هنا انظر.....كلاهما رجل لكن مختلفان..........
أما مثلا ...عندما كنت أدرس في الثانوية اذا احتجت الى شيء.....أذهب الى الادارة....و لا يهمني ان كان رجل ام امرأة....المهم يقوم بما احتاجه و فقط..........و الله أعلم في كل الأحوال...........

soso sirin · 2012-09-18, 17:47

واش بيك مع الادارة راهم مهبلينك سوغ .انا نكره الادارات و الصح مانخرج حتا ورقة لانو بابا مسكين يخرجهم لانو نكره التقلاش تاعهم بزاف الا اذا كانت حاجة لازم انا نحضر فيها .الصح مايهمنيش لانو المعاملة المليحة ماتعرف وين تلقاها مرات تلقى نسا ماشاء الله و مرات تلقى رجال ماشاء الله.مي الصح ماشي غير هوما الي يتقلشو انا كي نلقاهم يشنفو عليا نشنف كثر منهم و لهلا خرجت الورقة و لا فريت هذاك الشي لانو الكرسي الي راه مريح فيه ماشي تاع باباه .

مريم الصابرة · 2012-09-18, 17:47

السلام عليكم اخي شكرا على الموضوع نقولك بكل صراحة
فالمستشفى او فالإدارة زهري مع الرجال حسن المعاملة الطيبة والرقة وحتى صدقني بلا اغراض دنيئة لا والله الحق يقال لكن ربي يلاقيني باللي يساعدوني
النسا يا حسراه خويا مراد واش نقولك نظل نحكي وما نكملش ديجا صباح الخير تقولهالك هذا إذا ردت السلام تحسب إنت راح تضربك علاه لأانو مرا كيما هي لو راجل تشوف تبسيمة الله الله والإستقبال وهي تسقسيه واش يحتاج
انا نقول فالخدمة بالنسبة ليا الرجل حتى هنا فالمنتدى الشباب احسن فالرد وحتى نختلفو في امور لكن النسا حاشا اللي ما تستهالهاش وما يزعفوش مني كلهم عزاز عليا راني نقول البعض كاين اللي يا لطيف كلام سم كالأفاعي ربي يبعدهم عليا شكرا اخي بارك الله فيك موضوع مهم شكرا

~~knives55~~ · 2012-09-18, 17:51

المراة احسن من الرجل في امور ادارية المراة تحب اتقان عملها لكن ليس كل نساء في ادارة في بعض الحيان قد تجد مراة تشبة المومياء تتكبر وترفع في صوتها يعني معقة نفسيا

redonne · 2012-09-18, 18:02

المربي من عند ربي كما ان الراي الذي يقول المرا تهدر مليح مع الراجل والراجل يهدر مليح مع المرا فيه الكثير من الصواب مع وجود استثنائات

~~♥ المتفائل ♥~~ · 2012-09-18, 18:55

اقتباس:

المشاركة الأصلية كتبت بواسطة morad81

لا لا نقصد أن تجد مرأة متبرجة لتستأنس بها ....قلنا في الخدمة التي أنت بصدد أن تقضيها.

نعم نعم انا افهم قصدك جيدا و اظن ان ردي وضح و مفصل و مفهوم
حتى و ان كانت محجبة فانها تصلح للنظر و الاستئناس

سعاذ · 2012-09-18, 19:20

السلام عليكم
اخي في الادارة الجزائرية انت و زهرك كي المراة كي الراجل
كاين لي يخدم على حساب المورال و يتعامل مع المواطنين على حساب المورال
و كاين لي يخدم من قلبوا و بضميروا و علابالوا بلي راهوا في هذيك البلاصة
لي يخلص عليها من اجل خدمة المواطنين
و كاين لي يعتبر المواطن عدو ليه و جا باش يقلقوا
دمتم في رعاية الله و حفظه

BAROUD · 2012-09-18, 19:27

بالنسبة ليا نخدم ف ادارة اي واحد نستقبلوا كما يحب المهم يخرج فرحان
اما اللي يستقبلك امليح كما قالوا كل واحد كفاش تربئ و علئ واش ناض