إسأل نفسك ولو مرة.......!!!!

morad81 · 2012-08-03, 16:29

من المظاهر الإجتماعية التي تكاد تغزو كل الميادين و تتخلل ذهنيات كل الأفراد وهي المعرفة و المزية(البليزير).
وهي ظاهرة نراها في كل مكان فيه الطوابير : عند الطبيب ..الإدارات ..المحلات ....الخ .

مع العلم أننا لا نقبل أن يتجاوز دورنا أحد ....

فهل سألت نفسك مرة : لون أنك وجدت في إحدى الأماكن التي ذكرناها من يقدمك على الآخرين ..هل ترفض بحجة أنك لن تتجاوز دورهم ؟

أم أنك تمدح نفسك و تثني عليه بأن لك من المعارف ما يسهل سير حياتك......

لكم الكلمة وما رأيكم في هذه الظاهرة وهل حدثت معكم ......وشكرا مسبقا

karimblida · 2012-08-03, 16:42

موضوع رائع
أدعو الله أن لا اخد دور أحد
و لكن هذه الظاهره سبابها الشعب
راحت القيم و التربية
الادارات هي التي تخلق الطوابير و الشعب يحب الفوضى و لاشان
مسالة شائكة
يا ربي فيزا و بي باي و لهيه ندير لاشان مع المنظمين

Lydia istanboul · 2012-08-03, 17:01

و الله حدثت لي مرارا ...احيانا احرج ممن اكرمني فلا ارد ذلك مع احساسي بالذنب و غالب الاحيان اتحجج بشي اخر حتى انتظر كما انه هناك مرات اخذ دوري اسكت الاولى لكن ما عداها لا اسمح .....صحا فطوركم

morad81 · 2012-08-04, 12:47

اقتباس:

المشاركة الأصلية كتبت بواسطة karimblida

موضوع رائع
أدعو الله أن لا اخد دور أحد
و لكن هذه الظاهره سبابها الشعب
راحت القيم و التربية
الادارات هي التي تخلق الطوابير و الشعب يحب الفوضى و لاشان
مسالة شائكة
يا ربي فيزا و بي باي و لهيه ندير لاشان مع المنظمين

الله يجيبهالك ساهلة إنشاء الله .

اقتباس:

المشاركة الأصلية كتبت بواسطة lydia istanboul

و الله حدثت لي مرارا ...احيانا احرج ممن اكرمني فلا ارد ذلك مع احساسي بالذنب و غالب الاحيان اتحجج بشي اخر حتى انتظر كما انه هناك مرات اخذ دوري اسكت الاولى لكن ما عداها لا اسمح .....صحا فطوركم

شكرا ليديا و الكثير من المواقف اليومية تشوفها وتتعجب فيها .

مرة واحد يحكيلي في لابوست دايرين لاشان ..جا دركي بالزي العسكري ووضع الشاك نتاعو في الأول ...واحد من لناس رجعوا للخلف.

كان ظان أنه ماراهش عارف لاشان من وين تبدى ....تقلق الدركي وعاودرفد الشاك ورجعو في الأول.....قاله ما راكش تشوف فيا دركي.

تكلملوا ذاك الإنسان : قاله راهم قدامك ناس كبار وماراهم بزاف ....... قاله راني خدام وأنا الأول.

تخيلي الموقف:

خرجلوا ذاك الإنسان لاكارت نتاع العسكر :lieutenant colonel....قاله كامل نقدروا مي ناس كبار كيما هاذو نحشم نفوت قدامهم .....ذاك الدركي قدم التحية وعطاها ديراكت.

.....و لله حقيقة نحتاجوها في ذهنياتنا

اسلام انس · 2012-08-04, 12:52

انا ما نبغي حتى واحد يدلي دوري........الا في ظــــــــــرف صعيب الاول بالاول والتالي بالتالي

مريم الصابرة · 2012-08-04, 12:53

السلام عليكم اخي مراد شكرا على الموضوع روعة
فالحقيقة تعايشن مع الوضع هذا بحكم دهابي المستمر للمستشفيات والله يا اخي ما نحب نتجاوز حتى واحد نستنى دوري كيما انا كيما الناس وما نحب اللي يتجاوزني ناكلو لانو فالمرض ماكانش واحد خير من واحد كنت نروح للدويرة بزاف وانا عندي نوعد مفتوح يعني وقت ما نروح مفوت والطبيب موصي الممرض يقولو لما تجي تدخل ديركت انا نحشم قدام الناس نقول للمرض لالا خلي نستنى دالتي ومرات يفوت الطبيب يشوفني هو يعيطلي لكن نتجاوز احد لالا ومرات نخلي دالتي لناس من البعيد باه يروحو يمشو انا قريبة للمستشغى وكاين ناس مسافرين من البعدي نخلياهم بلاصتي وكاين اللي جايبينها نتاع عندنا معرفة ونتاع وليد خالتي ووليد غمتي نوض حرب نقولو وليد خالك وليد عمتك فالدار هنا دالتك كيما لخرين الصاحة لازم حنا ما نسكتوش اليوم تسكت وغدوى تسكت والحالة تزيد مي لو كل واحد يهدر على حقو الظواهر هذو ماكانش شكرا وصحا فطورك

ghada91 · 2012-08-04, 12:54

و الله جامي صرات معايا

الله يجيب الخير

morad81 · 2012-08-04, 12:59

اقتباس:

المشاركة الأصلية كتبت بواسطة بن عمير 22

انا ما نبغي حتى واحد يدلي دوري........الا في ظــــــــــرف صعيب الاول بالاول والتالي بالتالي

بصح كي تلقى واحد يرونديلك السارفيس واش رايح تقولوا لالالا ....في المخبزة وىلالالا في لا بوست .....الخ.

morad81 · 2012-08-04, 13:00

اقتباس:

المشاركة الأصلية كتبت بواسطة مريم الصابرة

السلام عليكم اخي مراد شكرا على الموضوع روعة
فالحقيقة تعايشن مع الوضع هذا بحكم دهابي المستمر للمستشفيات والله يا اخي ما نحب نتجاوز حتى واحد نستنى دوري كيما انا كيما الناس وما نحب اللي يتجاوزني ناكلو لانو فالمرض ماكانش واحد خير من واحد كنت نروح للدويرة بزاف وانا عندي نوعد مفتوح يعني وقت ما نروح مفوت والطبيب موصي الممرض يقولو لما تجي تدخل ديركت انا نحشم قدام الناس نقول للمرض لالا خلي نستنى دالتي ومرات يفوت الطبيب يشوفني هو يعيطلي لكن نتجاوز احد لالا ومرات نخلي دالتي لناس من البعيد باه يروحو يمشو انا قريبة للمستشغى وكاين ناس مسافرين من البعدي نخلياهم بلاصتي وكاين اللي جايبينها نتاع عندنا معرفة ونتاع وليد خالتي ووليد غمتي نوض حرب نقولو وليد خالك وليد عمتك فالدار هنا دالتك كيما لخرين الصاحة لازم حنا ما نسكتوش اليوم تسكت وغدوى تسكت والحالة تزيد مي لو كل واحد يهدر على حقو الظواهر هذو ماكانش شكرا وصحا فطورك

ربي يعطيكالصبر و يشافيك إنشاء الله ببركة هذا الشهر العظيم وأن يحتسب صبرك .......تحياتي .

BAROUD · 2012-08-04, 13:05

ف الحق كنت نديرهابزاف مي حبستها لاني تعلمت الصبر ف الطابور و لقيت روحي نظلم الناس معنويا
اخر مرة عندها اسبوع رحت للوكالة التجارية نخلص النت و حكمت التيكي قالي تاع التنظيم شحال بقئ باش تفوت قلت له لالا مش بزاف و نلحق
عفا الله عما سلف

اسلام انس · 2012-08-04, 13:08

اقتباس:

المشاركة الأصلية كتبت بواسطة morad81

بصح كي تلقى واحد يرونديلك السارفيس واش رايح تقولوا لالالا ....في المخبزة وىلالالا في لا بوست .....الخ.

هذا الله يكـــــــــــــثر خيره وعلى المــــــــــزية نتاعه......وليا ربي سخـرلك عبد من عبادو واش باغي دير ماعليك غير تقضي صوالحك وتروح...ولا..لا

مريم الصابرة · 2012-08-04, 13:10

اقتباس:

المشاركة الأصلية كتبت بواسطة morad81

ربي يعطيكالصبر و يشافيك إنشاء الله ببركة هذا الشهر العظيم وأن يحتسب صبرك .......تحياتي .

السلام عليكم اخي
اللهم آمين يا رب شكرا جزيلا على دعائك الرائع بارك الله فيك خويا صحا فطورك

morad81 · 2012-08-04, 13:21

اقتباس:

المشاركة الأصلية كتبت بواسطة بن عمير 22

هذا الله يكـــــــــــــثر خيره وعلى المــــــــــزية نتاعه......وليا ربي سخـرلك عبد من عبادو واش باغي دير ماعليك غير تقضي صوالحك وتروح...ولا..لا

لالالا هذا إذا ما تتقلقش من الناس اللي يفوتو قدامك علا خاطر عندهم اللي يروندي ليهم السارفيس ....وهذا لب الموضوع.....شكرا

ولا حرام ليهم وحلال عليك

خولة لبابة · 2012-08-04, 15:07

شكرا أخي على الموضوع........و الله هذه الحقيقة مؤسفة فعلا......حدثت لي مرات عديدة......هناك مشفى قريب من منزلنا انتظر دوري لكن أجد الجميع دخل الى الطبيب ما عدا أنا و عندما أساله يقول لي الحارس أنتي قريبة روحي الى الدار و مبعد أرجعي......و بعدها أبدا بالغضب و لله مرات كثيرة صرخت في وجهه كوني امرأة أخجل من ذالك .......لكن زاد الحد كثيرا و أفرط الحارس في ذالك.......الله يهدي ما خلق....و حتى في وقت رمضان كي كنت صغيرة نروح نشري خبز......يقولو لي أنتي قريبة روحي و ارجعي و امبعد يخلص الخبز و ما ناكلوش......شفتوا...........يا الله...........

SOUSOU. DZ · 2012-08-04, 16:11

السلام عليكم

موضوع صح اجتماعي ويستحق النقاش وكثر بزاف في وكيما قلت في كل مكان

انا صراتلي بزاف كيما هكدا خاصة ادا كانو يعرف الوالد ومشكل كي يفضلوك على ل خرين تحشم تقول لالا مي انا نروح والله غير نحس بدنب بزاف وخاصة لابوست وربي يهدي هدا مكان والسلام عليكم ............... وصح فطورك