واش رايكم في هذا الزواج

[soso sirin]

ظاهرة الزيارات المتكررة للزوجة لبيت اهلها و بسبب و بدون سبب ظاهرة بدات في التفشي في الاونة الاخيرة و بصورة كبيرة لذلك اردت مناقشة الموضوع من وجهة نظر المراة و الرجل حتى تظهر الصورة بشكل افضل.سيدتي انستي كيف سيكون شعورك و انتي متزوجة مع وقف التنفيذ كل اسبوع تذهبين لبيت والديك و بدون سبب و لا وجود لاي اعتراض من زوجك هل هذا في نظرك ان زوجك يحبك و لا يريد اغضابك هل هذا في نظرك ان زوجك يحبك لدرجة انه يستطيع الاستغناء عنك و في اي وقت و لا يبدي اي ردة فعل او غضب من زياراتك المتكررة لاهلك هل هذا مؤشر على مدى تعلقه بك و انه لا يستطيع ان يرفض لك طلبا ...........و انت سيدي الرجل كيف تواجه هذا الامر و كيف سيكون ردة فعلك هل هو فعلا مؤشر على مدى حبها لك حتى انها لا تستطيع المكوث في بيتك اكثر من اسبوعين تتحجج باسباب واهية من اجل الذهاب لبيت والديها و هل موافقتك على ذهابها انك فعلا تحبها .سؤال تبادر الى ذهني من كثرة ما رايت و ماسمعت انا اعلم ان الانسان اذا احب شيئا و انا اقول شيئا انه يريده دائما معه فما بالكم بشخص و اي شخص هذا فما تفسيركم للظاهرة العجيبة ..........................اليكم الخط لعلي اجد اجابات تقنعني

[dotZero]

المشاركة الأصلية كتبت بواسطة soso sirin

ظاهرة الزيارات المتكررة للزوجة لبيت اهلها و بسبب و بدون سبب ظاهرة بدات في التفشي في الاونة الاخيرة و بصورة كبيرة

أعتقد إن الأمر لم يبلغنا بعد

المشاركة الأصلية كتبت بواسطة soso sirin;10976042[color=black

.و انت سيدي الرجل كيف تواجه هذا الامر و كيف سيكون ردة فعلك هل هو فعلا مؤشر على مدى حبها لك حتى انها لا تستطيع المكوث في بيتك اكثر من اسبوعين تتحجج باسباب واهية من اجل الذهاب لبيت والديها و هل موافقتك على ذهابها انك فعلا تحبها [/color]

ما زاد عن حده انقلب إلى ضده
هذا أمر مرفوض، يعني أنها تولي تزورني مرة أو إثنين في الأسبوع شفقة علي
فمتى تبنى المودة و الرأفة
متى يبنى هذا البيت إن كانت دائما في بيت أهلها
و لا أخفيك، أختي الكريمة، سأبدأ بالشك بأني مجرد (خضرة فوق طعام) و إن الزوجة المصون تستمتع من عشقائها

المشاركة الأصلية كتبت بواسطة soso sirin

سؤال تبادر الى ذهني من كثرة ما رايت و ماسمعت انا اعلم ان الانسان اذا احب شيئا و انا اقول شيئا انه يريده دائما معه فما بالكم بشخص و اي شخص هذا فما تفسيركم للظاهرة العجيبة ..........................اليكم الخط لعلي اجد اجابات تقنعني

لا تفسير
ربي يعافينا

[mohamed160]

سلام عليكم الاخت انا معندى منع باه نمنع الزوجه انتعى باه اتروح لاولديها والتفهم وهو الاهم بين الزوجين لزام الزوجة ما تكثرى عليها بزاف ما تروح تخلى زوجها واحدوا ديمنا هههههههههههههه معليش كى نتزوج نخليها انروح ديمنا

[sarl02]

والله تفشت كثيرا هده الظاهرة ...والمسؤول الوحيد هو الزوج هو الدي عليه كبح رغبات زوجته اللامتناهية والمشكل هو وجود بعض الازواج هو من يشجعها على زيارة اهلها وبصفة دورية ....لغاية في نفس يعقوب والله اعلم ...المهم انروحو وانجو كل شيء راجع لشخصية الزوج ورب الاسرة.

[لؤلؤة الفردوس]

هي في الحقيقة ظاهرة عادية و بتجربة شخصية عن نفسي أزور كل يوم أهلي و خطرات مانلقاهمش في الدار نفتح الباب و نقعد في دارنا خاطرش أمي ثاني تروح عند أهلها كل يوم هههه
لذلك هي ظاهرة عادية و متقبلها الزوج

ممكن متقبلها لأن المسافة بين بيتي و بيتنا ليست كثيرة

[soso sirin]

المشاركة الأصلية كتبت بواسطة dotzero

أعتقد إن الأمر لم يبلغنا بعد

ايا حاجة مليحة لانو ناس بزاف راهم يشتكو منها

ما زاد عن حده انقلب إلى ضده
هذا أمر مرفوض، يعني أنها تولي تزورني مرة أو إثنين في الأسبوع شفقة علي
فمتى تبنى المودة و الرأفة
متى يبنى هذا البيت إن كانت دائما في بيت أهلها
و لا أخفيك، أختي الكريمة، سأبدأ بالشك بأني مجرد (خضرة فوق طعام) و إن الزوجة المصون تستمتع من عشقائها

اوحجي واش وصلنا لهاذا التخمام لالا مي كاين شي نسا ماعلاباليش كيفاش يشوفو الزواج هي الصح مانكذبوش الطفلة تجيها صعيب الحال باش توالف دار راجلها مي مع ليام راح توالف مي اذا ولات دايا الطريق و جايبتها لدارهم ماضنيتش رايحة توالف اصلا .هاذا الي قلتو هو الي بغيت نوصل ليه اذا هي ولات دايمن في دار والديها كيفاش راح توالفو و توالف طبايعو هكا راح تتقلق منو كثر سوغتو اذا لقاتو هو مايقلهاش كامل لالا و زاد اذا انت شكيت فيها نوغمالمو الطفلة تاني راح تشك انا وحدا من الناس الراجل الي نقولو راني رايحة لدارنا مايقوليش كامل لالا امالا هاذي فيها ان و اخواتها و لا السيد ماراهش اصلا باغيني و باغي يتهنى مني و جاتو على النيشان



لا تفسير
ربي يعافينا

اللهم امين يا رب العالمين

[soso sirin]

المشاركة الأصلية كتبت بواسطة mohamed160

سلام عليكم الاخت انا معندى منع باه نمنع الزوجه انتعى باه اتروح لاولديها والتفهم وهو الاهم بين الزوجين لزام الزوجة ما تكثرى عليها بزاف ما تروح تخلى زوجها واحدوا ديمنا هههههههههههههه معليش كى نتزوج نخليها انروح ديمنا

و عليكم السلام خويا هي الراجل ماعندوش الحق باه يمنع مرتو انو تزور ماليها مي تاني باه كل يوم تولي في دار ماليها شوية بزاف معنتها شوية من عندو و شوية منعندها مي باه تولي غير يضرها راسها شوية انوغمال و زاد كانت تبغي ماليها تريح عندهم خير انا مانيش نهدر هكا معنتها كون نتزوج مانروحش لدارنا مي شوية شوية المناسبات السعيدة على المناسبات التعيسة على مرات توحشتهم مي باه كل وقت شوية تسماط الحالة و الوحدا اصلا ماتحسش روحها تزوجت.ايا مليح امالا هكا ماتديهاش بعيدة على داركم بزاف هكا باه ماتتغبنش كي تولي رايح تديها لدارهم ههههههه

[mohamed160]

المشاركة الأصلية كتبت بواسطة soso sirin

و عليكم السلام خويا هي الراجل ماعندوش الحق باه يمنع مرتو انو تزور ماليها مي تاني باه كل يوم تولي في دار ماليها شوية بزاف معنتها شوية من عندو و شوية منعندها مي باه تولي غير يضرها راسها شوية انوغمال و زاد كانت تبغي ماليها تريح عندهم خير انا مانيش نهدر هكا معنتها كون نتزوج مانروحش لدارنا مي شوية شوية المناسبات السعيدة على المناسبات التعيسة على مرات توحشتهم مي باه كل وقت شوية تسماط الحالة و الوحدا اصلا ماتحسش روحها تزوجت.ايا مليح امالا هكا ماتديهاش بعيدة على داركم بزاف هكا باه ماتتغبنش كي تولي رايح تديها لدارهم ههههههه

سلام عليكم صح الاخت عندك الحق وصح رمضانك

[ترنيمة الأمل]

ممممممم ظاهرة ليست عادية ..

وماكانش عندنا في أسرتنا والحمد لله


أصلا مايكفيش واش عاشت في بيت أهلها قبل الزواج


تزيد تاني تظل باركة عندهم بعدما تتزوج

يا أختي

حنا اهلنا لا يرضون أصلا هذا ..

يعني تزوجتي اقعدي في دارك ..

وهذا لا يعني المنع البات من الزيارة ..

الواحد كي يتوحش برك وتاني المناسبات والأعياد ,,

صلة الرحم مليحة وصى عليها ربي والنبي عليه الصلاة والسلام

المهم كي توصلنا هاذ العادة < وان شاء الله قع ماتوصلش > راني نقولك .. هههه


بورك فيك خيتوووو

استناي نجاوب على الأسئلة ..

سيدتي انستي كيف سيكون شعورك و انتي متزوجة مع وقف التنفيذ كل اسبوع تذهبين لبيت والديك و بدون سبب و لا وجود لاي اعتراض من زوجك هل هذا في نظرك ان زوجك يحبك و لا يريد اغضابك هل هذا في نظرك ان زوجك يحبك لدرجة انه يستطيع الاستغناء عنك و في اي وقت و لا يبدي اي ردة فعل او غضب من زياراتك المتكررة لاهلك هل هذا مؤشر على مدى تعلقه بك و انه لا يستطيع ان يرفض لك طلبا ..........

تبانلي الزوج الي يكره من زوجتوووو يبعثها في كل وقت لدار اهلها ههه

أما الي يحبها صح المباتة ما يخليهاش تبات عندهم وانا أفضل هاذا النوع ههههه

[soso sirin]

المشاركة الأصلية كتبت بواسطة لؤلؤة الفردوس

هي في الحقيقة ظاهرة عادية و بتجربة شخصية عن نفسي أزور كل يوم أهلي و خطرات مانلقاهمش في الدار نفتح الباب و نقعد في دارنا خاطرش أمي ثاني تروح عند أهلها كل يوم هههه
لذلك هي ظاهرة عادية و متقبلها الزوج

ممكن متقبلها لأن المسافة بين بيتي و بيتنا ليست كثيرة

اه يا خولة راجلك ناس ملاح كاش نهار يديرلك عقاب يقلك ماتروحيش ليهم مدة عام راكي شفتيهم بزاف عليك ههههههههه.راني نتمسخر برك.شوفي ياخولة مليح انك رديتي عليا هكا باه نسقسيك وحد الحاجة كي كل يوم تروحي لداركم واش تحسي معنتها تحسي بلي كاين فرق بين كي كنتي متزوجة و كي راكي عازبة و مرواحك لداركم معنتها كي ماتلقاي ماديري تروحي ليهم و لا حتا يحتاجوك و مرواحك لداركم انتي ماراهش ماثر على حياتك مع راجلك معنتها ماراهش دايرلك مشكل و لا مرات يتقلق منك .و انتي ماراكيش تباتي تروحي وقت مايكونش في الدار مادام تسكنو قراب مي ولي تسكن بعيد و تروح تبات و تخليه هو في الدار و الي تسكن خارج الولاية و تخرجو من رحمة ربي باسطوانة ديني لدارنا ديني لدارنا و التشناف و هوما هادرين منقبل انو الحال بعيد و هو مايقدرش يديها و مانهدروش على حالات توصل للطلاق علاجال اديني لدارنا و هي عندها يا ربي ملي جات منعندهم و كي يقلها لالا تجبدلو بنات العايلة كامل وقتاش يروحو و قتاش يجو .نقلك حاجة خولة انا اختي نهار تزوجت قالها نخليك تروحي لداركم كل شهر و لا شهر و نص و تباتي يومين و لا 3 و ترجعي كي ولات تجي عندنا هكا وحد النهار قتلها احوجينا خلينا نتوحشوك يا بنتي راني حاساتك ماخرجتيش كامل من الدار قاتلي غدوة كي تتزوجي و تشوفي .خولة اذا مابغيتيش تردي على واش سقسيتك معليش ماهيش اسئلة اجبارية .صح فطورك

[soso sirin]

المشاركة الأصلية كتبت بواسطة sarl02

والله تفشت كثيرا هده الظاهرة ...والمسؤول الوحيد هو الزوج هو الدي عليه كبح رغبات زوجته اللامتناهية والمشكل هو وجود بعض الازواج هو من يشجعها على زيارة اهلها وبصفة دورية ....لغاية في نفس يعقوب والله اعلم ...المهم انروحو وانجو كل شيء راجع لشخصية الزوج ورب الاسرة.

شفت كيفاه هي الصح الوحدا منا تموت على دارهم و تعز عليها بعد ماتتزوج مي شوية.و انا الصح يخلعوني الرجال الي هوما يقولو لنساهم ايا تروحو لدياركم انا كون جيت في بلاصتهم نحس بلي كاين حاجة السيد الي مريح حتا يقولي ايا تروحي لداركم علاه شتكيتلو انا مانيش نهدر على شي رجال الي الصح يدي مرتو و هاذي نقطة تتحسبلو لانو مرات الزوجة تكره باه دايمن دوموندي منو المرواح و تفرح كون هو الي يقلها مي باه كل مايضرو راسو يقولي روحي لداركم هنا كاين حاجة ماشي نيشان .و هي الصح مكانش كيما الي صح يتفاهمو على الوقت الي تكون فيه الزيارات معنتها المراة ماتكون سامطة و الراجل ماشي يعرف غير كلمة لالا

[عُضو مُحترم]

تروح مرة في الشهر

تبات ليلة و ترجع

لا اكثر و لا أقل

[ترنيمة الأمل]

تروح مرة في الشهر

تبات ليلة و ترجع

لا اكثر و لا أقل

ههه والله غير راك وازنهـــــــــــا

وراك مخططلها حتى قبل ما تجي

ربي يسهللك خيو محترم

[soso sirin]

المشاركة الأصلية كتبت بواسطة ترنيمة الأمل

ممممممم ظاهرة ليست عادية ..

وماكانش عندنا في أسرتنا والحمد لله


أصلا مايكفيش واش عاشت في بيت أهلها قبل الزواج


تزيد تاني تظل باركة عندهم بعدما تتزوج

يا أختي

حنا اهلنا لا يرضون أصلا هذا ..

يعني تزوجتي اقعدي في دارك ..

وهذا لا يعني المنع البات من الزيارة ..

الواحد كي يتوحش برك وتاني المناسبات والأعياد ,,

صلة الرحم مليحة وصى عليها ربي والنبي عليه الصلاة والسلام

المهم كي توصلنا هاذ العادة < وان شاء الله قع ماتوصلش > راني نقولك .. هههه

اواه معنتها هاذي الظاهرة راهي غير عندنا برك .هي كيما قلتي صلة الرحم مليحة مي ماشي صلة الرحم السامطة الي تحسي فيها الطفلة تزوجت مي مازالها عايشة عند ماليها
بورك فيك خيتوووو
ربي يبارك فيك اختي و يحفظك
استناي نجاوب على الأسئلة ..

جاوبي يا لالة و على واش بغيتي


تبانلي الزوج الي يكره من زوجتوووو يبعثها في كل وقت لدار اهلها ههه

أما الي يحبها صح المباتة ما يخليهاش تبات عندهم وانا أفضل هاذا النوع ههههه

نيشان تفكير منطقي و نتيجة هايلة مي ماشي دايمن مايخلينيش نبات لانو مرات تتوحشي المباتة في داركم سوغتو التمنشير و زيديلها كاين شي مناسبات يستاهلو باه الواحد يبات في دارهم .خيرمن نقلو مانبغيش نبات في الدار يديرلي قانون و يقولي انتي الي قلتي تم واش نقولو .صح فطورك

[soso sirin]

المشاركة الأصلية كتبت بواسطة عُضو مُحترم

تروح مرة في الشهر

تبات ليلة و ترجع

لا اكثر و لا أقل

و اذا كانت مناسبة و تستاهل باه تبات كثر ايه و لا ممنوع .و اذا جبتها من خارج الولاية كيفاش دير معاها و لا لازم تكون من عندكم