كسرة الرخساس من مطبخي

دائمة الحمد · 2014-10-29, 22:54

كسرة الرخساس

عزيزاتي لا يخفى عليكم انو المطبخ الجزائري يزخر بانواع الخبز او الكسرة كيما نقولوها احنا

ومن بين هذه الانواع كسر ة الرخساس ا لمحبوبة والمشهورة خاصة الرجال يحبذوها على بقية الانواع

ولاحظت انو عددكبير من الاخوات يقولو تجينا يابسة نطمنكم انكم اذاتبعتو طريقتي راح تتحصلو على رخساس من النوع الرفيع وتفرحو بالنتيجة

وكنت وعدت اخت في هذاا لقسم BONBONنحطهالها بالمقادير المضبوطة
انا في الحقيقة عيني ميزاني ما نكيلش
لكن مثل ما وعدتها راني كيلت ليهاكل المقادير

2كيلات سميد من النوع الجيد
انا نكيل بهذي الغرفية الفردية تاع الجاري وراني كيلتها كل غرفية تهز 3كيسان كيما لي في الصورة
يعني بالكل 6كيسان سميد

كاس غير ربع زيت
1مغرفة كبيرة معمرة مليح سمن او2مغارف
ملح
2مغارف كبار سكر
1خميرة القاطو
جلجلانية وسانوج وحبة حلاوة وزريعة البسباس هذم نسموهم افاح الكسرة
ماء عادي من العين

ماء زهر انا نستعمل هذا النوع روعة ماهوش قاوي وماشي ماء
نعمل مغرفة صغيرة تا ع قهوة

نبسس الكسرة عادي كيما متعودين ونبلها بماء من العين ونخليها شادة روحها مانطريهاش ونعجنها مليح حتى ترطاب ومرة على مرة نغطيها نخليها ترتاح واحد5 دقائق

لما نشوفها تعجنت
نحط الطجين يسخن مليح ونروح نزيد ليها السمن ونلمها حتى يدخل فيها دون ما نقطعها
ثم نقسمها 3 قرصات ونخلي وحدة بجنب تريح شوي ولخرين نحطهم في ساشية

ثم نحط شوي زيت ونحل عليه قرصة الكسرة ونثقبها بالفرشيطة ونطيبها
وتذوقو كسرة هشوشة بنينة ومقرمشة

لا تنسوني حبيباتي من صالح دعائكن بظهر الغيب و جزاكن المولى بمثلها و أحسن

اللهم أدمها نعمة و بارك لنا فيها و احفظها من الزوال

ام سراج وملاك · 2014-10-30, 00:16

ظاهرة راني انا اول وحدة ترد يعطيك الصحة روووووعة حبيبتي نموت على الرخساس ونحب نوع فيه وطريقتك تبان جديدة على لي نعرفها مع شفت رخساسك سخفت عليه نجربو باذن الله تبان تذوب في الفم حبيت نسقسيك لازم السمن نقدرو نعوضوه بالزبدة ولالا حابة نجربها عندي غير الزبدة في الدار واذا لازم السمن نشريه المهم تجي تشبه لكسرتك برك

امونة الشاوية · 2014-10-30, 00:22

بارك الله فيك دائمة الحمد ربي يجازيك على واش تقدميه

fifi faiza · 2014-10-30, 00:25

الله يبارك ....الله يعطيك صحيحتك دائمة الحمد وربي يحفظك ويفرحك بذررياتك ويشفيلك امك واخوك ..والله نحبك في الله

nihale89 · 2014-10-30, 00:34

مممممممم روعة
متالقة يا غالية كي العادة

قمر 77 · 2014-10-30, 04:59

دائمة الحمد بارك الله فيك كسرتك شهاتني نشالله نجربها مبصح قوليلي لازم طاجين الطين تكسرل عندي غير نتاع المسمن و زيد ما نعرفش نرفدها ما الطابونة يتحرقو يدي نقدر نطيبها في نتاع المسمن

ام الهضاب · 2014-10-30, 06:29

اممممم صباح الرخسيس الطري البنين الله يبارك فيك و في أولادك و مولى بيتك يااارب خدمتك ماشاء الله متحوووووفة و رايحة انجربها اليوم بإذن الله

أم ياسين الزهراء · 2014-10-30, 07:18

هايلة يعطيك الصحة سخفتيني امممممممممممممم

x ام رحاب x · 2014-10-30, 07:45

صباحك سعيد يالغالية والله يعطيك الصحة على الرخساس ايجي هايل وطعمو مانقولكش الله ربي ان شاء الله يشفيلك امك واخوك وربي يرزقك من حي لاتحتسبين اممممممممممممممممن

ام محمد78 · 2014-10-30, 08:01

يعطيك الصحة

عطرالذهب · 2014-10-30, 08:03

ياسلام عليك يالعزيزة كسرة متحوفة وباينة البنة والهشاشة
ربي يبارك فيك ويعطيك صحتك على هذا النشاط والخدمات اللي تقدمي فيها
في ميزان حسناتك ان شاءالله

lyzzabel · 2014-10-30, 08:19

ممممممم رووووعة حبيبتي راهي تشبه للفطير لي نديروه حنا فالغرب مع ما فيهاش خميرة الخبز كيما لي شفته فالمنتدى ،، ربي يباركلك في صحتك و في زوجك و وليداتك و يشفي ميمتك و خوك و كل المرضى امين
شكرا على كل مجهوداتك يا العزيزة

<نَجْمَاتْ> · 2014-10-30, 08:23

اممممم تسلم يداك اختي راح نجربها ان شاء الله شكرًا لك

أم فاطيمة · 2014-10-30, 08:25

اممممممممممممم يعطيك الصحة دائمة الحمد ربي يعطيك واش تتمني

أم محمد تاج · 2014-10-30, 08:27

مممم روووووعة كي فحفحتيها حنونتي حنا نديرو غير السينوج والجلجلانية والسكر وبسسسسسس سبحان الله كل منطقة كيفاش
وحنا نبسسوها اكثر حنونتي
الله يسلم ذوك اليدين ويعطيك صحتك ويشفي مرضاك يارب