كعب الغزال

ام سليمى · 2011-12-17, 22:19

السلام عليكن اخواتي اليوم حبيت نحطلكم وصفة من وصفات زمان كانو امهاتنا يديروها باش هكذا مين ذاك نتفكروا حلوياتنا التقليدية الجزائرية وكيما قالو ناس زمان الجديد حبو و القديم لاتفرط فيه .....
وبلا ما نطول عليكم خلوني نبدا بالمقادير للعجينة نحتاجو 3 كيلات فرينة 1 كيلة زبدة طرية 3مغارف سكر
بيضة و تلمي كلشي بماء الزهر و تغطيها و تخليها ترتاح
و تحضري الحشوة لوز محمص و مرحي خشين و سكر و قرفة و تبسيها بماء الزهر ما تعجنيهاش باه ما تيبسش
تحلي العجينة ديالك رقيقة و تقطعيها مثلثات و تحطي وسط كل مثلث شوية حشوة و تلويه على شكل هلال
و تدهني كل الحبات بالبيض مخلط مع الحليب و تذري فوقهم اللوز مرحي خشين و دخليهم للفور يطيبو و بصحتكم كامل ادعولي في ظهر الغيب رب يفرج غبينتي و غبينة كل مؤمن

remadna · 2011-12-22, 17:15

بارك الله فيك أختي ام سليمي
ربي يفرج عليك و على كل مؤمن آمين

nada nina · 2011-12-22, 17:25

بارك الله فيك وربي يفرج عليك حبيبتي و يهنيك

my lamis · 2011-12-22, 17:49

أغيب وذو اللطائف لا يغيب ... وأرجوه رجاء لا يخيب
ومن لي غير باب الله باب ... ولا مولا سواه ولا حبيب
هو الرحمن حولي واعتصامي ... به وإليه مبتهلا أتيب
إلهي أنت تعلم كيف حالي ... فهل يا سيدي فرج قريب
دعاء الفرج:
يارب
اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد أخرجني من حلق الضيق إلى أوسع الطريق، بك ادفع ما لا أطيق، ولا حول ولا قوة إلا بالله العلي العظيم

دعيت لأختي قبل و نشالله ربي يسمعلك و يسمعلنا
يطيك الصحة على القاطو و صح القديم نسيناه شوية بصح مزالو عزاز