فرحتي لم تظهر مع كربي ساعدوني

مشكلتي · 2012-03-20, 00:53

السلام عليكم أخوتي في الله
اليوم تجرأت باش نحكيلكم مشكلتي لي عدبتني راهي في شحال و مانيش عارفه كيفاش مام با نبدا
أنا بنت بدات همومي يوم تخطبت و هادي الخطبه خلات كامل الناس يدورو علي حتى صحاباتي و حتى لهنا نورمال بويسك مهما كان هادو غير صحابات. بصح لي ضروني بزاف انو خالاتي دارو علي و بنات خالاتي تاني لي تربيت معاهم
المهم دارولي بزاف حوايج وقاسوني بزاف لدرجة اني مانيش عارفه واش هي فرحة الزواج بصح الحمد لله أمي وقفت معايا و هدا راهو قاتلني بويسك صلة الرحم تقطعت و حاسه امي توحشت تروح لدارهم كيما بكري بصح هوما راهم شغل كي تدخل عليهم تكلي ضيفه و واحد من خالاتي لي جرحتني بزاف لدرجة وصلتها لقدفي في عرضي مام با متشوفش أمي و تتخزن منها كي تروح ليهم
مهما صرا و مهما كحال قلبي بعد ما عايروني و كبرو في الفرحه و قاسو علي كلام يجرح عرضي حاولت نرجع الامور لماجاريها بصح هوما راهم مصريين على قطع العلاقه
منقدرش نقول أنو السبب انو خالاتي كبار و مكتبلهمش المكتوب لأنو بعد خطبتي تزوجت بنت خالتي و وقفو معاها و جهزولها و فرحولها يعني هادا تاني زواج لا؟
علاش وحده وقفوهالها و وحده راياو عليها و سهلوهالها؟؟؟
حبيت ندي رايكم راني هامله نتاع الصح دوكا كي ندير؟ أمي نحسها مالغري كرهتكم بصح نحسها توحشتهم و تغيضني كيفاش نرجعها ليهم؟ مع العلم حللتهم و طيحيت نيفي شحال من مره ليهم و كل مره يقطعوني؟
تاني حاجه نديهم معايا للعرس؟ علما ان أمي ماهيش قابله بويسك دارولي لي بروبلام في حنتي؟
راني حشمانه من هاد الوقت لي خلانا نحكو على دمنا بصح مازالني مشوكيا
حسيت ستخسرو في هادا الزواج
واش رايكم؟

صُبح الأندلس · 2012-03-20, 08:58

يا أختي هذه غيرة نسائية مريضة كلما رأوا فتاة تزوجت خاصة إذا كان العريس جيدا غاروا منها و حسدوها و قاطعوها ...
أما أنت فلا تقطعي رحمك و صليهم ما استطعت حتى يتحملوا هم الوزر
و كذلك أمك فلتصلهم
أما مسألة أخذهم معك إلى العرس فهذا يعود إليك

•~ندية الجوري~• · 2012-03-20, 10:09

يا أختي كبري قلبك ... و لا تعيشي لأجلِ إرضائهم
فـــإن كان غرضهم أن لا تسعدي فقد وصلو إلى ذلك

كلّ شيء ســـ يمر و تعود المياه إلى مجاريها
فقد مررتُ بــأكثر من هذا ...
و اليوم لم تبقى إلاّ بعض ذكرياتٍ مُضحكة في الغالب

دعكِ منهم و عيشي فرحتكِ و إستمتعي بوقتكِ
لكن هذا لا يعني أن تقطعيهم

ربّي يُصلح لكِ أموركِ و يسعدكِ ...

biologie2001 · 2012-03-20, 10:39

هدي غيرة فقط و انت افرحي و فرحي يماك معاك..... و هوما يجي النهار اللي يندموا على هدا الشيء

- بصمة خير - · 2012-03-20, 12:32

و لكن أنت كيفاه تزوجني ؟؟؟

و الاخرى كيفاه ؟؟؟

كيفاه كانت علاقتك معاهم قبل الزواج و بعد ؟؟؟؟

لانو كاين اللي يجي يتزوجوا مايحوكش حتى يعقدوا ووو باش يسمعوا الناس

القصة مش كاملة

و لكن

كل شيء و الا قطع صلة الرحم

انت اعرضيهم و خليها عليهم

و ادعي ربي يسهلك

بالتوفيق و التيسير ان شاء الله

اللهم صلي و سلم و يارك على سيدنا محمد

جسر الأمل · 2012-03-20, 12:34

يا أختي قاع رانا نعيشوا في الموقف انتاعك دارو والزمان دوار، شوفي انت درتي اللي عليك امالا صايي ماتكثريش على روحك افرحي وجهزي وماديري حساب لواحد باسكو هذه مشي غيرة هذا حسد يالطيف، الغيرة تروح مي الحسد يبغو يشعلوا فيك النار.
الحل الوحيد تجاهليهم، وزيدي ماتديهمش معاك للعرس، دارولك النش في حنتك، راني عارفة التشناف والمعاني كالسيوف ووووو، ماتديش اللي يديرلك ويخسرلك فرحة عمرك أنا علاه نديه، لاضرر ولا ضرار، وصدق شيخنا عائض القرني كي قالك الاقارب عقارب
ربي يفرحك اختي وماتخميش بزاف كي تتعمري ارواحي هنا والله يالبراني خير من دمك
والسلاااااااااااااااااااااااااااااااااام

نور الهدى ريحانة · 2012-03-20, 12:44

لا حول و لا قمة الا بالله
يا حبيبتي كبري قلبك و استعيني بالله
أول شيء حاولي ترجعي صلة الرحم بين امك و خالاتك
لأن قاطـــــــع الرحم في النار
فحاااااااااولي مهما كان ترجعيهم ليس من أجلهم بل من اجل الله سبحانه
و حاولي ما تكربيش روحك على جالهم بما انهم جرحوك و قاسوك يعني ما يستاهلوش دمعتك و حزنك
الآن اهتمي بنفسك و عرسك و زوجك و حياتك الجديدة
و دعي أمرهم لله اشكيهم لله هو وكيلهم
و حاولي تدعيهم باه تديهم معاك للعرس و اذا ما حبوش خلاص
و اذا خفتي يسببولك مشاكل ما تديهمش
اخيتي ربي يهني بالك و يسعدك ارجوك انسيهم و وكلي امرك لله
اهتمي بسعادتك الزوجية و كوني سعيدة و ما يكون غير الخير نشا الله
و ربي يهنيك
تقبلي تحياتي القلبية

خولة لبابة · 2012-03-20, 12:53

لا حول و لا قوة الاّ بالله هذه الغيرة موجودة بكثرة خاصة عندى النساء للأسف أنتي قومي بزواجكي و ربي يفرجها عليك و اقول لكي انتي اعزميهم و اذا لم يأتو فهذا مشكلتهم أما اذا عرفتي أنهم سيقومون ....بأشياء ......في عرسكي .....فلا تعزميهم......صحيح قطع صلة الرحم صعبة للغاية لكن في هذه الله ادعي ربي يهديهم كامل و أقول لكي زواج مبارك اختي توكلي على الله.....فالله لا يضيع أجر عامل ....بالتوفيق اختي...

الواثق · 2012-03-20, 13:02

انا نقلك الصراحة بدون زعاف ......................لو تجيبي لافامي لي راكم مخاصمينهم وتقلهم يكتبو مشكلتهم يديرو نفس الطرح معاك ...........................يعني هاذي الامور اكيد تعرفيها انت وتعرفي واش كاين بيناتكم .............انت تكلمتي واش دارولك ولم تتكلمي واش درتيلهم حتان يديرولك ...........................انا والله امي تولي تحكيلي على مشكلة ومانديرش عليها كامل هكذاك النساء أكل .......................لانو الواحد كي يسمع من جميع الاطراف مايفهم والو .......................وكاين نساء تلقايها تسب وتشتم وتحلف ومبعد تلقاها تقصر معاها كانه لم يكن ...................هوما يفروها والرجال يحسبوها كبيرة ويدوخو رواحهم .........................نصيحتي ليك اتقي الله وابتعدو عن بعض الاشياء التي تنبت الخلاف.......................ولا اظن ان هناك مقاطعة الا لعدة امور لا نعرفها ولا يعرفها احد الا انت ........................................والله اعلم بالصواب

- بصمة خير - · 2012-03-20, 13:32

اقتباس:

المشاركة الأصلية كتبت بواسطة فلال باك

لا حول و لا قوة الاّ بالله هذه الغيرة موجودة بكثرة خاصة عندى النساء للأسف أنتي قومي بزواجكي و ربي يفرجها عليك و اقول لكي انتي اعزميهم و اذا لم يأتو فهذا مشكلتهم أما اذا عرفتي أنهم سيقومون ....بأشياء ......في عرسكي .....فلا تعزميهم......صحيح قطع صلة الرحم صعبة للغاية لكن في هذه الله ادعي ربي يهديهم كامل و أقول لكي زواج مبارك اختي توكلي على الله.....فالله لا يضيع أجر عامل ....بالتوفيق اختي...

تعرضهم و اذا خافت كاشما يديرولها

كل شيء و لا قطع صلة الرحم

تعسهم و تخلي عينها هي و العايلة تاعها عليهم بعد اذن الله مايضرها شيء

ربي يوفقك و يكملك زواجك

اللهم صلي و سلم و بارك على سيدنا محمد

نجمة ساطعة · 2012-03-20, 13:50

تقريبا حدث نفس الشيء عندنا

بصح اتخذنا مبدأ اللي عجبوا الحال اهلا و سهلا و اللي ما عجبوش يخبط راسو على الحيط

بالشوي بالشوي ندموا و عرفوا رواحهم غالطين الاغلبية رجعوا و كاين اللي ما رجعش

اختي افرحي و ازهاي العمر مرّة شدي في ربي و الباقي يدز معاهم

ريحان الجزائر · 2012-03-20, 23:00

السلام عليكم و رحمة الله و بركاته الله يهديهم و إن شاء الله يفيقو أنا نظن لوكان تروحي انت و ماماك ليهم و تتجمعو كامل و تحكيو فالموضوع و تحاولو تحلوها قبل العرس و إذا أصروا على القطع و المخاصمة قوليلهم الدار تعرفوها و نهار العرس راكم معروضين لي حبت تجي مرحبا و لي ماحبتش الله يسهل لها أمرها و انت أفرحي و تمتعي بأيامك لأنها إلا راحت ماترجعش و ربي يكمل الفرحة وادعي ربي يفتحها عليكم كامل و يبعد الشيطان و ربي يفرحك و زواج سعيد

شخصية نرجسية · 2012-03-21, 07:42

غيرة لا اقل و لا أكثر متعمريش راسك و تولهي بروحك المهم ما تظلميش

~~سياف 100~~ · 2012-03-21, 07:59

خلونا نكونو واقعيين اختي تاخذي نصيحتي خطيك منهم رايحين يرجعوا ليماك بعد ماتتزوجي
اتحلاي في روحك وجدي لعرسك
الصيحة الاهم ماتعرضيهمش لعرسك لانو اختي نها العرس التاعا وحدة سرقت الحنة تاعها ومورا عرسا راجلها عاداها 6شهور حتى ولات الطلاق ومين رات رقات صابتهم دارولها سحور ماتكونيش عاطفية هوما الي بداو خدمي عقلك
كيد مور عرسك راح يرجعوا يماك مهما كان هدي اختهم المهم انتي