خبز التوست بطريقتين بالعجينة اليابانية والعجينة العادية من مطبخي

[tokio hotel]

نبداو باسم الله بالوصفة الاولى خبز توست بالعجينة اليابانية
كوب دقيق كوب ماء على النار نخلط جيدا نتحصل على عجينة مثل عجينة الشو



( الماء 100 مل والفرينة نكيلوها بالكاس لي يرفد 200 مل )

في بول نحط 500 غ فرينة و م ك حليب غبرة و 2 م ك سكر عادي و رشة ملح وبيضة و 2 م ك زبدة طرية



نخلط العجينة لي طيبناها من قبل مع المقادير ونخلط باليد جيدااا حتى تبرد العجينة شوية كي نضيفو الخميرة ما تفقدش المفعول نتاعها



دوبي ملعقة كبيرة خميرة في نص كوب ماء دافئ وزيديها مع الخليط مع مراعاة درجة الحرارة للمزيج



بعد ما تخمر نطرحها على شكل مستطيل وروليها وزيري عليها حتى مايكونش فراغات كي يطيب



حطيها في مول مدهون وخليها تخمر للمرة الثانية



نعجنها شوية ونخليها تخمر

الوصفة ثانية وهي خبز طوسط عادي

رطل فرينة و 220 ملل حليب و 100 ملل ماء دافئ
60 غ زبدة و ملعقة ونصف خميرة تع الخبز و نص ملعقة صغيرة ملح و م ك سكر
نبسس جيدا بالزبدة



نبلل بالحليب والماء ونعجن وخليه يخمر ونكمل بنفس الطريقة السابقة

حطيهم في الفرن به اناء فيه ماء ساخن





وهذا كيش حضرتو بيه تع البصل والدجاج وسندويتشات بالبيض والمايونيز





ملاحظة :
العجينة الاولى مضمونة وممكن نقصو كمية السكر وممكن نعملو بيها لي كرواسون بالطريقة العادية لكن بكمية اقل من الزبدة 75 غ فقط