السفيطي البوسعادي

سرور2 · 2015-09-11, 13:02

السلام عليكم لبنات

شفت هنافي المنتدى بزاف بنات حابين يعرفو مقادير وطريقة السفيطي املاقلت نطيبواليوم للعائلةونصورلكم المراحل

بالتفصيل ونتمنى انو يعجبكم وتجربوه لانو اكلة تقليديةومكانش بيت في بوسعادة ميحبوش ولاميخدموش حتى ولو كان

يومي ميتكرهش ههههههههه

المقادير على حسب العائلة

لدوزين (لصوص)

ثوم +كسبر +طماطم حب +فلفل اخضر عربي ولاقرن غزال +ملعقة طماطم معلب +فلفل احمريابس ولا هريسة انا نحب

لهريسةوخاصةلكانت مخدومة في البيت +زيتون اخضرمقطع دوائر

مقادير العجين

انا مهراسي يهز 7خبزات ونطيب دايما4 ولا5

دقيق وماء دافي نعجنها ونخليهاتريح شوي ومن بعد نجبدها وندلكها شوي ونضيف الملح وندلك حتان يدخل

ملييييح في لعجين ومن بعد نقسمهاكويرات ونطيب بالخبزة حتان نكملهم كامل

وكل منطيب خبزةنفتتها رقيييق باش متعطلناش في الدقان من بعد في المهراس وتكون العمليةاسرع ههههههههه

لانو يكون الجميع حامل مغارف وبالانتضار ههههههههههههه

نشوي الفلفل والطماطم والثوم ونقيهم ونحكم المهراس ندير فيه ملح عينك ميزانك وكسبر بعدغسلو اكيد وثوم مشوي

وندقهم مليح ونضيف عليهم الفلفل وندق مليح مليح وبعدها الطماطم حب المشوية وندق ومنبعد نحطهم في كسرون ونحطهم بجيه

(والي محبتش هادي الطريقةويكون عدهاروبو تجمعهم كامل وترحيهم فيه يكون احسن واحسن )

وفي صحن نقطعوالزيتون الاخضر ونحطوه بجيه ايضا والكسرة بعد مطيب نفتوها رقيق ونحطوها بجيه

وفي وقت التوجاد نغلي كسرونة ماء ونحط فوها الكسكاس با ش تجي الكسرةسخونة ونغلي طاوةماء ايضاباش

نضيفوه لسفيطي ونسخنو ايضا الدوزين باش يكون السفيطي سخون وحاااار

ونبداو نحطوفي المهراس مرة كسرة مفتة ومرة دوزين وانت عينك ميزانك لازم يكون الخليط متجانش ومن بعد نضيفو

الماء وزيت زيتون ونطقو بشوية (في هذي المرحلة دقي على اقل من مهلك لانو لو تضربي بالقوة يطرلك الفلفل

والحرور لكامل جسمك ) ونضيفو الزيتون وندقو كذالك باش يتخلط مع السفيطي وهاك انت وميزعينك وشتحبيه مايه

بزاف ولا شوي ولا يابس وحتى زيت زيتون وشتحبي انت تكثري ولاتقلي وكاين الي يحب ياكلو مع لبن وكاين الي يحبومع

ياؤورت باش لمعدى متنضرش من بعد من لحرارةانتاعو ههههههههههه

نتمنى انو يعجبكم وضرك نخليكم مع الصور توضح اكثر

واخيرا اكملت هههههههههههه

نتمنى انو يعجبكم ودعوة خير واذا معجبكمش ثاني دعوة خير ههههههههههههه

راني تعبت في التحميل

ام معاوية 09 · 2015-09-11, 13:11

الله يبارك سرور كيفاش مايعجبناش هههههه تتمسخري لحقت بيه سخووون اممممم يعطيك الصحة يا الفحلة وربي يرزقك واش تتمناي وبصحتكم

ام أمينة · 2015-09-11, 13:22

ووووووااااااااااوووووووووو سرور ممممممممممممممممممممم رني نتخيل في لمهراس قدامي ونكل وهوا ححححححححارررررررررررر ييييممممممم وهذا المهراس يتباع برتو ولا جوايهكم برك باه كي نجي نشري واحد

اسمهان79 · 2015-09-11, 13:26

يا مااااااامي يهود يقتل
ماشاء الله روعة روعةةةةةةة
نموت عليه تعرفي والله نروحو للياشير باه ناكلوه في الخيمة وللأسف ما عنديش المهراس باه نديرو لكن شفتو يتباع مابين البرج والياشير وندمت كي ماشريتوش
أحلى تقييييييييييم حنونة
والف شكر على الطريقة

kifok · 2015-09-11, 13:29

هههههه سبقتينا كانت ماما رايحة تخدمو و انا نحطو هنا لاني شقتهم طالبين عليه ربي يحفظك تقريبا الطريقة كيما حنا
التغيير برك شوي في الالصوص حنا نديره هكداك نزيدولو الماء الساخن و نخلوه يعقد على خاطر دارنا يقولو الماء ينحلو البنة نتاعو
بصحتكم حنونة و هو فعلا اكلة رائعة

ام افنان48 · 2015-09-11, 13:33

ربي يبارك هادي شاطرة ولا خلي ماشاء الله تعلمت حاجة جديدة عمري ما نعرفها بصح بنين خاصة الحار

وفاء الياسمين · 2015-09-11, 13:34

ماشاء الله ربي يبارك فيك حبيبتي

الجمان · 2015-09-11, 13:40

الله يبارك
رووووووووووعة

omjoujou · 2015-09-11, 13:49

روووووووووعة روووووووووووووعة اختي سرور يعطيك الصحة ربي يعطيك وش تتمناي

سرور2 · 2015-09-11, 14:06

اقتباس:

المشاركة الأصلية كتبت بواسطة ام معاوية 09

الله يبارك سرور كيفاش مايعجبناش هههههه تتمسخري لحقت بيه سخووون اممممم يعطيك الصحة يا الفحلة وربي يرزقك واش تتمناي وبصحتكم

الله يسلمك اختي ام معاوية وربي يحفضك

شكراعلى المرور

سرور2 · 2015-09-11, 14:07

اقتباس:

المشاركة الأصلية كتبت بواسطة ام أمينة

ووووووااااااااااوووووووووو سرور ممممممممممممممممممممم رني نتخيل في لمهراس قدامي ونكل وهوا ححححححححارررررررررررر ييييممممممم وهذا المهراس يتباع برتو ولا جوايهكم برك باه كي نجي نشري واحد

شكراعلى المرور والحمد لله لانوعجبك

نضن غيرفي جوايهناكيماالجلفةو مسيلة وبوسعادة بكثرة من ومن يكون على الطلب برك

salam algeria · 2015-09-11, 14:08

سرور راكي قتلتيني بيه ههههههه يعطيك الصحة يا الفحلة
اممممممممممممممممممممم يشهي

سرور2 · 2015-09-11, 14:09

اقتباس:

المشاركة الأصلية كتبت بواسطة اسمهان79

يا مااااااامي يهود يقتل
ماشاء الله روعة روعةةةةةةة
نموت عليه تعرفي والله نروحو للياشير باه ناكلوه في الخيمة وللأسف ما عنديش المهراس باه نديرو لكن شفتو يتباع مابين البرج والياشير وندمت كي ماشريتوش
أحلى تقييييييييييم حنونة
والف شكر على الطريقة

ههههههههههههه العفواختي عودي ارواحي كوليه عندي متروحي للخيمةمتخسري دراهم هههههههههههه

شكرا على المرور

سرور2 · 2015-09-11, 14:11

اقتباس:

المشاركة الأصلية كتبت بواسطة kifok

هههههه سبقتينا كانت ماما رايحة تخدمو و انا نحطو هنا لاني شقتهم طالبين عليه ربي يحفظك تقريبا الطريقة كيما حنا
التغيير برك شوي في الالصوص حنا نديره هكداك نزيدولو الماء الساخن و نخلوه يعقد على خاطر دارنا يقولو الماء ينحلو البنة نتاعو
بصحتكم حنونة و هو فعلا اكلة رائعة

الله يسلمك اختي وبصحتكم انتم ثاني

حنالصوص يكون ناشف شوي والماء نزيدوه فوق الكسرةوحناندقوفيهاباش يتخلط مليييييح

شكراعلى المروراختي

سرور2 · 2015-09-11, 14:14

اقتباس:

المشاركة الأصلية كتبت بواسطة ام افنان48

ربي يبارك هادي شاطرة ولا خلي ماشاء الله تعلمت حاجة جديدة عمري ما نعرفها بصح بنين خاصة الحار

شكرااختي على المروروالحمد لله قدرت نوصل حاجةميعرفوهاش باش الناس تجربها وان شاء الله يعجبك كتاكليه مع اني

متاكدةبلي يعجبك هههههههههههههه