موضوع مميز * المعقودة على أصولها و بأسرارها *

faizarbh · 2013-06-03, 10:58

السلام عليكم
كاين بزاف ما تنجحلهمش المعقودة لكن بهاد الطريقة ان شاء الله بإذن الله تنجحلكم .
نحتاج أولا بطاطا مقطعة و مغلية مع شوية ملح كي اطيب نصفيها من الماء و نخليها حتى تبرد مليييييح مليييييييييح باش نرحيها لانو كون ترحيها و هي سخونة المعقود ما ينجحلكش
كي نرحوها ممكن بالفرشيطة و اداة يدوية مثل اللي فالصورة
بعدما نرحيها نضيفلها الهريسة انتي و شحال تحبي + ملح+معدنوس مقطع+فلفل أسود+ ثوم رابي و مخلطهم مع بعض .
في إناء ندير كمية من الفرينة ( الفرينة على حساب واش عندك كمية البطاطا)+ ماء + خمارة تاع الحلوة باكي + ملح و هادي الخلطة السرية اللي نغطس فيها المعقود لازم نوجدها الصباح كي انوض و نخليها تريح حتى لوقت الاستعمال و القوام تاعها يجي كيما الكريب .
نشكل خليط البطاطا على شكل معقودات و نغطسهم في خليط الفرينة و نقليهم في زيت سخون بعدما يحمارو نحطهم على ورق باش يتشرب الزيت قم نقدمهم مع ليمون و انا نفضلهم بالكاتشب ههه هي صح غريبة بصح القلب و واش يهوى .

نخليكم مع الصور

لا تنسوني من صالح دعائكم

بشرى2008 · 2013-06-03, 11:04

مشكورة انا نستعمل الخبز اليابس فى بلاصة الفرينة

faizarbh · 2013-06-03, 11:07

اقتباس:

المشاركة الأصلية كتبت بواسطة بشرى2008

مشكورة انا نستعمل الخبز اليابس فى بلاصة الفرينة

مشكورة بشرى على المرور و على الافادة

سحر الكلمات · 2013-06-03, 11:08

ممممممممممممممممممممم هايلة يعطيك الصحة

ام ملاك. · 2013-06-03, 11:44

روعة عفسة جديدة نتاع الفرينة خير من البيض
يعطيك الصحة اختي فايزة

انمي · 2013-06-03, 11:45

هااااااااااااااااااااايل

maiar · 2013-06-03, 13:02

بارك الله فيك ديما ما تصلحليش

crystale49 · 2013-06-03, 13:37

بارك الله فيك

souzie · 2013-06-03, 13:39

يعطيك الصحة يا فحلة

بنت الحاج · 2013-06-03, 14:13

وعليكم السلام ورحمة الله وبركاته
يعطيك الصحة أختي فايزة على هاذ العفسة خير من البيض، أنا أصلا ما نبغيهش وبسببه ما ناكلش المعقودة
هكذا فتحتيلي الباب باش نولي ناكلها ربي يحفظك

لمسة حنية · 2013-06-03, 14:33

رووعة انا ندير البيض بصح لما شفت تاعك لازمني نجربها بطريقتك
هااايلة اختى وبارك الله فيكي

أم شيماءْ · 2013-06-03, 14:43

يعطيك الصحة روعة

faizarbh · 2013-06-03, 15:03

اقتباس:

المشاركة الأصلية كتبت بواسطة سحر الكلمات

ممممممممممممممممممممم هايلة يعطيك الصحة

الله يسلمك أختي

اقتباس:

المشاركة الأصلية كتبت بواسطة مونية ك

روعة عفسة جديدة نتاع الفرينة خير من البيض
يعطيك الصحة اختي فايزة

نعم اختي جربيها اجي روعة

اقتباس:

المشاركة الأصلية كتبت بواسطة انمي

هااااااااااااااااااااايل

اقتباس:

المشاركة الأصلية كتبت بواسطة maiar

بارك الله فيك ديما ما تصلحليش

اقتباس:

المشاركة الأصلية كتبت بواسطة crystale49

بارك الله فيك

اقتباس:

المشاركة الأصلية كتبت بواسطة souzie

يعطيك الصحة يا فحلة

و فيكن بركة ان شاء الله تعجبكم

اقتباس:

المشاركة الأصلية كتبت بواسطة بنت الحاج

وعليكم السلام ورحمة الله وبركاته
يعطيك الصحة أختي فايزة على هاذ العفسة خير من البيض، أنا أصلا ما نبغيهش وبسببه ما ناكلش المعقودة
هكذا فتحتيلي الباب باش نولي ناكلها ربي يحفظك

ايه صح تاع البيض ثقيلة بزاف انا ما نكلهاش تاني بصح ماما من بكري تخدمو هكدا و يجي هايل

اقتباس:

المشاركة الأصلية كتبت بواسطة لمسة حنية

رووعة انا ندير البيض بصح لما شفت تاعك لازمني نجربها بطريقتك
هااايلة اختى وبارك الله فيكي

الله يسلمك عزيزتي جربيها و شوفي

اقتباس:

المشاركة الأصلية كتبت بواسطة ouricia

يعطيك الصحة روعة

الله يسلمك عزيزتي

أم سيرين3 · 2013-06-03, 15:06

وعليكم السلام ورحمة الله
بارك الله فيك على هذه الكيفية ،راح نجربها بطريقتك.

السَّحابة البيضاءْ · 2013-06-03, 15:06

السلام عليكم

الصراحة طريقة غريبة وجديدة خاصةً عفسة الهريسة

إحنا نفوروا البطاطا ثمَّ وهي سخونة نرحوها مليح ثم نضيف بصلة مقطع رقيق قرفة مرحية ملح فلفل أكحل شوي شابلور حشاوش و صفار بيضة برك وتلميها بالشكل المعروف ثم تغطس في بياض البيض ثم شابلور وإلى الثلاجة طول حوالي ساعة أو أكثر ثم للزيت السخون مُباشرة ً وبألف صحة وعافية

هذي طريقتنا فيها
ولي يحب التنويع فيها حشوات بزاف بالفرماج أو الطون أو فيوند أشي حتى الشكل دوائر أو خبيزات أو شكل إسطواني